Irailaren 26tik urriaren 3ra bitartean epaitu dituzte hamar gizon Arabako Probintzia Auzitegian, Arabako Foru Aldundiaren Sansoheta zentroan zaintzapean zeuden hainbat adin txikikori sexu abusuak egitea leporatuta. Sei urte luze itxaron dituzte biktimek, 2016. urtean salaketa jarri zutenetik. Ertzaintzak tarte horretan egindako ikerketaren arabera, 14 eta 17 urte bitarteko zazpi neska-mutil prostituitu zituzten akusatuen aulkietan eseritako hamar gizonek. Horietako lauk epaiketaren lehen egunean bertan onartu dituzte delituak, zigorra arintzeko: adin txikikoekin “sexu-harremanak edukitzeagatik ordaindu” zutela aitortu dute, “damututa” daudela baieztatu eta berriro errepikatuko ez dela agindu. Horrela lortu dute fiskaltzarekin akordioa, eta 1 eta 13 urte arteko kartzela-zigorrak onartu dituzte. Beste seiek sententziaren zain egon beharko dute; 29 urte arteko zigorrak izan ditzakete.
Izatez, auzipetuei delitu hauek egozten dizkiete: ustelkeria, sexu abusua, adingabekoei pornografia erakustea eta osasun publikoaren aurkako delituak. Baina erasoa definitzeko modu desberdinak ikusi ditugu han eta hemen: ordaindutako sexu-harremanak, sexu abusuak, prostituzioa, adin txikikoak webgune baten bidez sexurako kontratatzea... Kasua argitara atera zenean, sektoreko hainbat profesionalek salatu zuten hainbat hedabidek “sentsazionalismoa” erabili zutela eta informazioa tratatzeko orduan ez zutela adingabeen babesa bermatu. Ondorioak biktimek eurek berretsi dituzte orain: deklaratu dute gertatutakoagatik “errudun” sentitzen zirela hasieran. Gazteek argitu dute momentu hartan ez zutela gertatzen ari zenaren kontzientziarik, eta denbora behar izan dutela ulertzeko eurak biktima direla, ez errudun. Azaldu dutenez, euren bizitzetan mina eragin die kontzientzia hartze horrek.
Gogoraraztekoa da adin txikiko neska-mutil hauek Arabako Diputazioaren zaintzapean zeudela eta Sansoheta zentroan bizi zirela sexu abusuak egin zizkieten denbora-tartean. Halere, diputazioak ez du inolako akatsik ikusi bere jardunean, eta agintariek behin eta berriz azpimarratu dute fiskaltzak nahiz epaileek ziurtatu dutela aldundiak ez duela inolako erantzukizunik; eskuak garbitzeko baliatu dute hori. Ramiro González Arabako ahaldun nagusiak nabarmendu du delituak “zentrotik kanpo” jazo zirela, eta “zoritxarrez” zaintzapeko eta ez zaintzapeko gazte eta pertsonei gerta ahal zaiela berbera. Esanguratsua da, baina, auzia azaleratu zenean polemika piztu zela diputazioen ardurapeko zentroen gabezien gainean. ELA, LAB, CCOO, ESK eta UGT sindikatuek gogor kritikatu zuten Sansoheta ez ezik, Bideberria zentroetako kudeaketa “zabarra” eta administrazioaren “jokabide axolagabea”. 2016an hogei lagun bizi ziren Sansohetan, hamarrentzat prestatuta zegoen tokian. Auzi honek argi utzi du adin txikikoak, batik bat babesik handiena behar dutenak, babesgabe daudela sistema honetan; errudunak aurkitu ditu justiziak, baina erantzuleak gehiago dira.
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Neurri eta gomendioak biltzen dituen txosten bat aurkeztu du Legebiltzarreko batzordeak; esaterako, Osakidetzan, ikastetxeetan eta Ertzaintzan protokoloak berrikusteko eta eguneratzeko premia.
Save the Children erakundeak adigabeen kontrako sexu erasoei buruzko sententziak aztertu ditu. Datuok soilik “icebergaren punta” direla azpimarratu dute, kasuen %15a baino ez baitira salatzen.
TikTok enpresari 345 milioi euroko isuna ezarri dio Irlandako Datuen Babeserako Batzordeak, adin-txikikoen pribatutasuna behar bezala ez babesteagatik.
Kirola ahalik eta jende gehienek eta ahalik eta urte gehienetan egitea mesede da gizarte osasuntsu baterako. Baina ikerketen arabera, kirola egiten duten hamarretik ia zortzik indarkeria egoeraren bat jasan du. Izan daitezke irainak, oihuak, kolpeak, zigor fisikoak, arretarik... [+]
Frantziako estatuan 600 kirolarik salatu dituzte sexu erasoak: tenislariak, patinatzaileak, judolariak, atletak... Duela 20 urtekoak dira lehen salaketak, baina asko egungoak dira, hain zuzen 107 salaketa dira 2020-2021 denboraldikoak. Horietatik %70 emakumezkoek jasan zituzten... [+]
Haurren Laguntzarako Nazio Batuen Funtsak (Unicef) maiatzaren 3an argitaratu duen azterketaren arabera, haurren ezkontzak behera egin du munduan, baina oraindik badira munduan haurtzaroan ezkondu diren 640 milioi pertsona. Urtero gurasoek 12 milioi haur ezkontzen dituzte,... [+]
Auzipetutako hamar gizonetatik lauk zigorrak jaistea lortu dute 1 eta 13 urteraino, onartu dutelako adin txikikoei sexu abusuak egin zizkietela, besteak beste. Baina beste seiek errugabetasuna defendatzen jarraitzen dute, eta fiskaltzak 14 eta 34 urte arteko espetxe zigorrak... [+]
Hasi da Gasteizko Sansoheta zentroko aldundiaren zaintzapeko adingabeak prostituitu zituzten ustezko kideen aurkako epaiketa. Lehen egunean Fiskaltzarekin akordioa lortu dute auziperatutako lauk, eta hamahiru urterainoko kartzela zigorrak onartu dituzte.
Sexu erasoengatik salaketa bana jarri dute Gasteizen, Donostian et Iruñean. Horrez gainera, indarkeria matxista kasu gehiago salatu dituzte azken egunotan.
Kataluniako Viceko Unibertsitateko kirol karreran irakasle da Montse Martín. Euskal Herriko Unibertsitateak antolatuta, hitzaldia eskaini du Donostian apirilaren 6an. Europa mailako ikerketa bat egiten ari da, beste bost herrialdetako unibertsitate eta kirol eragilerekin... [+]
Kataluniako Viceko Unibertsitateko kirol karreran irakasle da Montse Martín. Euskal Herriko Unibertsitateak antolatuta, hitzaldia eskaini du Donostian apirilaren 6an. Europa mailako ikerketa bat egiten ari da, beste bost herrialdetako unibertsitate eta kirol eragilerekin... [+]
Montse Martín, Viceko (Katalunia) Unibertsitateko kirol karreran irakasle da. Euskal Herriko Unibertsitateak antolatuta, apirilaren 6an hitzaldia eman du Donostian eta bertan azaldu ditu Europan sei herrialde egiten ari diren ikerketa honen emaitzak: Kirolean adin... [+]
Kataluniako Viceko Unibertsitateko kirol karreran irakasle da Montse Martín. Euskal Herriko Unibertsitateak antolatuta, hitzaldia eskaini du Donostian apirilaren 6an. Europa mailako ikerketa bat egiten ari da, beste bost herrialdetako unibertsitate eta kirol eragilerekin... [+]
EH Bilduk, ERCk eta Unidas Podemosek eskatu zuten ikerketa batzorde bat osatzeko Eliza Katolikoari lotutako kideek adin txikikoei egindako sexu erasoak ikertzeko. Asteartean aurrera egin du eskariak Kongresuko Mahaian, PPren eta Voxen aurkako botoekin.