Xanti Rodriguez zuzendari azpeitiarraren ‘Lekaime’ film laburra, Sitges-eko festibalean
Sail ofizialaren barruan film laburren atalean lehiatuko diren hamar lanak eman dituzte asteburuan Fantasiazko Nazioarteko Zinema Jaialdia, tartean azpeitiarrarena.
"Gustura" zetorren astelehen goizean Sitgesetik (Bartzelona, Katalunia) etxerako bidean Xanti Rodriguez (Azpeitia, 1978). Atzo aurkeztu zuen Kataluniako herriko Fantasiazko Nazioarteko Zinema Jaialdi ezagunean Lekaime; filma han estreinatzeaz gain, Sitgeseko jaialdiaren sail ofizialaren barruan film laburren atalean lehiatuko da Rodriguezen lana, beste bederatzi filmekin batera. Asteburuan eman dituzte hamar filmak, zapatuan eta igandean, eta atzoko saioan izan zen Lekaimeren txanda.
Estreinaldia "oso ondo joan" zela adierazi du Rodriguezek. Filmeko taldekideekin batera izan da jaialdian zuzendaria eta "Sitgesek zer esan nahi duen ezagutu" dutela dio. Joaterakoan zuen "kezka" gaindituta gelditu dela ere nabarmendu du: "Gainerako filmak ikusteko aukera izan dugu, askotarikoak eta herrialde ezberdinetakoak, guztiak egikera bikainekoak. Kezka puntu bat bagenuen hasieran, maila emango ote genuen. Baina kezka hori gainditu dugu, jendea gustura gelditu zen".
Hilaren 14an bukatuko da Sitgeseko jaialdia eta egun horretan jakinaraziko dute palmaresa. Handik boste egunera, urriaren 19an, emango dute Lekaime Azpeitian; Soreasu antzokian izango da, 21:00etan.
Albiste hau Uztarriak argitaratu du eta CC-by-sa lizentziari esker ekarri dugu ARGIAra.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Inguruan dituen emakume sortzaileek halakorik izateak harritu egiten du, baina berak urte askotan izan du iruzurtiaren sindromea. Irauteak erakutsi dio, ordea, gauza asko ondo ere egin dituela. 2021ean Espainiako Estatuko Goya saria irabazi zuen
Maite Arroitajauregirekin... [+]
Irungo ospitale zaharrean jaio zen Fermin 1963an, Muguruza Ugartetarrenean. Azken hamarkadetan euskal musikan eragin nabarmena izan duen artista da. Ez alferrik, bera izan da Kortatu eta Negu Gorriak taldeetako abeslaria eta alma mater-a, Esan Ozenki zigilu independentearen... [+]
Bizkarsoro filma (Josu Martinez, 2023) Donostiako zinema aretoetan proiektatuko dute ostiral honetatik aurrera (hilak 22); SADEko Iñaki Elorzak azaldu duenez, bi aste inguruz proiektatuko dute printzipioz, eta, arrakasta baldin badu, denbora gehiagoz. Hala azaldu dute... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Azaroaren 8tik 15era egingo dute zine jaialdia. Euskal Herriko zinema lanak ere izango dira pantaila aurrean, besteak beste Tasio filmaren bertsio zaharberritua eta La Muerte de Mikel, filmaren estreinalditik 40 urtera.
Jone Arriolaren “Dena asmatuta dago” filma izan da Urrezko Antzararen irabazlea larunbat honetan ospatutako sari banaketa ekitaldian. Euskal Zinemaren Begiradak Itziar Ituño aktorearen ibilbidea omendu du.
Aurtengoa hirugarren edizioa izango da, eta memoriaren gaia hartuko da ardatz, Kulturarteko Plaza Feministan.
47 urte beteko ditu zine jaialdiak, eta urriaren 16tik 21era, solasaldi eta tailerren bidez euskal zinemagintzaren alor ugari landuko dituzte. “Beti berria den zinema” lelopean, aurtengo jaialdiak zine berria eta istorio berriak kontatu nahi dituzten gazteei keinu... [+]