Xabier Reyren heriotza “erailketa politikoa” dela salatu du Amnistiaren Aldeko eta Errepresioaren Aurkako Mugimenduak
Amnistiaren Aldeko eta Errepresioaren Aurkako Mugimenduak erailketa politikotzat hartu du Xabier Rey Urmenetaren heriotza. "Doluminik zintzoenak" ere helarazi dizkie haren senide eta lagunei. Irakurri segidan komunikatu osoa:
"Amnistiaren Aldeko eta Errepresioaren Aurkako Mugimenduak bere haserrea eta tristura agertu nahi du Xabier Rey Urmeneta euskal preso politikoa bere ziegan hilda agertu eta gero, eta bere dolumin zintzoenak helarazi nahi dizkie haren senide eta lagunei.
Era berean, Xabierren heriotza Espainiako Estatuak bultzatutakoa dela salatu behar dugu eta, ondorioz, erailketa politikotzat hartzen dugula. Espainiako kartzela orotan preso politikoei ezartzen dizkieten bizi baldintzak batere samurrak baldin ez badira, Puerto III-ko kartzelakoak gogorrenetan gogorrenak dira. Gogorarazi behar dugu Puerto III-ko kartzela benetako sarraski gunea izan dela ireki zuten une beretik, eta euskal preso politikoekin esperimentatzeko erabili egin dutela hasieratik. Ezarritako erregimena sobera ezaguna da bere gogortasunagatik, eta bertako kartzelariak bere jarrera militante faxistagatik. 2010eko maiatzean Arkaitz Bellon elorrioarra (gerora Puerto I-ean hilik agertu zena) jipoitu egin zuten.
Ezagunak dira Arantxa Zuluetari ezarri zioten erabateko isolamendua eta Iñaki Bilbao 'Txikito'-ri berrikiago ezarritako lehenengo graduaren lehenengo fasea (dagoeneko kendu diotena), espetxean ezar daitekeen egoerarik murriztaileena. Gaur egun Iñaki isolamendu moduluan mantentzen dute oraindik (2007tik dago modulu horretan), Frantziatik estraditatu berri duten Jon Bienzobas bezala. Azkenengo honi ere lehenengo graduaren lehenengo fasea aplikatu diote Puerto III zapaldu bezain pronto.
Hasieran esan bezala, Xabier Rey Espainiako Estatuak erail du gure herriaren aurka mantentzen duen gerra kamuflatuan. Euskal Herrian ez dago bakerik, eta ez da bakerik izango preso, iheslari edo deportatu politiko bakar bat gelditzen den bitartean. Euskal Herrian ez da bakerik izango langileriaren esplotazioak eta frantziar zein espainiar okupazio inperialistak dirauten bitartean.
Ez luke esaldi errazen garaia izan behar, ezta iraultza urrunen kontakizun erromanikoena ere. Itxura emateak ekinbideari aurrea hartu dion garaiotan, Amnistiaren Aldeko eta Errepresioaren Aurkako Mugimenduak gaur, atzo eta bihar bezalaxe, borroka garaia dela azpimarratu nahi du. Errepresaliatu politikorik gabeko Euskal Herri aske bat lortu nahi dugularik, borrokarako deia egin nahi dugu berriz ere, soilik borrokatuz lortu ahal izango ditugulako gure helburuak. Estatuei gerra beti! Agur eta ohore, Xabier!"
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
