Venezuelako oposizioak dei egin die poliziei eta militarrei gobernuaren kontra egitera
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala irekitzea”. 24 hildako eta 2.200 atxilotu inguru izan dira Venezuelako protestetan, Provea gobernuz kanpoko erakundearen arabera.
Plataforma Unitario Demokratikoaren (PUD) buru Edmundo Gónzalezek eta oposizioaren buru nagusi –baina Venezuelako epaitegiek bere hautagaitza ezgaitu dutena– María Corina Machadok adierazpen bateratua zabaldu dute uztailaren 5ean sare sozialen bitartez. “Militarren eta polizien kontzientziarako deia” egin dute. Bertan “kupula maduristak antolatutako taldeen ekintzak eragoztea” eskatu diete eta “herriaren eta beren familien alde jar daitezen”. Machado sare sozialetan PUDen garaipena eskatzen ari da hainbat argitalpenen bitartez, eta esan du oposizioak “herrialdeko estatu guztietan eta ia udalerri guztietan irabazi” zuela. Hauteskunde Kontseilu Nazionalak (CNE) emandako datuen arabera, uztailaren 28ko hauteskundeetan Nicolás Maduroren GPP Polo Patriotiko Handiak botoen %51,2 lortu zituela eta PUDek %44,2 esan arren, adierazpenean jaso dute oposizioak “botoen %67” lortu zuela eta “Madurok %30”. Madurori leporatu diote “egia ezkutatu eta garaileak zokoratu nahi izatea”, “estatu kolpea” ematea eta “garaitua izan zela onartzeari uko” egiten diola.
Venezuelako Errepublika Bolivartarreko Fiskal Nagusi Tarek William Saab-ek erantzun egin dio oposizioak egindako adierazpenari, eta iragarri du Gonzálezi eta Machadori “ikerketa penala irekitzea” erabaki dutela. Saab-en adierazpenak aipatu du oposizioak "faltsuki" iragarri duela CNEk aldarrikatutako irabazlea ez den beste bat, eta CNE dela “hori egiteko kalifikatutako organo bakarra”. Machadok eta Gonzálezek idatzitako adierazpenean “polizia eta militar funtzionarioak legeak ez betetzera bultzatzen” ari direla salatu dute, eta hainbat delitu leporatu dizkiete: “Eginkizunak usurpatzea, kezka eragiteko informazio faltsua zabaltzea, legeak ez betetzera bultzatzea, matxinada bultzatzea, delituak egiteko elkarketa eta konspirazioa".
Europak eta AEBek, hauteskundeen emaitzak publiko egiteko eskaera
Nazioartean zenbait estatuk “kezka handia” agertu dute Venezuelako hauteskundeen osteko egoeragatik. Europan Espainiak, Frantziak, Italiak, Alemaniak, Herbehereek, Poloniak eta Portugalek adierazpen bateratua egin dute, eta Venezuelako agintariei eskatu diete “lehenbailehen” argitara ditzatela akta guztiak, “hauteskunde-prozesuaren erabateko gardentasuna eta osotasuna bermatzeko”. AEBtako Mendebaldeko Hemisferioko Aferetako Bulegoko idazkariorde nagusi Mark Wells-ek Maduro eta bere ordezkariei eskatu die “hauteskundeetako benetako emaitzak aitortu behar” dituztela.
Venezuelako Justizia Auzitegi Goreneko presidente Caryslia Rodríguezek jakinarazi du CNEk “eskatutako ardura guztiak” gorteari eman dizkiola, eta “epailearen agindua bete duela”, eldiario.es komunikabideak jaso duenez. Auzitegiak "kontsignatutako materiala aztertzeko prozesua" irekiko du gehienez 15 eguneko epean, luzagarria den epea. Rodríguez 2024ko urtarrilaren 17an izendatu zuten Justizia Auzitegi Goreneko presidente, eta lehenago Maduro buru den Venezuelako Alderdi Sozialista Batuan militatu zuen.
24 hildako, eta 2.200 atxilotu inguru
Provea giza eskubideen gobernuz kanpoko erakundearen txosten baten arabera, 24 pertsona hil dira –horien artean militar bat– uztailaren 28tik abuztuaren 5era bitartean “hauteskundeekin lotutako ekitaldietan eta protestetan”, Swiss Info hedabideak jaso duenez. Madurok adierazi du bi militar hil direla, eta 2.200 pertsona baino gehiago atxilotu dituztela. Atxilotuak “terrorista” gisa aipatu eta hura boteretik kentzeko plan batekin lotu ditu.
Irailetik Venezuelatik alde eginda egon ondotik, eta azken asteotan Hego Ameriketan kanpaina kutsuko bira egin ostean, hauteskundeetara aurkeztu zen Edmundo Gonzálezek hitzemana zuen Caracas hiriburuan agertuko zela Nicolas Madurok kargua hartuko zuen egunean. Bere... [+]
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Espainiako Gobernuak gezurtatu egin du Espainiako Inteligentzia Zerbitzuekin zerikusirik zutenik. Venezuelaren eta Kolonbiaren arteko mugan atxiki zituzten, baita atzerritar gehiago ere. Haien familiek esan dute turismoa egiten ari zirela.
PP, Vox, EAJ, UPN eta Coalición Canariako ordezkarien 177 aldeko botorekin onartu du ebazpena Espainiako Kongresuak, gobernuari eskatzen diona oposizioko buru Edmundo González presidente gisa onartu dezala. EAJk gobernua sustengatzen duen gehiengoarekin apurtu du... [+]
Igandean heldu da Edmundo González Urrutia Madrilera, Espainiako Armadako hegazkin batean. Venezuelako Gobernuak adierazi du gertatua “bi gobernuen arteko akordioaren” ondorioa dela. Espainiako Gobernuak azpimarratu du Gonzálezek egin duela asilo... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Maduroren hautagaitzak botoen %51,2 eskuratu du, eta %44,2 oposizioko hautagai nagusi Edmundo Gonzálezek, Venezuelako Hauteskunde Kontseilu Nazionalak emandako datuen arabera. Oposizioak iruzurra salatu du, eta chavismoak emaitzak errespetatzera deitu du. Madurok jarraian... [+]
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.