Zaballako espetxean hildako azken gaztearen familiak bide juridiko guztiak agortzeko asmoa azaldu du
Pasa den astean ziegan urkatuta agertu zen Jonathan Costillas Rituerto 24 urteko gasteiztarra. Gaztearen familiak eta Salhaketak erantzukizunak eskatu dituzte, eta bide juridikoak agortzeko asmoa azaldu.
Astelehenean egin zuten prentsaurrekoa Jonathan Costillas Rituertoren familiak eta Salhaketa presoen aldeko elkarteko kideek. Elkarteko ordezkari gisa, César Manzanos eta Maialen Martínez de Marigortak helarazi zuten zendutako gaztearen familiaren mezua, eta azken astean bizitakoak azaldu.
Familiak jakinarazi duenez, iragan astelehenean espetxetik dei bat jaso zuten, gaztearen heriotzaren berri emanez. Adierazi zitzaienaren arabera, gazteak bere buruaz beste egin zuen. Familiak azaldu du hori izan dela espetxearekin izan duten hartu-eman bakarra, eta zuzendariak ez diela doluminik helarazi ezta laguntzarik eskaini. Are gehiago, epaitegietan gorpua ikustea eskatu zutenean jasotako “tratu tamalgarria” ere azpimarratu dute. Bost egun igarota lortu zuten gaztearen gorpua ikustea, eta gaur gaurkoz ez dute lortu Costillasek espetxean zituen ondasunak eta gutunak eskuratzea.
Senideei “arrotzak” egin zaizkie Costillasen heriotzaren nondik norakoak, eta gazteak bere buruaz egiteko aukeren “aurretiazko alertarik” egon ez izana arrarotzat jo dute. Ohartarazi dutenez, espetxeetan halakoak gertatzea ekiditeko protokoloak baitaude. Hala bada, gertatutakoa ekiditeko moduak egon bazirela eman dute jakitera.
Costillasek hamar hilabete zeramatzan Espainiako Estatuaren ardurapean espetxeraturik. Hala bada, administrazioaren zaintzapean egonik zendu denez, hari eskatuko dizkiote gaztearen segurtasuna ez bermatzeagatik erantzukizunak. Helburu horrekin, bide juridiko guztiak agortzeko prest daudela jakinarazi dute.
Elkarretaratzea
Gertakaria salatzeko, asteartean elkarretaratzea deitu Salhaketak, 12:00etan Espainiako Gobernuaren Gasteizko ordezkaritzaordearen aurrean.
Elkarteak gogorarazi du urtea hasi zenetik hiru pertsona hil direla Zaballako espetxean, eta Manzanosek adierazitakoaren arabera, beste asko espetxetik atera eta gutxira hiltzen dira: “Barruan hil ez daitezen ateratzen dituzte, estatistikak handi ez ditzaten”. Zentzu horretan, agerraldiaren helburuetako bat Jonathan Costillas Rituertori aurpegia jartzea zen, kartzelan hildako pertsonen zerrendan zenbaki bat gehiago bilakatzea ekidin asmoz.
Hainbat euskal presok salatu duenez, Zaballako espetxezainek "ezkutuko greba" hasi dute, haien erdiak gaixotasun baja hartuta. "Ezkutuko greba honen bitartez, 'zerbitzuaren gabeziak' salatzea dute helburu, baina benetako greba bati ekin ez, eta preso... [+]
Nafarroako Salhaketak jakinarazi duenez, laguntza hori ezinbestekoa zen preso egondako pertsonek "gutxieneko oinarri ekonomiko bat" eduki zezaten, "askatasunean bizitzen hastera igarotzean". 480 eurokoa baino ez zen subsidioa.
Presoa ziegan aurkitu dute hilik ostegun iluntzean. Eusko Jaurlaritzak esan du suizidio kasu baten aztarnak dituela. Gainera, Jaurlaritzak 2021ean espetxeen eskumena jaso zuenetik hiltzen den zazpigarren presoa da.
Ostiralean aurkitu zuten hilotz, “gaindosi” zantzuekin, Naiz-ek argitaratu duenez. Jaurlaritzak ez du heriotza baieztatu asteartera arte, eta autopsiaren emaitzen zain dagoela adierazi du. EAEko espetxeen eskumena hartu zuenetik espetxean hiltzen den seigarren presoa... [+]
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]
Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.
Maiatzean ekin zioten gose grebari 17 preso politikok. Haien eskubide kultural eta territorialak errespetatzea, lege antiterrorista bertan behera uztea, Lanaren Nazioarteko Erakundearen 169 hitzarmena onartzea eta preso politiko maputxeen askatasuna exijitu dituzte.
Pasa den larunbatean (hilak 22) hasi ziren presoen arteko borrokak Ekuadorko Guayaquil hiriko Litoral espetxean. Iturri ofizialek jakinarazi dute 31 preso hil direla, eta hamahiru zauritu –baita polizia bat ere–. Poliziak eta Armadak "kontrola" berreskuratu... [+]
Presoen arteko liskar batek eragin ditu hilketak, polizia iturrien arabera. Azken urteetan Honduraseko espetxe batean gertatu den ezbehar handienetarikoa da.
Preso dauden pertsonen artean portaera suizida areagotu egiten da, faktore psikologiko eta soziodemografikoengatik. Hego Euskal Herrian, 2023an, bi presok egin zuten beren buruaz beste astebetean. Orain gutxi, Eusko Jaurlaritzak “laguntzarako presoen” irudia... [+]