Zakur berdeen begirada aldarrikatuz ospatuko du Lupa dokumental erakustaldiak 10. edizioa
Hamar urte bete ditu Lupa X dokumental erakustaldiak eta egitarau bete-betea iragarri dute ospatzeko. Maiatzaren 11tik 14ra hamahiru film eskainiko dituzte Errenteria-Oreretan eta Donostian.
Autogestionatutako erakustaldia da Lupa eta “zakur berdeen” ikuspegia aldarrikatzen du, begirada diferentea duten lanak pantailaratzea, alegia. Aurtengo edizioa berezia izango da gainera, filmen proiekzioarekin batera arte erakusketa eta bideo-kontzertuak ere prestatu baitituzte.
Bi estreinaldi nabarmentzen dira programazioan: maiatzaren 11n proiektatuko dute Aitor Bereziartuaren Lisbeth, bere bizitzako azken fasean aspaldi lurperatutako sekretu bat argitzeko momentua dela erabaki duen pertsonaiaren historia –aurten estreinatzekoak diren euskal film interesgarrienen artean aipatu zuen Gaizka Izagirrek–; eta hilaren 13an estreinatuko da Encore la Nuit, Mignonek zuzendutako bideo kolektiboa, non kontatzen den Okzitaniako Tolosako etxe okupatu bateko festa bat, eta bertan transmarikabollo talde batek dauzkan eztabaidak.
Horiekin batera beste lan ugari ere iragarri dute. Errenteria-Oreretako Mikelazulo elkartean eta Guardetxean proiektatuko dira piezak eta antolatzaileen esanetan, “pelikula konprometituak, politikoak, ikuspuntu paregabekoak” dira. “Beti izan eta izango gara zakur berdeak. Horregatik, haien begiradari eskaini nahi izan diogu aurtengo edizioa. Zakur berdeen filmak aurkeztuko ditugu, ikusitakoan axut egin, zirikatu eta eraldatzen gaituzten horiek; adorez eta akatsekin, arrisku eta nortasunez, lotsagabetasunez eta jarrera politikoaz jantzitakoak”.
Erakusketa, jaia eta antzerkia
Zine programazioa osatuko du hamahiru artistaren lanez osatutako erakusketak, Errenteria-Oreretako hainbat “ez-lekutan” ikus daitekeena. “Helburua artista anitzak eta ohikoak ez diren erakuslekuak harremanetan jartzea da”, azaldu dute antolatzaileek. Maiatz osoan ikus daitezke lanak.
Maiatzaren 13an berriz, jaia antolatu dute Donostiako Urgull mendian dagoen Guardetxean. Afari herrikoiaren ondoren, Gartxot Unsain musikariak kontzertu berezia eskainiko du. Berezia, izan ere, Unsainek musika jarriko dio Aita Laburu euskal zinemaren aitzindariak filmatutako dokumentalei. Animaliak edo sendatze-errituak filmatu zituen, besteak beste, 1932 eta 1935 artean fraide josulagun horrek, baita Txileko Santiagoko zoroetxean zeuden pertsonei egindako elkarrizketak ere, Gure zinemaren historia petrala liburuan Koldo Izagirrek jaso zuenez.
Igandean amaituko da Luparen edizio hau Rouge elea konpainiaren Hau da nire ametsen kolorea antzezlanarekin.
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Bidasoa 2018-2023 dokumentalaren proiekzioa
Non: Martuteneko espetxean, Donostian
Noiz: Abenduaren 22an, ostirala, 16:00etan
Sarean ikusgai: Primeran plataforman
------------------------------------------------
Gabonak dira. Ostiral bazkalostea. Martuteneko... [+]
FIPADOC Nazioarteko dokumental jaialdia berriz heldu da Miarritzera. Urtarrilaren 19tik 27ra ospatuko dute, eta seigarren edizio honetan «Italia eta Afrika» izanen dira protagonistak.
En el nombre de ellas dokumentalean agertzen diren biktimek eta ekoiztetxeak eskerrak eman dizkie plataformari "ausardiagatik" eta beren historia kontatzeagatik. Disney+ 2022ko azaroan zen dokumentala estreinatzekoa, baina atzera egin zuen.
Hilabete gutxiko tartean hil zitzaien ama Irati Gorostidiri (Eguesibar, 1988) eta Mirari Echavarriri (Iruñea, 1988), biak 1978an Lizason egonkortutako Arco Iris komunitate tantrikotik igarotakoak. Lehendik ere esperientzia hari buruzko interesa bazuten, dolu prozesuan... [+]
Apirilaren hasieran estreinatu zen Marek Kozakiewicz zinemagilearen Silent Love filma Suitzako Visions Du Réel jaialdian. Urte luzez filmaturiko dokumentalak islatzen du gizarte homofobo batek ezkutatzera behartzen duen maitasuna, alde batetik; bestetik, familia eredu ez... [+]
Iratxe Sorzabal eta bere ama Mari Nieves Diazen arteko harremana da Bi Arnas dokumentalaren kontakizunaren ardatza. Iruñean proiektatuko dute ekainaren 2an. 19:00etan hasiko da, Golem zinemetan eta hori izango da Nafarroako aurkezpen saioa. Maiatzaren 22an estreinatu... [+]
Eskuek askotariko sinbologia dute. Eskuekin gidatzen da mundua eta ukabil sendoekin bermatu agintea. Ukabilekin borrokatzen da boterea ere, atzamarrak bilduz eta eskuak gora altxatuz. Eskuak beharrezkoak dituzte bizitzan beti galtzaile izan direnek, hori baino ez baitute izan... [+]
Lana finantzatzeko diru bilketa abiatu dute; ahalik eta gehien zabaldu nahi dute ikus-entzunezkoa, protagonistak sufritutakoa ezagutarazteko eta torturak salatzeko. Bi arnas kontatzen dira, torturaren eraginez itxi gabe dauden bi zauri: Sorzabalena eta haren ama Maria Nieves... [+]
Mikel Zabalzari buruzko Non dago Mikel? filmak Urugaiko Nazioarteko Zine dokumentalaren festibalaren sari nagusia irabazi du, AtlantiDoc Saria hain zuzen ere, dokumentu-film luzerik onenarentzat.
Batasunako arduradunen aurkako Segurako sarekadan atxilotu zuen Poliziak Santesteban, 2007an, eta 918 egun eman zituen preso. Espetxearen eguneroko bizitza islatu nahi du Santestebanek bere lanean.