Valtónycen aurkako euroagindua behin betiko indargabetu dute Belgikako epaitegiek
Ganteko Apelazio Epaitegiak Mallorcako rap abeslariaren estradizioa ukatu du, eta Espainiako Estatuak ez du helegiterik aurkeztu. 2018an egin zuen ihes Valtónycek, bere abestien letrengatik ezarritako hiru urte eta erdiko espetxe zigor batetik ihesi.
Belgikako epaitegiek Josep Valtónycen alde egiten duten laugarren aldia da, eta azkena. Aurrekoetan Espainiak bere musika letrengatik egozten dizkion hiru delituak ukatu zituzten, hurrenkera horretan, Lehen Instantziako, Apelazio eta Kasazio epaitegiek: mehatxuak, terrorismoari gorazarre egitea eta laidoak Espainiako Koroari. Orain Ganteko Apelazio Epaitegiak aztertu du rap abeslariaren letrak delitu izan daitezkeen Belgikan, herrialdeko zigor kodearen arabera, eta ezetz ebatzi du. Espainiako Fiskaltzak egun bat zuen helegitea aurkezteko, eta ez du horrelakorik egin.
“Irabazi dugu”
Gonzalo Boye eta Simon Bekaert Valtónycen abokatuek poza adierazi dute garaipenarengatik. Boyek gogorarazi du hainbat aldiz eman dietela Belgikako epaitegiek arrazoia, “nahikoa da jada, ezta?”. Abokatuek azaldu dute orain Europa osoan mugitzeko libre dela rap abeslaria, “salbu Espainiara joan, estatuak behingoz onartu eta beharrezkoa kudeaketak egin arte”.
“Inoiz ez naiz bakarrik sentitu”
2018an heldu zen Belgikara Valtónyc espetxetik ihesi, 24 urte zituela eta 18 urterekin idatziko musika letrengatik. Abeslariak berak adierazpenak egin ditu behin betiko garaipena ezagutu ostean, nabarmen hunkituta. Erbestean eman dituen lau urte luzeen errepasoa egin eta azpimarratu du denbora horretan guztian zehar “inoiz” ez dela “bakarrik sentitu”. Eskerrak eman dizkie bere alboan izan dituen guztiei. Adierazpen askatasunaren alde “ahal izan dudan guztia” egin duela adierazi du, eta “borroka egiteko garaia” dela aldarrikatu.
Beheko txioan ikusi daitezke bere adierazpenak:
‘La gran por d’un exiliat és que t’oblidin i no ha estat així. Gràcies.’ Dediqueu-vos 103 segons i escolteu aquesta primera reacció sentida i profunda de Josep @valtonyc. pic.twitter.com/lxpKpRrKEo
— Francesc de Dalmases i Thió @JuntsXCat (@francescd) May 17, 2022
Belako, Chill Mafia, Eñaut Elorrieta, Fermin Muguruza, Ibil Bedi, J Martina, ØDEI, Olaia Inziarte, Nøgen eta Tatxers daude sinatzaileen artean. 237 musikariren zerrenda argitaratu dute.
Asteazken goizean fiskala eta defentsa elkartu dira eta akordio bat erdietsi dute. Joseba eta Eñaut Alvarez aita-semeak 2023ko San Sebastian bezperan Donostiako Plaza Berrian Etxera zioen oihal handi bat teilatutik alderik alde jartzen saiatu ziren. Bertan poliziekin... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]
Grafitigileak identifikatzea da Gasteizko Udalaren helburua. Horretarako, grafologiaz baliatzen den Orion Analistas enpresa kontratatu du.