Siria iparraldeko indar kurduen aurka eraso egiteko, Turkiari bidea libre utzi diote AEBek
Turkiak iragarritako erasoaren aurrean, AEBetako tropak Siria iparraldetik erretiratzeko asmoa iragarri du asteburuan Trumpek, eta SDF Siriako Indar Demokratikoak ziurtatu du tropa estatubatuarrak erretiratu egin direla. Honek mehatxupean jarri ditu Siria Iparraldeko Federazio Demokratikoa eta bertan gauzatzen ari diren iraultza.
Astelehen goizaldean eman dute erabakiaren berri AEBek. Etxe Zuriko prentsa idazkari Stephanie Grisham-ek egindako adierazpenen arabera, Donald Trumpek igandean eman zion Turkiako presidente Recep Tayyip Erdogani Siria iparraldeko AEBetako tropak erretiratzeko asmoen berri, telefono dei baten bidez.
“Turkiak laster egingo du aurrera Siria iparralderako luzaroan planifikatu duen operazioarekin. AEBetako indar armatuek ez dute operazioan parte hartuko ezta babestuko, eta AEBetako indarrak, Estatu Islamikoaren lurraldeko kalifatza garaiturik, ez dira inguruetan egongo”, jakinarazi du Grisham-ek.
BREAKING: In an extraordinary Sunday night statement, the White House announces that the US "will no longer be in the immediate area" of Northern Syria, allow Turkey to launch an invasion in the region and give Turkey responsibility for captured ISIS fighters in the area. pic.twitter.com/Ytu8t3BLUg
— NBC News (@NBCNews) October 7, 2019
Eufrates ibaiaren ekialdeko eremu siriarrean esku-hartze militar berahalakoa iragarri zuen larunbatean Erdoganek. YPG Herri Babeserako milizia kurduen aurka zuzenduriko erasoa da Turkiak esku artean dakarrena, miliziekin amaitzea helburu duena. Honek mehatxupean jarri du Siria Iparraldeko Federazio Demokratikoa, Siriako kurdistana edo Rojava izenez ere ezaguna, baita bertan gauzatzen ari diren iraultza ere.
Erasorako AEBen babesa jasotzeko zain, Ankarari “pazientzia agortu” zaiola adierazi zuen Erdoganek. AEBek, beren aldetik, bidea libre utzi diote erasoari; orain artean, Estatu Islamikoaren kontra, aliatu bezala jardun dute AEBek eta YPG miliziek Turkiaren eraso mehatxupean dagoen eremu horretan. ISIS arrisku izatetik urruti den honetan, AEBak erretiratu eta Siriako iparraldea okupatzeko bidea libre utzi diote Turkiari.
Siriako Indar Demokratikoek astelehen goizez jakinarazi dutenaren arabera, AEBen tropak hasi dira eremutik erretiratzen. Gatazka ekiditeko egin dituzten esfortzu guztiez gain, AEB beren erantzukizunen kargu egin ez direla adierazi dute. Eta ondokoa gaineratu: “Probokatu ez dugun Turkiaren erasoak inpaktu negatiboa izango du DAESHen aurkako gure borrokan, eta azken urteetan eskualdean sortu dugun bake eta egonkortasunean. Siriako Indar Demokratiko gisa, gure lurra edozein preziotara defendatzeko erabakita gaude”.
Milizia kurduak miran ditu Erdoganek, eta “terrorista” deritze PKK Kurdistango Langileen Alderdiarekin dituzten loturengatik. Bere gobernuak 2018an ekin zion Siriako kurdistana inbaditzeari, Afrin hartuz eta 2.000tik gora hildako eraginez. Iragarri duen erasoak inbasioaren jarraipena lekarke.
Eskua bularrera eroan, eta bostekoa ukatu dio Siriako agintari berriak Alemaniako Kanpo Arazoetarako ministroari, ministro emakumeari. Modu adeitsuan, baina arbuioa jasan du Annalena Baerbock-ek. Aurretik, Al-Golani siriarrak, ordea, luzatu eta astindu dio eskua Jean-Noel Barrot... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Bideoak erakusten du nola CNN telebista kateko nazioarteko buru Clarissa Ward kazetaria ari den sartzen Siriako kartzela sekretu batean, eta nola grabatzen den preso bat askatzen duten unea.
Gero eta bideragarritasun handiagoa hartu du –eta hartuko du– Israelen planak, palestinar herria beraien lur martirizatuetatik kanporatzeko. Iraganean Far West amerikarreko etnia indiarrekin gertatu zen bezalaxe da. Iranen aurkako gerra inoiz baino gertuago dago.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Mundu osoa dago Siriara begira, Israel tartean, zeinak bere presentzia handitu nahi duen. Bitartean, kartzeletan zeuden presoak askatu egin dituzte Bashar al Assad-en gobernuaren aurka egin duten matxinoek, eta milaka errefuxiatu herrialdera itzultzen ari dira.
24 urte eman ditu boterean Bashar al Assad presidenteak. Ia hamalau urte iraun du gerra zibilak Sirian, eta hamaika egun Sortaldea Askatzeko Erakundea (HTS) buru duen koalizioaren azken erasoaldiak, Damasko hiriburua hartu arte. Errusian asilo hartuta da orain Al Assad... [+]
Siriako egoera bortitza izoztuta egon da azken urteetan, eta orain nazioarteko lehen planora atera da. Azaroaren azken egunetan, Siriako Gobernuaren aurka gerran diren talde jihadistek oso egun gutxitan hartu dute Alepo, herrialdeko bigarren hiria. Egoera oso konplexua eta... [+]
Igande gauean izan dira erasoak eta Siriako Gobernuaren arabera Siria ipar-ekialdeko hainbat posizio militar harrapatu ditu.
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]