Zaldibar Argitu: “Lakua ez da neutrala izan, auziaren parte izan da”
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Arantxa Tapia Eusko Jaurlaritzako Ingurumen sailburuak astearteko Gobernu Kontseilu ostean emandako prentsaurrekoan jakinarazi zuen Europako Batzordeak beste behin babestu duela Zaldibarko zabortegian izandako hondamendiaren aurretik eta ondoren Jaurlaritzak egindako kudeaketa.
Eibarko San Lorenzoko Bizilagun Elkarteak, Ekologistak Martxanek eta Zaldibar Argituk eskatu zioten Bruselari ikertu zezala zabortegian gertaturikoa, EAEko administrazioak legedia hautsi zuen edo ez jakiteko. Honek erantzun du Jaurlaritzak legedia bete duela eta, beharrezko kontrolak egin zituela airearen kalitatea eta amianto isuriak zaintzeko.
Ez da kasu honen inguruan Bruselak ematen duen lehen ebazpena. 2021eko otsailean oso antzeko beste ebazpen bat eman zuen eta ordukoan ere Jaurlaritzaren jarduna babestu zuen Europako Batzordeak. Tapiaren aburuz, baina, auzia oraindik ez dago itxita, besteak beste prozesu judiziala ez delako amaitu. Sailburuak azaldu duenez, Verter Recycling enpresak Eusko Jaurlaritzari txosten bat ezkutatu zion, zabortegiaren egonkortasuna zalantzan jartzen zuena.
"Ez da neutrala"
Zaldibar Argitu plataformak ez die sinesgarritasunik eman Tapiaren adierazpenei eta Europako Batzordearen ebazpena Eusko Jaurlaritzaren jokabidea "zuritzeko" modu bat izan dela salatu du. Plataformak nabarmendu du Bruselak azterturiko informazioa Lakuak berak emanikoa dela: "Ez da neutrala, auziaren parte izan delako", azaldu du, Naiz.eus-ek jaso duenez.
Zaldibar Argituren esanetan, astearte honetan publiko egindako hiru orrialdeko ebazpena 2021eko otsailekoaren berdina da "hitzez hitz", eta gogorarazi du badela beste txosten bat 234 orrialdekoa CEDEXeko perituek egina, dioena zabortegiaren kudeaketan akatsak izan zirela.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]
Ehunka lagun ibili dira iganean Ermuko plazatik Zaldibar auzoko Eitzagara, Verter Recycling zabortegia bertan behera erori zeneko bigarren urteurrenean.