Zaharkitzapen programatua zigortzea erabaki du Frantziak
Frantziako Diputatuen Ganberak adostu du zigor penalak jarriko dizkietela produktuak iraupen-muga jakin batekin fabrikatzen dituztenei. Zaharkitzapen programatuaren zigorra, bi urteko kartzela eta 30.000 euro arteko isuna izan daiteke Ecoportal webguneak argitaratu duenez.
Gaur egun, zaharkitzapen programatuaren erabilera oso ohikoa da, bereziki, gailu elektronikoetan. Lege hau, berdeen ekimenetik jaio da eta haien hitzetan, zaharkitzapen programatua "iruzurra" da.
Eztabaidak Frantziako mugak pasa ditu; Europako Batzorde Sozial eta Ekonomikoak mahai inguru bat egingo du urriaren 17an Europako gainerako herrialdeek ere zaharkitzapen programatua zigortu dezaten.
Europako hainbat tokitan hasi dira neurriak hartzen iraungitze-data aldez aurretik erabakita duten gailuen fenomenoari aurre egiteko. Besteak beste, garantiaren epeak luzatzea, erosketaren ordez alokairua sustatzea eta ordezko piezak eskatzea dira hartutako neurrietako batzuk.
Informazio gehiago
Cosima Dannoritzerrek zaharkitzapen programatuari buruzko dokumental ezaguna egin zuen: Comprar, tirar, comprar gaztelaniaz edo Prêt à jeter frantsesez. Bertan argi erakusten du zaharkitzapen programatua oso errotuta dagoela egungo gizartean. Lander Arbelaitz ARGIAko kazetariak elkarrizketa egin zion 2.271. alean.
Hezkuntzan erabilera oso zabala duten Chromebookak gutxi irauteko diseinatuta daudela ondorioztatu du AEBetako Public Interest Research Group erakundeak (PIRG, Interes publikorako ikerketa taldea). Zaharkitze programatua onartezintzat jo dute, eta ikasle bakoitzak gailu bat... [+]
Hondakin Elektronikoen Ekoizleen Erantzukizuneko Erakundeen Nazioarteko Elkartearen (WEEE Forum) arabera 2022an 5.300 milioi mugikor erabiltzeari utziko diogu. Gailu horiek, elkarren gainean jarrita, 50.000 kilometroko altuera hartuko lukete. Lau Lur planetek halako luzera da... [+]
Bale, lehenengo ile urdina atera zait. Tontakeria bat dirudi, baina, ez dakit, iruditu zait karga sinboliko horretatik atera daitekeela probetxuzko zerbait; gogorarazi dit, adibidez, nire gorputza onartzen –maitatzen ez beti– 23 urte pasatu eta gero, hemendik aurrera... [+]
Bilbo, 1957. Kalean etxetresna elektrikoak konpontzen hasi zen. Gaur egun ere horixe egiten du, baina Bizkaiko kooperatiba batean. “Proiektu konplikatua izan zen, inon ez dizute irakasten hau nola egin”. Edukiontzi zurietan eta Garbiguneetan bildutako tresnak... [+]
Hiru urte egin zituen zaharkitzapen programatuari buruzko dokumentala egiten. Ikusteak derrigorrezkoa behar lukeen lan honek erakusten du zer nolako iruzurrean bizi garen. Milaka produktu egiten dira, une jakin batean huts egiteko planifikatuta. Orduan, berria erosten dugu.