Pandemiak larriagotu egin duen zaintza krisi honetan, Donostiako manifestazioan salatu dute egitura arrazistak eta zaintza sistema publikorik ez izateak nazioaz gaindiko zaintza katea estutzen duela: “Zaintzaren egiturazko krisi honetan, nola konpontzen da auzia zurien etxean? Egitura arrazista eta kolonialak ematen digun pribilegio zuria eta hierarkia gorena erabiliz; bestela esanda, emakume migratu eta arrazializatuak esplotatuz”.
Arratsaldeko 18:30ean deituriko manifestazioaz gain, egunean zehar ere aldarrikapenez beteriko ekintzak izan genituen Donostian.
Pentsionisten mugimenduak manifestazioa egin zuen goizean, pentsioetan ere genero arrakala dagoela salatuz. ”Adineko emakumeok eta emakume pentsiodunok laneko diskriminazioaren, prekarietatearen, zainketen feminizazioaren eta bizitzari eusteko zereginen ondorioak jasaten jarraitzen dugu, eta ez dira aitortzen, eta ez dute eskubiderik sortzen pentsio nahikoa eta bizitza duina lortzeko”, azaldu zuten.
Arratsaldean auzoetako zutabeek deialdia egin zuten elkarrekin Antiguoko tunelera joateko. Amarako zutabeak Morlansetik abiatu eta Easo kaleko Askabide klinikan egin zuen geldialdia, “gure gorputza, gure eskubidea” ekintza burutzeko. Bertan, zenbait ultra katolikok abortuaren kontrako ekintzak egiten dituzte, eta martxoaren 8an ekintzaile feministez bete zen. Parte Zaharretik, Grosetik eta Emakumeen Etxetik ere zutabeak antolatu ziren manifestaziora hurbiltzeko eta Intziri taldea ere Trinitate plazatik abiatu zen. Itaia Emakumeon Antolakunde Sozialistak kontzentrazio egin zuen epaitegien aurrean “instituzio burgesek genero zapalkuntzaren betikotzean duten papera seinalatzeko”.
Milaka lagun bildu ziren Antiguoko tunelean, eta feminismotik dena aldatu sistema arrazista arrakalatu lelopean ekin zioten manifestazioari Bulebarreraino iritsi arte. Erdialdea zeharkatu zuten Gora Borroka Feminista! oihukatuz eta batukadaren erritmoa jarraituz. Manifestazioko burua Bulebarrera iristen ari zela, atzeko zutabeak Askatasun Hiribidea zeharkatzen ari ziren oraindik.
Bulebarrera iristean, manifestatzaile asko errepidean geratu ziren ekitaldia egin bitartean, distantziak mantentzeko helburuarekin. Donostiako Asanblada Feministako kideek amaierako ekitaldia hastean Iruñean atxilotutako kideari elkartasuna adierazi zioten. “Emakumeok askotariko zapalkuntzak jasaten ditugu eta horregatik, ez dugu atseden hartuko emakume guztiok gure eskubideen jabe izan arte” aldarrikatu zuten. Bestetik, COVID-19ak emakumeengan eragin handiagoa duela eta emakumeen zama oraindik gehiago handitzen duela azpimarratu zuten, eta sistema arrazistak duen rola ere nabarmendu zuten: “Zaintzaren egiturazko krisi honetan, nola konpontzen da auzia zurien etxean? Egitura arrazista eta kolonialak ematen digun pribilegio zuria eta hierarkia gorena erabiliz; bestela esanda, emakume migratu eta arrazializatuak esplotatuz. Zaintza sistema publiko unibertsalik ez izateak betikotu egiten du nazioz gaindiko zaintza katea”.
“Arrazakeria instituzionala”, “poliziaren errepresioa”, “etxegabetzeak” eta emakume erretiratuen egoera ere salaketen artean izan ziren eta administrazioari, zaintzaleen eta zaintzen dituzten pertsonen duintasuna oinarri izango duen zaintza sistema publikoa exijitu zioten. Horretarako, Atzerritarren Legea desagarraztea ezinbestekoa dela azaldu zuten, “esklabismo egoerak sortzen baititu XXI. mendean”.
“Feminismoetatik diogu ez gaudela salgai, ez dugula betikotu nahi sistema bat, zeinetan emakume batzuek beste batzuen kristalezko sabaiaren puskak garbituko dituzten” oihukatu zuten amaitzeko.
Ondoren neska talde bat kioskora igo zen abesti bat kantatzera. Manifestariak hunkitzeaz gain dantzan eta kantuan jarri zituzten: "Neska altxa! borroka garaia da!, gora emakumeon borroka!". Txalo zaparra jaso ostean amaitu zen ekitaldia.
Hemen ikus daiteke Dani Blancok Donostiako manifestazioan ateratako argazkien galeria.
Andre zahar dotorea senarraren besotik zihoan gurutzatu ginenean. Bistaz ezaguna, oker samar zegoela ikusi nuen, adinaren ajeak. Benetako señora eibartarra: perlazko lepokoa; ilea kardatuta harro-harro, ostirala izanda, ile-apaindegian goizean egon zela ezagun zuen. Gure... [+]
Azaroaren 30eko Greba Orokorretik "indartuta" eta "saretuta" atera dira feministak. Jone Gil Landaburu, Euskal Herriko Mugimendu Feministako kideak nabarmendu du horri esker mugimendu feministak zaintzaren auzia erdigunean jarri duela. Horrez... [+]
Martxoaren 8a egun garrantzitsua da mugimendu feministarentzat, eta azken urteetako olatuari jarraiki, aurten ere ehunka herri eta hiritako kaleak beteko dituzte emakume langileen eskubideen aldeko aldarriz. Azaroaren 30eko greba orokorraren ildotik, zaintza eskubide publiko eta... [+]
Martxoak 8a “borroka eta salaketa eguna” dela gogorarazi du Euskal Herriko Mugimendu Feministak, eta mobilizazioetara batzeko deia zabaldu du. Aldaketa kultural eta instituzional sakonak eskatu ditu, emakumeen aurkako indarkeriei aurre egiteko.
Asteartean onartu du Eusko Jaurlaritzak 2024ko lan egutegia. Idoia Mendia Eusko Jaurlaritzako lehendakariordeak martxoaren 8a jaiegun izendatzea proposatu zuen, baina ez egun hori ez beste efemeride feministarik ez da jai izango.
Zea Maysen kantu ezagunaren bertsio bat doinutu dut neure kolkorako. Martxoa joan da ta jarri diot izena, originaletik gutxi duela badakidan arren. Heldu da apirila, eta zin dagizuet, benetan, nik ez nuela honi buruz hitz egin nahi. Martxo moretuak gainkarga dakarkigu... [+]
Euskal Herriko Emakume Migratu Feminista Zaintzaile Soziosanitarioen Elkarteko kidea da Soraya Agirre. Berak orduka egiten du lan zaharrak zaintzen, baina elkarteko %90 egoiliarrak dira, zaintzen duten zaharraren etxean bizi direnak. Alokairua lortzeko eta lan baldintzak... [+]
Pandemiak kolektiboki zenbateraino eragin gaituen sakonean aztertu gabe jarraitzen badugu ere, ez da gehiegizkoa “gureak” egin ditugun aldarrikapenak utzi dizkigula esatea. Horietako bat, zaintzak erdigunean jarri behar ditugula behingoz.
Zaintzaren auzia geroz... [+]
Genero berdintasunaren aldeko eta biztanleriaren zati handi bat pobretzearen aurkako borrokan, ikasgeletan alternatiba errealista eta bidezkoak lantzeko unitate didaktikoa plazaratu du Steilas sindikatuak: “Eskola ekofeminista eraiki dezagun”. Haur Hezkuntzatik... [+]
Denon bizitzak erdigunean. Zaintzak irauli dena aldatzeko lelopean abiatu berri du epe luzerako mobilizazioa Euskal Herriko mugimendu feministak. Otsailaren 1ean Gasteizen egindako prentsaurrekoan eman zuten dinamikaren berri. Ainhoa Olaso Sopelarekin hitz egin dugu eta azaldu... [+]
Mugimendu feministak epe luzerako prozesu bat jarri du martxan, zaintza sistema iraultzeko helburuarekin. Mobilizazio-prozesu gisa planteatu dute, eta lehen mugarria Martxoaren 8an jarriko dute.
Ostiral honetan egin dute auzi saioa Nafarroako Auzitegi Nagusian eta bertan Fiskaltzak eskatu du 15 hilabeteko zigorra 2021eko Martxoaren 8an, Nafarroako Legebiltzarraren aurrean Ainhoa Larunbek foruzain bati egindako ustezko erasoagatik.
Emakumeen Nazioarteko Egunean ere, ijito feministok ikusgai izan nahi dugu eta mugimendu feministan arrazakeriaren kontrako borroka txertatzen lagundu nahi dugu. Horretarako, ezinbestekoa dugu emakume arrazializatuen eta, zehazki, ijitoen errealitateak ezagutzera ematea... [+]
Milaka emakumek hartu dituzte kaleak Euskal Herriko Mugimendu Feministak deitutako Martxoaren 8ko mobilizazioetan. Zaintza sistema publikoa, eta antolakuntza eta borroka feministaren beharra izan dira aldarri komunak.