Gaur-gaurkoz, delitu bat da zaborretatik janaria jasotzea, baina, aurrerantzean, legezko bihur dezake gobernuak. Elikagaiak "alferrik ez galtzea" eta ingurumena zaintzea lortu nahi omen dute modu horretan. Elikagaien prezioak maximo historikoak gainditzen ari diren une batean atera dute mahaira proposamena.
Alemaniako Marco Buschmann Justizia ministroak eta Cem Özdemir Nekazaritza ministroak neurri bat proposatu dute, elkarrekin: supermerkatuetako zabor edukiontzietan elikagaiak bilatzea eta horiek hartzea legezko bihurtu nahi dute, beti ere, jabetza pribatuetara sartzen ez bada eta horiek kaltetzen ez badira. Gaur egun delitutzat jotzen da Alemanian zaborretatik janaria hartzea, baina baliteke aurki hala ez izatea.
Proposamen hori egiteko, hainbat argudiori heldu diete ministroek: supermerkatuetan saltzen ez diren elikagaiak "alferrik galtzea" ekidin nahi omen dute, bai eta ingurumena zaindu ere. Neurria, dena den, ez dute edozein unetan proposatu: oinarrizko elikagaien prezioak maximo historikoak ukitzen ari diren une batean atera dute mahaira ideia hori, eta oinarrizkoenak diren bizi-bitartekoak, elikagaiak kasu, eskuratzeko zailtasunak hedatzen eta larriagotzen ari diren une batean. Hala ere, izatez salmentara bideratutako milioika tona janari botatzen dituzte zaborretara urtero; Alemanian, zehazki, 11 milioi tona izaten dira urtean.
Ohartarazpen bat egin du, dena den, Elikagaien Merkataritzako Alemaniako Elkarteko bozeramaileak, Christian Böttcherrek. Sarri gertatzen da ekoizleetako bat berandu ohartzea elikagai baten ekoizpen-prozesuan izan den akats batez; esaterako, gerta daiteke ekoizlea berandu konturatzea plastiko zatiak dituela supermerkatu batera saltzera eramandako elikagaien batek. Kasu horietan, dendetako salerosleei jakinarazten omen diete akatsa, eta, orduan, zaborretara botatzen omen dute kaltetutako janaria. Böttcherren arabera, laster zabor edukiontzi horietatik janaria hartzea baimenduko badute, ezinezkoa izango da bereiztea zeintzuk diren nolabaiteko arazoren bat duten elikagaiak eta zeintzuk ez.
Horren aurrean prestatzeari ekin diote jada. Naturarentzako Mundu Funtseko (WWF, ingelesezko sigletan) Rolf Sommerrek honakoa adierazi du: bere ustez, norbaitek kaltetutako elikagaien bat jaten badu eta ondorioak jasaten baditu, ezin da erantzukizuna enpresa baten gain jarri. "Baztertutako elikagaiak ateratzen dituena bere ekintzen erantzulea da, ez baitago kontraturik inplikatutako alderdien artean", esan du.
Jatea zaborretatik lortzea ez da berriki, eta elikagaiak inoiz baino garestiago dauden honetan, hartutako neurri bakarra izan. Europar Batasunean, esaterako, intsektuekin egindako elikagai berriak baimentzen ari dira azken urteetan. Azkenekoz, etxe-kilkerraren hautsa onartu dute elikagai modura.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.