Turistifikazioaren Aurkako Urria manifestazio jendetsu batekin borobildu zuen igandean desazkunde turistikoaren aldeko Bizilagunekin plataformak, baina turistifikazioaren inguruko eztabaidak bizirik jarraitzen du hirian. Hain zuzen ere, Donostiako azken urteko turismoaren... [+]
Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
igandea 2025eko urtarrilaren 26an
“Welcome to Pintxoland” turistifikazioaren aurkako ekimena egin dute Donostiako Alde Zaharrean
Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.
Welcome To Pintxoland ekimena. // Argazkia: BiziLagunEkin
Bizilagunekin plataformak ekimenaren bidez salatu du Donostiako Parte Zaharreko bizilagunak “serioski kaltetzen” dituela turistifikazio masiboak. Auzoan turismoari zuzendutako ostalaritza eta merkataritza “dena irensten” ari direla nabarmendu dute: “Komertzioak eta ostalaritza-establezimenduak gero eta bideratuago daude kanpoko bisitariei, eta auzotarren bizimoduan agertu diren kalteen eragile nagusiak dira: zarata, zaborra, kale-espazioaren okupazioa…”. Bestalde egoera horrek euskarari “kalte” egiten diola salatu dute: “Jatetxeetako kartetan, karteletan eta publizitatean, gaztelera, frantsesa eta ingelesa dira hizkuntza nagusiak, eta euskarak gero eta presentzia gutxiago du.
Turismoaren beherakadaren aldeko plataformak "Welcome To Pintxoland" lelodun pankarta ironikoak paratu eta 5.000 eskuorri banatu ditu kalean, pintxo-taberna baten publizitaterako esku-orriak irudikatuta. Plataformako kideen esanetan, “turistifikazioaren aurkako urria” izango da aurtengoa. Ekimenarekin bat egin dute Parte Zaharrean Bizi auzo elkarteak, Parte Zaharreko Euskara Batzordeak, Alde Zaharreko Gazte Asanbladak eta Alde Zaharreko Ernaik.
“Euskara eta euskal kultura markagintzarako elementu hutsa bilakatzen du turismo industriak”, adierazi dute bizilagunek. Euskara esperientzia turistikoari “kutsu berezia” emateko “erabiltzen” dela salatu dute: “Gure hiria salgai dagoen produktu gisa ulertzen dute eta euskara produktu horri jartzen zaion lazo koloretsu bat besterik ez da turistifikatzaileentzat”. Halaber, sakonean “jabetzen pilaketan” eta “lan-baldintza eskasetan” oinarritutako ereduan dihardutela salatu dute, eta “ezkutuko ekonomiaren gotorleku” direla.
Erresistentziaren alde
Ostalaritza eredu “basatiari” erresistentzian eusten dioten taberna eta jatetxeetako kideei haien elkartasuna adierazi nahi izan diete bizilagunek: “Ez ditugu aipatu gabe utzi nahi tokikotasunean eta gertukotasunean oinarrituta, euskaraz eta euskaldunekiko errespetuz jarduten duten langileak”. Donostiak desazkunde turistikorantz norabidea hartu behar duela aldarrikatu dute: “Ezinbestekoa da Parte Zaharrean ongi bizitzea eta euskaraz bizitzea denon eskura egon dadin”.
Irakurrienak
Matomo erabiliz
#1
Onintza Irureta Azkune
#2
#3
#4
#5
Kanal honetatik interesatuko zaizu: Turismo masiboa
2024-12-12
Jenofa Berhokoirigoin
Berotegi-efektuko gas emisioen %8,8 eragiten du turismoak, eta isurketek gorantza segitzen dute
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.
2024-11-14
Urko Apaolaza Avila
Pisu turistikoentzako baimenak urtebetez eten ditu Bilbok
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mila lagunetik gora mobilizatu dira turistifikazioaren eraginen aurka
Bizilagunekin plataformak deituta, hiri eredua eraldatu eta herritarren bizi baldintzak erdigunean jar daitezen eskatu dute ehunka lagunek. Etxebizitzaren eskasia eta garestitzea salatu dute, bai eta egoera horren aurrean, Donostiako udalak izan duen jarrera ere.
2024-10-22
Leire Ibar
Milaka pertsona mobilizatu dira Kanarietako turismo masiboa salatzeko
Uharteetako 25.000 biztanle inguru mobilizatu ziren urriaren 20an turismoaren “gehiegikeriaren”, masifikazioaren eta etxebizitzaren merkatuaren aurka protesta egiteko. Turismoak euren hiri eta herrietatik kanporatzen dituztela salatu dute bertako biztanleek.
2024-09-11
Nagore Irazustabarrena Uranga
Turismoa vs. geoglifoak
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
2024-09-09
ARGIA
Iruñeko Alde Zaharrean etxe turistikoei lizentzia gehiago ez ematea erabaki du Udalak
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Herrialde Katalanetako herririk turistikoenak, eskuin muturraren bozen biltoki
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
2024-07-17
Ula Iruretagoiena
Lurraldea eta arkitektura
Hemengoa
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
2024-07-03
Ula Iruretagoiena
Lurraldea eta arkitektura
Txibato
Donostiako Alde Zaharreko taberna askoren pintxoak alde zaharrean sartzeko baimena duen furgoneta batean datoz zerbitzua ematera. Beste tabernetan, prestatzen duten tortilla patata pintxoa jateko, goizeko furgoneta alde zaharrean sartzen den orduan ilara egin eta txanda hartu... [+]
2024-06-25
Zigor Olabarria Oleaga
Zaharraz Harro! jaiak
Beren atarietan etxebizitza turistikoak debekatu dituzten auzokideak omendu dituzte Gasteizko Alde Zaharrean
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
2024-06-25
Mikel Garcia Idiakez
Turista taldeak 25 pertsonara mugatu nahi dituzte Hondarribian ere
"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]
Eguneraketa berriak daude