Azpeitiko Uztarria hilabetekaria duela 15 urte abiatu zen Uztarria Kultur Koordinakundearen eskutik. Hil honetan 166. zenbakia kaleratuko du. Komunikazio egitasmoaren ibilbidea Mugarria ikus-entzunezkoan jaso dute.
Azaroaren 27an aurkeztuko dute Mugarria lana eta han entzun ahal izango dira 15 urteko bidean komunikazio proiektuan eta kultur produkzioan buru-belarri ibili diren hainbaten ahotsak, hala nola, Laxaro Azkune, Enekoitz Esnaola, Iban Arregi, Josu Azpillaga, Nerea Uranga eta Julene Frantzesenarenak.
Uztarria Komunikazio Taldeak (sorreran Uztarria Kultur Koordinakundea) aldizkariaren 166 zenbaki argitaratzeaz gain 13 liburu, 10 liburuxka biografiko eta disko bat atera ditu. Lan horiek, batik bat, herriko kazetari gazteek egin dituzte. 25 lanen artean batez ere herriko pertsona ezagunak ageri dira, besteak beste: Joxe Takolo, Imanol Elias, Julian Bereziartua, Valentina Agirre, Santi Lazkano, Amaia Garmendia eta Maria Jesus Arregi. 25. produktua Mugarria ikus-entzunezkoa izango da. Ondoko lerroan lanaren aurrerapena:
Bestalde, azaroaren 25ean, aldizkariren 15. urteurrenari lotuta, Kazetaritza gaur egun. Komunikatzeko moduak, tresnak, subjektuak… mahai-ingurua izango da Sanagustin kulturgunean eta ondokoak izango dira hizlariak: Lander Arbelaitz (Argia), Luistxo Fernandez (Codesyntax), Enekoitz Esnaola (Berria) eta Nekane Zinkunegi (Info 7).
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Euskal Herriko tokiko hedabideen sareak jasoko du aurtengo EITB Saria. Tokikometik adierazi dute mundu mailan tokikoak hartzen ari diren lekua aitortzen dutela EITBtik ere eta sektorekoek aitortzea "oso pozgarria" dela.
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]