Zaharren egoitzak ikertzeko eskatuko diote pentsionistek Arartekoari eta Fiskaltzari
Pentsionistek mobilizazioak egin dituzte hiriburu eta herrietan astelehenean. Hildako adineko pertsonak gogoratu dituzte. Gizarte gastuetan eta pentsioetan murrizketarik ez dutela onartuko adierazi dute.
Konfinamendu aurreko dinamika berrartuz, hiriburuetan ez ezik dozenaka herritan ere egin dituzte mobilizazioak, segurtasun neurriek eta osasun krisiak baldintzatuta bada ere. Zaharren egoitzetako baldintzak eta heriotzak oso presente egon dira mobilizazioetan. Aurreko astean jakin zen maiatzetik 1.912 pentsionista gutxiago daudela EAEn, pandemiaren ondorioz.
Gasteizen Arabako Pentsionistak Lanean deituta batu dira plaza berrian 200 pertsona inguru. Hurrengo egunetan Arartekoan eta Fiskaltzan idatziak aurkeztuko dituela jakinarazi du Arabako pentsionisten elkarteak. Zaharren egoitzak ikertu ditzala eskatuko diete bi erakundeei.
Donostiako deialdiaren leloa “Adineko mendekoak etxean eta egoitzetan, bizitza eta duintasuna” izan da. Bilbon, Andrea Uña bozeramaleak azaldu du oraindik ez dagoela nahikoa informazio zaharren egoitzetan gertatzen ari denaz. Osasun Sailburu Nekane Murgari, Gizarte Politiken sailburu Beatriz Artolazabali eta Ahaldun Nagusi Unai Rementeriari gutun bidez datuak eskatu diete Bizkaiko pentsionistek, ez dute erantzunik jaso baina jaso arte ez dutela etsiko adierazi du Uñak.
Murrizketarik ez
Datorren krisi ekonomikoan pentsioak ez direla bideragarriak izango dioten ahotsez ohartarazi du Uñak. Errekurtsoak egon badaudela eta ez dutela murrizketarik onartuko adierazi du: “Ez dugu onartuko beti berdinak izatea kaltetuak eta arlo publikoan murriztea, bai osasunean, bai pentsioetan”. Kontrara, egoitzetan edo etxez etxeko arretan inbertsioak handitzea eskatu dute Bizkaiko pentsionistek, eta hori dena aldarrikatzeko kalean jarraituko dutela ziurtatu dute.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.
Erretretarako adina 62 urtetik 64 urtera atzeratzen duen erreforma pasa arren, aurkako mobilizazioek segitzen dute. Ondoko bideetatik dabiltza testu horren kontrakoak: greba eta manifestazioak; Konstituzio Kontseiluaren ezeztapenaren esperantza mehea; gobernuaren parean postura... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]