Zaintza eskubide unibertsal gisa aitortzea eskatu du Denon Bizitzak Erdigunean koordinakundeak
Egungo zaintza sistema “sostengaezina" amaitzea eta denon bizitzak erdigunean jartzea aldarrikatu dute Euskal Herriko mugimendu feministak eta hainbat sektore eta eragilek. Datorren azaroaren 30eko greba orokorrera batzeko deia ere egin dute.
Herri akordioa aurkeztu dute Hernanin Euskal Herriko mugimendu feministak eta hainbat sektore eta eragiletako hamarnaka lagunek. Zaintzarako eskubide kolektiboaren defentsan aurkeztu dute akordioa, eta zaintza sistema publiko-komunitario bat aldarrikatu dute Denon Bizitzak Erdigunean koordinakundeko kideek. Bestalde, egungo zaintza erregimen “sostengaezinaren” irakurketa bat egin dute. “Bizimodu duina” eraikitzeko oinarria zaintza dela azpimarratu dute kideek. Halaber, bizitza, ongizatea eta osasuna kudeatzeko “beharrezkoa” dela nabarmendu dute: “Gure gorputzen, komunitateen eta lurraren iraunkortasunerako ezinbestekoa da”.
Zaintzarako eskubide kolektiboaren aldeko apustua egin nahi dute: “Pertsona guztiek, bizi osoan zehar, askatasunez eta konpromisoz, zaintza eskaintzeko eta jasotzeko duten eskubidearen alde egin nahi dugu”. Bestalde, zaintza lanen egungo antolamendu soziala ere eraldatu nahi dute egoera prekario eta kolapsatuei aurre eginda. Horrez gain, epe luzera bizitza erdigunean jarriko duen sistema sozial bat definitu nahi dute: “Sistema kapitalista, arrazista eta heteropatriarkala gainditu nahi ditugu”.
Euskal instituzioetatik “sistematikoki” zaintza-zerbitzu guztiak pribatizatu direla adierazi dute aurkezpenean: “Enpresa lagunen eskuetan jartzen dira, zaintza jasotzen dutenen ongizatearen eta langileen lan-baldintzen kontura”. Bestalde, politika horiek familia heteropatriarkala “erdigunean” jartzen dutela salatu dute. “Zaintza lanak emakumeen gain jartzen dira, eta sarritan emakume migratu arrazializatuengan. Sistema kapitalista eta heteropatriarkala izateaz gain, arrazista baita”, aipatu dute.
Herri akordioa Euskal Herriko Mugimendu Feminista eta hainbat eragile josten ari diren “prozesuaren isla” dela aitortu dute, Greba Feminista Orokorrarekin bat eginez. Datorren azaroaren 30ean grebara batzeko deia egin dute, denon bizitzak “erdigunean jartzeko prozesuari” ekingo diotelako.
Epe laburrera eta luzera haien lehentasunak zehaztu dituzte, esaterako, epe motzera zehaztu dute etxez etxeko laguntza zerbitzua indartu eta garatzea, erroldatzeko eskubidea denontzat eskuragarri izatea eta etxeko langileak lan-erregimen orokorrean sartzea. Epe luzera, besteak beste, lehenetsi dute lanaren banaketa sexual eta arrazista amaitzea, herri boterea eta gobernantza eredu berriak eraikitzea eta zaintza sistema publiko-komunitarioa garatzea.
AEBko John C. Coughenoiur epaileak onartu du Washington, Arizona, Illinois eta Oregon estatuek elkarrekin aurkeztutako helegitea, eta horren arabera atzera bota du Donal Trumpek AEBn jaiotako migratzaile ez legezkoen seme-alabak kanporatzeko dekretua.
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Màtria o barbàrie (Angle Editorial) liburua aurkeztera etorri da Júlia Ojeda irakasle eta literatur kritikaria, Donostiako Emakumeen Etxera. Liburuan parte hartu duten 30 emakume katalanek matria eraikitzea proposatzen dute feminismo nazionalista ardatz... [+]
‘Gerraren eta faxismoaren aurka’ lelopean manifestazioa antolatu du Gazte Koordinadora Sozialistak larunbatean Iruñean eta Bilbon.
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
.jpeg)
Eusko Jaurlaritzak eta Foru Aldundiek aurreratu dute helburua %50eko deskontuarekin jarraitzea dela, baina oraindik Espainiako Gobernuaren erabakiaren zain daudela finantzaketa ziurtatzeko.
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
“Independentziara egin beharreko bideaz” hausnartzea da helburu nagusia. Apirilaren 20an, Aberri Egunarekin batera, Berriozarren ospatuko duten Gazteon Eskutik jardunaldia izango dute azken geltoki.
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
Salbatore Mitxelena ikastolak 140.000 euro ordaindu beharko ditu, Eusko Jaurlaritzak Haur Hezkuntzarako ezarri dion matrikulazio muga gainditzeagatik, baina zortzi ikasleak mantenduko ditu, negoziazioen ondorio. Hezkuntza Sailaren erabakiak eta jarrerak salatu ditu ikastolak.
Armagintzaren “moldaketa eraldatzailerako” proposamena publiko egin berri du mugimendu antimilitaristak. Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez... [+]