Xabier Atristain aske utzi dute behin-behinean
Martuteneko espetxetik irten da preso donostiarra ostegun arratsaldean, Espainiako Auzitegi Nazionalaren aginduz. Estrasburgok urtarrilean ebatzi zuen inkomunikazio egoeran konfidantzazko abokaturik izan ez zuenez bere eskubideak urratuak izan zirela.
Xabier Atristain euskal presoa aske utzi dute ostegun arratsaldean eta Martuteneko kartzelatik irten da, urtarrilean Giza Eskubideen Europako Auzitegiak harturiko erabakiaren ondoren. Estrasburgok ebatzi du Atristainek ezin izan zuela konfidantzazko abokaturik ukan atxiloturik izan zen bitartean, inkomunikazio egoeraren ondorioz; Espainiako Auzitegi Gorenari bere auzia berrikusteko eskatu dio presoaren defentsak. Hala, hori egin bitartean aske utzi du Espainiako Auzitegi Nazionalak.
Preso donostiarra 2010ean aurkeztu zen Biarritzeko polizia-etxean, espaniar poliziak bera atxilotzeko agindua zuela jakinik. Madrili entregatua izan ondoren aske geratu zen, baina urte bereko irailean berriz atxilotu zuten eta bost egunez izan zuten inkomunikaturik. Bere burua autoinkulpatu zuen egun horietan, baina ondoren torturapean izan zela salatu zuen.
Auzitegi Nazionalak behin-behinean utzi du aske presoa, baina baldintza batzuen pean, hala nola, bizileku zehatz bat izatea eta Espainiako Estatutik ez irtetea baimenik gabe. Estrasburgok Atristainen inguruan eta inkomunikazioari buruz emandako epaia "aurrekari" gisa hartu du bere abokatu Zigor Reizabalek, egoera berean askoz kasu gehiago daudelako bere esanetan.
Hain justu, beste kasu horiek gogorarazi ditu Atristainek berak kartzelatik irten orduko: "Espetxean urraketa berdin-berdinak jaso dituzten pertsonak gelditu dira eta beraien egoera ere konpondu behar da". Atristainek alboan izan du espetxe atarian Haimar Altuna Sortu alderdiko kidea: "Xabier Atristain gaur kalean egoteak erakusten du berriro ere estatu espainola ez dela zuzenbidezko estatu bat, ez dela benetazko demokrazia bat".
Atristain kalean egotearen balio juridikoa eta politikoa nabarmendu du Haimar Altuna @sortuEH-ko ordezkariak, eta gogorarazi du Estrasburgok ebatzi duena: inkomunikazioak defentsarako eskubidea urratzen duela @berria pic.twitter.com/VeXiXE5Cga
— Jon O. Urain (@olano_urkia) February 17, 2022
Euskal presoa libre utzi orduko erreakzioak berehala izan dira. EH Bilduk albiste "pozgarria" del esan du, baina gogorarazi du hainbat urtez Atristainek "jasandako kaltea". Sarek ere modu "positiboan" baloratu du presoa aske utzi izana, eta nabarmendu duenez "torturapean eta inkomunikazioan egindako autoinkulpazioak ezin dira inoiz zigor judizial baten oinarri izan".
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.