Zaldibarko zabortegiko “ingurumen kalteen” erantzukizuna Verter enpresari egotzi dio Eusko Jaurlaritzak
Eusko Jaurlaritzak ondorioztatu du Zalbibarko zabortegia kudeatzen duen Verter Recycling enpresa dela zabortegiak eragindako ingurumen kalteen erantzule.
Verter Recycling 2002 SM enpresa izendatu du Eusko Jaurlaritzak Zaldibarko zabortegiak eragindako ingurumen kalteen erantzule nagusitzat. Jaurlaritzak urtarrilaren 20an argitaratu duen ohar baten bidez jakinarazi du zabortegiko lurzoruetan, eta azaleko eta lurpeko uretan sortutako kalteen erruduna Verter enpresa dela, instalazioaren kudeatzaile den heinean. Hamar eguneko epea eman dio Jaurlaritzak enpresari "ingurumen kalteak konpontzeko" proiektua aurkezteko.
Jaurlaritzak, Uraren Euskal Agentziarekin elkarlanean, baietztatu du kalde larriak daudela. Lurpeko urei dagokienez, eta oharrean azaltzen denaren arabera, "arauak eta atalase balioak gainditzen dituzten emaitza analitiko batzuk" zehaztu dira. Azaleko urei, bestalde, kalte egin diete zabortegiko jarduerek, "gutxienez" 300 metro luze den eremuko uretan. Gainera, "bentzopireno eta fluoranteno kontzentrazioak erregistratu dira Aixolako ubidean eta horiek araudiak ezarritako mugak gainditzen dituzte".
Gainera, hondakin arriskutsuak antzeman dituzte lurzoru irazgaiztuetan, eta horiek, Jaurlaritzak nabarmendu duenez, eragotzi egiten dute lurzoruaren kalitatea eta ez dute ahalbidetzen lur horri inongo erabilerarik ematea. Arantxa Tapia Ekonomiaren Garapen, Jasangarritasun eta Ingurumeneko sailburuak jakinarazi du amiantoa zuen gela bat "hautsi" egin zela, eta honenbestez material toxiko hori zabortegiaren leku guztietara hedatu zela, lur guztia kutsatuz.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]