Xabier Atristain presoa baldintzapeko askatasunean geratu da
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
Bere kasua ezagun egin da azken urteotan bi konturengatik: batetik, beste preso askori moduan, espetxeko tratamendu juntak behin baino gehiagotan eman diolako hirugarren gradua, eta fiskalak errekurrituta, Espainiako Auzitegi Nazionalak bertan behera utzi izan duelako erabaki hori.
Atristain 2010ean bere borondatez aurkeztu zen Biarritzeko polizia-etxean, bere aurkako atxilotze aginduaren berri izan zuenean. Hilabete geroago Espainiaratu zuten eta atxiloaldian ofiziozko abokatua inposatu zioten, berea izendatzeko aukerarik gabe. Atxiloaldian torturak eta mehatxuak salatu zituen eta han egindako adierazpenak aintzat hartuta, 2013an egindako epaiketan 17 urteko espetxe zigorra jarri zioten.
Presoak Estrasburgora eraman zuen bere kasua eta 2022an Europako Giza Eskubideen Auzitegiak Espainia zigortu zuen, atxiloaldiko inkomunikazioan bere abokatua hautatzeko aukerarik izan ez zuelako, eta ofiziozko abokatuaren aurrean emandako deklarazioa onartu zelako Atristain zigortzeko froga moduan. Behin-behinekoz, otsailean libre utzi zuten Espainiako Auzitegi Nazionalaren aginduz, baina Auzitegi Gorenak berriz espetxeratzeko agindua eman zuen, argudiatuta espetxeratzeko proba gehiago ere azaldu zirela epaian, eta ez bakarrik Estrasburgok aipatutakoa.
Graduen dantzari dagokionez, Atristaini ere azken urteetan beste euskal preso askori gertatzen ari zaiona gertatu zaio. 2022ko udan Martuteneko espetxeak hirugarren gradua eman zion, baina fiskalaren helegitea aintzat hartuta, Espetxe Zaintzarako Epaitegi Zentralak urrian hirugarren gradua kendu eta espetxera itzularazi zuen. Azaroan bertan, Martuteneko Tratamendu Batzordeak hirugarren gradua berretsi zuen, eta 2023ko martxoan Eusko Jaurlaritzak ontzat eman zuen.
Fiskalak ostera errekurritu zuen erabakia. Oraingoan, Espetxe Zaintzako auzitegiak ez zuen helegitea onartu, baina Auzitegi Nazionaleko Lehen Zigor Salak bai, beraz berriz espetxera. Azkenean, ostegun honetan baldintzapeko askatasunean geratu da.
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.