Verdes liburu-dendak euskal kulturari egin zion ekarpena omenduko du Bilboko Loraldiak
Loraldia Festibalak Bilboko Verdes liburudendako azken kudeatzaileei omenaldia eskainiko die martxoaren 24an Arriaga Antzokian, Loraldia Festibalaren 5. edizioaren baitan.
"Javi Escuderok eta Asun Zuloagak liburuz inguraturik oasi erakargarri bat eratu zuten Bilboko Zazpikaleetako bihotzean", Loraldiaren antolatzaileek adierazi dutenez. Verdes liburu-denda berehala ezinbesteko elkargune bihurtu zen euskal kulturgileentzat: handik banatu ziren lehen ikastoletako testu-liburu debekatuak, Bernardo Atxagak eta Gabriel Arestik ere liburu-denda horretan izan zituzten lehenbiziko hartu-emanak eta Asteasuko idazleak Joseba Sarrionandiarekin, Ruper Ordorikarekin, Jon Juaristirekin, Jimu Iturralderekin eta Manu Ertzillarekin batera osatu zuen Pott Bandak ere behin baino gehiagotan bisitatu zituen Verdeseko apalategiak.
Loraldian egingo zaion omenaldian, Verdes liburu-dendaren hainbat lagun batuko dira. "Euskaltzaleok zorretan gaude eta eskertu behar diegu eman ziguten guztia", adierazi dute Loraldiaren antolatzaileek.
Bernardo Atxagaren ideia bati jarraituz antolatu dute ekitaldia. "Ekintza xume bezain hunkigarria izango da", antolatzaileek aurreratu dutenez. "Idazleek, musikariek eta kultur gizon-andreek parte hartuko dute, batzuetan kantuen bitartez eta bestetan testuak irakurtzeko". Bernardo Atxaga bera, Natxo De Felipe, Ruper Ordorika, Juan Carlos Perez, Miren Agur Meabe, Joseba Sarrionandia eta Patxo Telleria dira parte-hartzaileetako batzuk.
Loratuko da Bilbo eta itzuliko da euskara zazpi edo hamazazpi kale estu zalapartatsuetan oihartzun egitera, eta zabalduko da zabalguneetara eta luzatuko da auzorik auzo, Otxarkoagaraino eta harantzago. Udaberria helduko zaio gure hizkuntzari mendeetako neguaren ondoren. Udaberri... [+]
Euskal kultura garaikidearen Loraldia jaialdiaren antolatzaileek “balorazio guztiz baikorra” egin dute amaitu berri den aurtengo edizioari buruz. Jarduerak mugarik gabe egin ahal izan dituzte atzera ere, eta festibalak izandako kalitate artistikoa azpimarratu dute.
Loraldia Festibalaren zazpigarren edizioa asteartean hasi da, martxoak 9, eta hilaren 28a bitartean ospatuko da. Bilboko euskarazko kulturaren jaialdiaren edizio honetako lema Sormenari zor da. 19 egunez, diziplina artistiko guztiak, produkzio berriak eta estreinaldiak... [+]
Astearte goizean aurkeztu da Loraldia Festibalaren bosgarren edizioa, "Sentikariz blai!" lemapean.
Dabilen harriari so. Azukre koxkorrak Ruper Ordorikarentzat ikuskizunaren kronika. Martxoaren 14an, Bilboko Kafe Antzokian. Loraldiaren baitako ekitaldia.
Loraldia Festibala amaitu eta "erabateko arrakasta"-tzat jo dute antolatzaileek. Bost astetan Bilbo "euskarazko sormenaren erdigune" bihurtu dela azpimarratu dute, bai eta ikuslegoaren harrera ona ere. Ikuskizun gehienetan eserleku-kopuruaren %80 baino... [+]
Loraldia Festibalaren barruan, martxoaren 16an Lutxo Egia idazleak eta Mikel Inunziaga musikariak eskainitako
Hiri hori da hiri hau emanaldiaren kronika.
René Le Henaff zuzendariak hiru dimentsioen teknikarekin esperimentatzeko Euskal Herrian grabatu zuen filma aurkitu du Josu Martinez zinegile eta ikerlari bilbotarrak. Euskadi filmaren lau emanaldi egingo dituzte martxoan, Bilbon, Iruñean, Donostian eta Baionan.
Euskal kulturaren udaberriko hitzordua hastear da Bilbon. 30 emanaldi eta 150 sortzaile baino gehiago bilduko ditu 32 egunetan. “Berritzailea eta bizigarria” egiteko asmoa dute antolatzaileek.
Euskal kultura ikustaraztea da festibalaren helburua. Apirilaren 9tik 24ra hamaika ekitaldi izango da Bilboko hainbat txokotan.
Loraldia. Noiz: apirilaren 23tik 26ra. Non: Bilbo. Webgunea: Loraldia.eus