Helegitea aurkeztuko dio Espainiak inkomunikazioaren aurkako Estrasburgoren epaiari
Giza Eskubideen Europako Auzitegiak ebatzi zuen Xabier Atristainek ez zuela izan prozesu “justu eta ekitatezkoa” inkomunikazio aldian egindako autoinkulpazioetan oinarrituz zigortu zutelako, eta preso ohia aske geratu zen berehalakoan. Epaiak beste preso askori eragin diezaioke.
Astearte goizean Pilar Llop Espainiako Justizia ministroak “sosegua” eskatu zuen, adieraziz Estatuaren Abokatutza egoera aztertzen ari zela. Edonola dela, "oso larritzat" jo zuen Estrasburgoko epaitegiaren epaia. Arratsaldean jakin zen Espainiak, Estatuaren Abokatutzaren bitartez, helegitea aurkeztuko diola Giza Eskubideen Europako Auzitegiaren erabakiari.
AVT elkarteak eginiko eskaerari eta presioei men egin die Espainiako Gobernuak. Elkarteak ohartarazi du Atristainen aldeko epaiak beste dozenaka presori eragin diezaiokeela. Horretan bat dator EH Bildu ere. Atristain aske geratu ostean, epaiak “aplikazio analogikoa” izan behar zuela adierazi zuen koalizioak, hainbat euskal presori eragiten baitie.
Inkomunikazio aldiko autoinkulpazioen balio eza
2010ean atxilotu eta inkomunikatu zuen Xabier Atristain Guardia Zibilak. 2013an hamazazpi urteko zigorra ezarri zion Auzitegi Nazionalak. 2022ko urtarrilean ebatzi du Estrasburgok Atristainek ez zuela prozesu “justu eta ekitatezkorik” izan: inkomunikazio aldian ez zuen konfiantzazko abokatuekin egoterik izan, tarte horretan hainbat ekintza eta delituren erruduntasuna onartu zuen, eta horiek izan ziren bera zigortzeko oinarria epaiketan.
Ondorioak, argitzeke
Estrasburgoko epaiak antzeko baldintzetan zigortutako hainbat euskal presori eragin diezaioke. Ez hori soilik. Martxoan, Auzitegi Nazionalak Gorka Palacios absolbitu zuen inkomunikazio aldian egindako adierazpenak ez zituelako froga bezala onartu, Estrasburgoko epaia aintzat hartuz. Orain ikusi beharko da Europako epaitegiak Espainiaren helegitea tramitera onartzen duen edo ez –epaitegiak aho batez hartu zuen erabakia–. Onartzekotan epaiaren ondorioak hilabete askotan luzatuko lirateke, epaitegiak epai berriari heldu arte.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.