Zaldibargo zabortegia ez da oraindik zigilatuko
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter Recycling-ek ez du, antza, horretarako borondaterik.
Verter Recycling enpresak kudeatzen zuen Zaldibargo zabortegia, baina 2020ko otsailaren 6an, hondamendia gertatu zenean, Eusko Jaurlaritzak hartu zuen krisia kudeatzeko ardura. "Ingurumen eta osasun kalteak ez areagotzeko", Arantxa Tapia Ingurumen sailburuaren arabera, eta Alberto Sololuze eta Joaquin Beltranen bilaketa abiatzeko.
Prozesu eta lanek guztira 28 milioi euroko gastua ekarri diote Eusko Jaurlaritzari, eta oraindik enpresari ardura ekonomikoak eskatzen dizkio Tapiak. Urtarrilean iraungi da enpresak "borondatez" ordainketa egiteko epea, baina ez da halakorik egin; orain, Ogasun Sailak kudeatuko du gaia eta "bide legal guztiak urratzeko" konpromisoa adierazi du Jaurlaritzak, enpresak ordainketa egin dezan.
Verter Recycling enpresak hondoa jo zuen ekonomikoki eta likidazio prozesuan sartua dago; hori argudiatzen du ordainketa ez egiteko.
Jaurlaritzak zigortu zuen lehenago
Ertzaintzaren txosten batek dio, azken egunetan hedabideetan publiko egin denez, enpresak "baimenik eskatu gabe" erabiltzen zuela 60.000 metro karratu baino gehiagoko lur-eremua. Jaurlaritzak ez du ezagutzen Ertzaintzaren txostenak zein xehetasun ematen dituen, auzitegian dagoelako, baina Tapia sailburuak baieztatu du jakitun dela "lurrak metatzeko azalera" hartu zuela enpresak "Jaurlaritzari inolako baimenik eskatu gabe". 2019ko ekainean izan zen hori, Tapiak oroitu duenez.
Zigorra ezartzeko prozedura administratiboa abiatu zuen Ingurumen Sailak; handik zortzi hilabetera erori zen zabortegia.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]
Ehunka lagun ibili dira iganean Ermuko plazatik Zaldibar auzoko Eitzagara, Verter Recycling zabortegia bertan behera erori zeneko bigarren urteurrenean.