Zabalgarbik ez du elektrizitaterik sortu martxotik gutxienez uztailera arte

  • Erraustegiak ez ditu hondakinak balorizatu martxoaren 26tik gutxienez uztailaren 11 arte, erregistroak eskura dauden azken eguna, Elektrizitatearen Merkatu Iberiarreko datuen arabera.

Zabalgarbin gutxienez 50.000 tona hondakin ez dira balorizatu hilabeteotan (arg.: EiTB)

2020ko urriaren 12an - 17:40
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Covid-19ak osasunaren arloan ospitaleetatik haragoko ondorio gehiago utzi du hilabeteotan, hondakinak erretzetik eratorritakoak ere bai. Espainiako Gobernuak martxoan alarma egoera ezarri zuenean zentral askotan energia murrizketa nabarmena sumatu zen eskari beherakadaren ondorioz. Horrekin batera, Zabalgarbiko erraustegian hondakinak ez dira balorizatu hilabete luzetan, eta bere ustezko efizientzia berriz ere zalantzan jarri du datu honek.

Gorka Bueno EHUko irakasle eta gai horretan adituak eman digu horren berri bere Twitter kontuan. Ikasle batekin sorturiko aplikazioaren bidez, Elektrizitatearen Merkatu Iberiarreko erregistroak monitorizatzen dituzte, tartean Bizkaiko erraustegiarenak: “Energia sortu zen azken erregistroa martxoaren 26a izan zen –dio Buenok–. Ez dago besterik gutxienez uztailaren 11ra arte, hori baita daukagun azken erregistro eguna”.

Datu horien arabera, hilabete horietan orduko 30 tona erraustu ziren Zabalgarbin, denera 50.000 tona hondakin balorizatu gabe, EHUko irakasleak nabarmendu duenez: “Covid-19ak oso modu larrian kaltetu du Bizkaian sortzen diren hondakinen balorizazioa”.

Bere ustetan, urtero programatu ohi den geldialdia aprobetxatu du erraustegiak tarte horretan. Baina beste datu harrigarri bat ere badakar monitorizatzeak: urtarrilean eta otsailean beste bi geldialdi egin zituen Zabalgarbik, programatu gabeak hauek. “Zergatik gelditu zuen? Zenbat dioxina eta furano isuri zituen labeak gelditu eta martxan jartzen?”, galdetu du Buenok.


Kanal honetatik interesatuko zaizu: Bizkaiko errauskailua
2022-04-26 | Zero Zabor
Zabalgarbi erraustegiak 17 milioi irabazi ditu dirulaguntzetan, hondakinak benetan ez balorizatu arren

Iraunkortasun ekologikoa, gizarte eta ingurumen-krisiak eta klima aldaketak Euskal Herrian dauzkan ezaugarriak ikertzen dituen Ekopol elkarteak analizatu du Bizkaiko Zabalgarbi erraustegiak 2020an egindako jardunaren emaitza. Ondorio larriena zera da: Europako agintaritzak... [+]


Errausketaren aurkako protestak deitu dituzte Bilbon ISWA patronalaren kongresuaren harira

Bizkaia Zero Zabor elkarteak deituta, protesta egingo dute Bilbon astelehenean, urriaren 7an, goizeko 8:00etatik 10:00etara Euskalduna Jauregiaren aurrean, eta 18:00etatik 20:00etara Guggenheimen. Egun horretan ISWA patronalaren mundu mailako urteko kongresua hasiko da, eta... [+]


2019-02-15 | Zero Zabor
Zabalgarbik zaborren errausketagatik 24 milioiko diru-laguntza jaso du, nahiz eta gas naturala erre argindarra lortzeko

EH BILDU legebiltzarkide taldeak eskatuta, otsailaren 13an Gorka Buenok Ekologistak Martxan Zero Zabor Bizkaian plataformaren izenean agerraldia egin du Gasteizko Parlamentuko  Ingurumen, Lurralde Plangintza eta Etxebizitza Batzordean, Bizkaiko Zabalgarbi erraustegiaren... [+]


2018-09-18 | Zero Zabor
Zabalgarbik 2005etik 600.000 tona eskoria lurperatu ditu kontrolik gabe, salatu du Zero Zabor Bizkaian-ek

ZZB Zero Zabor Bizkaian plataformak salatu du 2005etik gaurdaino Zabalgarbi erraustegiak 600.000 tona eskoria –hondakin nahasiak erretzeak utzitakoak– isuri dituztela Bizkaiko zabortegietan eta hori kontrol egokirik gabe egin duela, prozesuaren kalitatea bermatzen... [+]


2018-05-16 | Zero Zabor
Gipuzkoako zaborrak Bizkairako bidean: GuraSOS eta ELAren erreakzioak

Zalaparta sortu baitu Gipuzkoako zabor nahastuak Bizkaiko erraustegira eta zabortegi batera eramateko bi lurraldeetako agintariek daramaten negoziaketaren albisteak (ikusi Gipuzkoako 60.000 tona nahasi, Bizkaiko erraustegirako bidean… eta garestitzen) laster hasi dira... [+]


2018-05-15 | Zero Zabor
Gipuzkoako 60.000 tona nahasi, Bizkaiko erraustegirako bidean... eta garestitzen

Mallabiako udalak ukaturik baimena Gipuzkoatik 60.000 hondakin nahasi bertako zabortegira eraman ditzaten, Bizkaiko Foru Aldundiak sartu du eskua operazioan eta Gipuzkoari bi aukera eskaini dizkio: edo tona horiek Zabalgarbiko erraustegira eramatea, edo zaborrok beste TMBren... [+]


Zabalgarbiri diru-laguntzak kentzea eztabaidatuko du Europako Legebiltzarrak asteartean

Azaroaren 28an Europako Parlamentuko ITRE Industria, Ikerketa eta Energiaren batzordeak bozkatuko du zabor nahasi/errefusentzako diru-laguntzak Europar Batasunaren Zuzentarau berritik kanpo uztea. Honek bete-betean harrapatuko luke Bizkaiko Zabalgarbi erraustegia. ZWE Zero Waste... [+]


2017-05-17 | Unai Brea
Hondakin politikan aldaketa sakonak eskatu dituzte Bizkaiko Zero Zabor plataformaren aurkezpenean

Hondakinak kudeatzeko errausketarik gabeko sistema berri baten aldeko aldarria egin du maiatzaren 17an –Birziklapenaren Nazioarteko Egunean– Bilbon aurkeztu den Bizkaiko Zero Zabor plataformak. Aldundiak astelehenean zabaldutako datuek azken urteetako kudeaketaren... [+]


Artseniko kutsadura Zabalgarbi ondoan: ondo eta azkar ikertu beharra dago

Zabalgarbi inguruan artsenikoa hirukoiztu egin dela azaldu du Berrian Iñaki Petxarroman kazetariak. Aste bete geroago Fernando Palacios ikerlariak dio erraustegiaren inguruko landarerik eta horiekin bazkatutako animaliarik ez litzatekeela jan behar.


Zabalgarbik ez du jarraitzen eskorien kutsadura kontrolatzeko europar araudia

Errauskailuak ez ditu egin dioxina eta furanoen kontzentrazioa neurtzeko azterketak. Laginak ere modu irregularrean hartu ditu, txosten baten arabera.


2016-03-04 | Unai Brea
Birziklapenari eta errausketari buruzko datuak manipulatzea leporatu diote ekologistek Bizkaiko Foru Aldundiari

Bizkaiko Foru Aldundiak hondakinen kudeaketari buruz zabaltzen dituen datuetan “manipulazio larriak daude”, esan du gaur Gorka Bueno EHUko irakasleak, Ekologistak Martxan taldearen izenean Bizkaiko Batzar Nagusietako Eskaeretarako eta Herritarren Hartu-emanerako... [+]


2016-02-08 | ARGIA
Lemoizko zabortegia berriz ireki dute, Zabalgarbitik 100.000 tona eramateko

2013tik geldirik zegoen Jata zabortegia –Lemoiz eta Jatabe udalerrien eremuan, Uribe Kostan– berriro ireki du Bizkaiko Foru Aldundiak, Zabalgarbiko TMBtik ateratako hondakinak bertan pilatzeko.


Zabalgarbik erretako hondakinen %85 birziklagarria zen eta %1,6 arriskutsua

2014an Bilboko Zabalgarbi errauskailuak kiskali zituen 100 kilo hondakinetatik 31 hondar organikoz osatua zen, enpresak berak Eusko Jaurlaritzari emandako datuen arabera.


Zabalgarbi, karbono dioxido gehien isurtzen duten enpresen artean

Bizkaiko errauskailuak 2014an bosgarren postuan amaitu zuen Euskal Herriko enpresa isurtzaileenen artean.


2015-03-25 | Unai Brea
Bizkaiko Aldundiak emandako birziklatze datuak gezurtatu ditu Ekologistak Martxanek

Ekologistak Martxan taldeak ezbaian jarri ditu Bizkaiko Foru Aldundiak emandako 2014ko birziklatze datuak, okerreko metodologian oinarrituta daudela argudiatuta. Gorka Bueno EHUko irakasleak egindako azterketak xehe jasotzen ditu Aldundiari egotzi dizkioten huts metodologikoak.


Eguneraketa berriak daude