Vox alderdi ultraeskuindarraren ekitaldiari erantzuteko elkarretaratzea deitu dute Oñatin
Asteazken arratsaldean Vox espainiar alderdi ultraeskuindarrak ekitaldia egingo du Oñatin, Eusko Legebiltzarreko hauteskundeen testuinguruan, eta mugimendu antifaxistak elkarretaratzeko deia luzatu du.
Euskal Herrian hainbat hiri, herri eta auzotan agertu dira Voxeko kideak, eta askok probokazio hutsa dela iritzita "faxismoa borrokatzeko" deia luzatu dute. Zenbaitetan istiluak ere izan dira, azkena Donostiako Loiola auzoan, Ertzaintza herritarren kontra oldartu zen larunbatean eta bi pertsona atxilotu zituen.
Atzean ibilbide hori izanik ere, Bergarako Zonaldeko Hauteskunde Batzordeko presidenteak baimena eman dio alderdi ultraeskuindarrari Oñatiko Foruen Enparantzako frontoian ekitaldia egiteko asteazkenean, 18:30etik 20:30era, nahiz eta eskaria Eusko Legebiltzarreko Hauteskundeen Legeak dioen epetik kanpo egina izan.
Macarena Olona Voxek Espainiako kongresuan duen taldeko bozeramaileak, Oñatin egin ohi den umorezko Fan Hemendik egunarekin lotu du ekitaldia, esanez guardia zibilei "urtero eskratxe bat" egiten zaiela eta "koldarrei aurre egiten" egongo direla herrian.
Gainera, bere esanetan, 2017an agente armatuak kereila bat sartzekotan izan ziren haien kontrako "gorroto delituagatik", baina azken momentuan "agintari politikoek" geldiarazi omen zuten, beti ere Olonaren arabera. Argazkia ere argitaratu du Twitterren, Oñatiko koartelean, espainiar bandera ondoan eta Guardia Zibilaren elastikoa jantzita.
Cada año se organiza un escrache a la @guardiacivil y sus familias en Oñate. Este miércoles, a las 19.00 horas, estaremos allí @Ortega_Smith y yo. Haciendo frente a los cobardes. #AldeHemendik🤡 pic.twitter.com/p0rjoQCdMU
— Macarena Olona (@Macarena_Olona) July 5, 2020
Elkarretaratze antifaxista
Vox-en ekitaldiari erantzuteko elkarretaratzea deitu du Sare Antifaxistak Oñatiko plazan 18:45ean. Azaldu duenez "protesta egitea ez da mehatxua, baizik eta demokraziaren parte bat" eta argi utzi nahi izan du: "Faxismoaren aurka protestatzea ez da delitua". Ikurrinak, banderolak eta zarata egiteko tresnak eramateko eskatu diete herritarrei.
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Hirurehun bat pertsona hurbildu ziren jende katea osatzeko Marengo eta Pannecau zubien artean.
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Oldarraldi faxistaren aurrean askatasuna leloarekin manifestaziora deitu dute dozenaka herritarrek. Ostiralean —hilak 21— 19:00etan Herriko Plazatik abiatuko da protesta, eta ahalik eta jendetsuena izatea nahi dute deitzaileek, faxismoaren oldarraldiari galga... [+]
Atxuri auzoan 2019ko azaroaren 5ean Voxen kontra egin zuten bederatzi pertsonaren kontrako epaia iritsi da. Akusatuek ez dute espetxean sartu beharko.
Larunbatean pertsona talde batek Tolosaldeako Kontseilu Sozialistako kide bati eraso egin ziola salatu dute. Azaldu dutenez, "faxistei aurre" egin zien propaganda jartzen ari zirela, eta piperbeltz espraiarekin zipriztindu zuten.
Larunbatean hamarnaka milaka herritar manifestatu dira Berlinen eta Alemania osoan. Otsailaren 23ko hauteskunde orokorren atarian, gainontzeko alderdiei eta bereziki CDU alderdi kontserbadoreari exijitu diete AfD eskuin muturreko alderdiarekin harreman oro eteteko.
Vox alderdi faxistak Iruñeko Arrotxapea auzoan "informazio-mahai" bat jartzeko asmoa iragarri zuen, eta "kaleetan faxistarik nahi ez duen" langile-auzo anitz baten gaitzespenarekin egin dute topo. Berriozarren ere izan dira VOXekoak, eta bertan ere... [+]
‘Gerraren eta faxismoaren aurka’ lelopean manifestazioa antolatu du Gazte Koordinadora Sozialistak larunbatean Iruñean eta Bilbon.
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Duela bost urte Bilboko Atxuri auzoan Voxen diskurtsoaren aurka mobilizatu ziren bederatzi gazte epaituko dituzte. Goizean bildu dira Bilboko Probintzia Auzitegiaren aurrean zenbait kide, akusatuen absoluzioa eskatzeko eta faxismoaren gorakada salatzeko.