Wednesday Silva, Oñatin bizi den ginearra: “Errefuxiatuek bizi dituzten egoerekin alderaturik, luxuzko bizitza izan dut”
Errefuxiatuei elkartasuna adierazteko “Inor ez da ilegala” astea, Wednesday Silva ginearraren hitzaldiarekin biribildu dute Oñatin. Antolaturiko ekintzen artean, aurkezpenak, hitzaldiak, bazkaria eta tailerrak izan dira.
Wednesdayk igande arratsaldean gaztelekuan eman zuen hitzaldian, bere bizi-esperientziak partekatu eta herriko gaztetxoen jakin-nahia asetzeko parada izan zuen.
Wednesdayk hamaika urterekin utzi zuen bere familia Ginea Bissaun, Kubara joan eta ikasteko aukera bat izateko. Hamasei urtez bertako barnetegi batean izan ostean, Coimbrara (Portugal) egin zuen jauzia. Bertan, bi oñatiar ezagutu eta ikasketekin Mondragon Unibertsitatean jarraitzeko baimena eskatu zuen.
Oñatin bizitzen hamabi urte daramatza dagoeneko eta erabat gizarteraturik dago herrian. Lagun-talde propioa du eta euskaraz ederki moldatzen da. Hamaika urtetatik gurasoak ez ditu ikusi eta aitaren heriotzaren berri lau hilabete beranduago gutun bidez izan zuela aipatu zuen. Hala ere, errefuxiatuek bizi dituzten egoerekin alderaturik, “luxuzko” bizitza izan duela azpimarratu zuen.
Hitzaldiaren amaieran, bertaraturiko gaztetxoek pinturazko tatuajeak egiteko aukera izan zuten, Henna tailerrean.
Larunbatean bestalde, jatorri anitzetako pertsonen testigantzak entzun eta beren jaioterriak ezagutzeko aurkezpenak egin zituzten. Ondoren, etorkinek eta Oñatiko herritarrek bazkaria egin zuten gaztetxean.
Sabela ederki bete bazuten ere, Marokoko bizkotxoa egiten ikasteko tailerra antolatu zuten bazkalosterako.
Argazki gehiago (Oñatiko Antixena Gaztetxea):
Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Kanporatze agindu mehatxua gainean du Moussa txantrearrak. Bizilagunak bildu dira prozesuari aurre egiten laguntzeko.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Neurria Texaseko (AEB) gobernadore Greg Abbott kontserbadorearen proposamena da. Migratzaileen aurkako beste hainbat politika erasokor aplikatu ditu aurretik: kontzertinen instalazioa, mugako patruilen sorrera, eta migratzaileen deportazioa estatu demokratetara autobusez.
Irungo eta Hendaiako herritarrak elkartu dira Santiago zubian, “Ireki zubiak, elkartasuna eraiki” lelopean ostegunean.
Uztailaren 6an, 18:00itan, Santiagoko zubian deitu dute kontzentraziora hainbat taldek, hala nola Bidasoa Etorkinekin, Irungo Harrera Sarea, edo Ongi Etorri Errefuxiatuak.
Han agertu zen, Hör Berlinen, Brava DJa, bere txapela gorri eta guzti Inor ez da ilegala leloa zeraman kamiseta jantzita. Orain hilabete pasatako kontua da eta spoilerra egin badizut ere, irakurle, amaiera horixe duen istorio polita kontatuko dizut gaur.
Aspaldian sarri ikusten dut kalean Inor ez da ilegala aldarria. Poltsan idatzita ez bada, jertsean; eta jertsean ez bada, kamisetan. Kolore askotan. Kolore guztiek, edozein izanik ere, eduki beharko baikenituzke eskubide berak. ARGIAk eta Mbolo elkarteak duela lau urte hasitako... [+]
Denda fisikoetara egin du salto Inor ez da ilegala proiektuak eta Euskal Herriko bost hiriburutan eskuratu ahalko ditugu.
Sekula pentsatu duzu, irakurle, non serigrafiatzen diren Inor ez da ilegala edo Lurra herriari deika proiektuetako kamiseta, jertse eta poltsak? Artizar serigrafia dugu honetan bidelagun.
Maiatzean, patera batean heldu zen Kanaria uharteetara. Frantziara gurutzatu nahi zuen familia kide batekin elkartzeko asmoz. Hiru hilabetetan, Gipuzkoa eta Lapurdiren arteko mugan hil den hirugarren pertsona da Coulibaly.
Igandean, Gipuzkoa eta Lapurdiren arteko muga gurutzatzen saiatu zen gazte bat hil zen Bidasoan. Apiriletik zendu den hirugarrena da. Astelehenean, elkarretaratzea egin dute Irunen gertatuta salatu eta Europako migrazio politikak aldatzea eskatzeko.