Uztaritzeko hautetsiek soldataren zati bat euskoaren bidez jasoko dute
Hautetsiek lansariaren zati bat euskoz jasoko duten lehen herria izango da Uztaritze.
Kazeta.eus-ek adierazi duenez, Uztaritze izango da udaleko hautetsien soldataren zati bat euskoaren bitartez ordainduko duen lehen herria. Alkatea, alkateordea eta udaleko delegatu guztiak Euskal Moneta elkartera kidetu dira eta denek eskuratu ahalko dute lansariaren zati bat moneta horren bitartez.
“Ipar Euskal Herrian Europa osoko tokiko moneta indartsuena dugu. Herriko etxeak engaiatzen ahal dira herritarrekin batera baita enpresa eta elkarte munduarekin ere, tokiko enpleguaren alde, ingurumena eta euskararen alde. Egitasmo horren garapenean parte hartzea garrantzitsua iruditzen zaigu”, hala adierazi du Bruno Carrere Uztaritzeko alkateak. Martxoan Uztaritzeko Herriko Etxean euskoak erabiltzea erabaki zuen. Euskoa erabiltzeak tokiko ekonomia laguntzen duela azpimarratu dute. Elkarlanarekin jarraitzeko asmoa ere berretsi dute.
Erabaki hau aurrerapausoa dela nabarmendu dute Uztaritzeko Herriko Etxeak eta Eusko Moneta elkarteak. Uztaritzen lehenagotik erabiltzen zen euskoa, 2017an Landagoien igerilekua izan zen euskoak onartzen lehen zerbitzu publikoa. Dante Edme-Sanjurjo Eusko monetaren zuzendariak positiboki baloratu du pausoa: “Herriko etxeek gure tokiko moneta baliatzen dute urrats konkretuak egiteko eta Uztaritzek erakusten duen borondateak dinamika baikor bat pizten du. Espero dugu gero eta herriko etxe gehiagok bultzatuko dutela heien gastuen parte bat euskoz ordaintzea, proposatuz hautetsiei, langileei, hornitzaileei edo laguntzen dituzten elkarteei euskoa onartzea”.
Euskoa
Euskoa Europako lehen tokiko moneta da. Egun 2,5 milioi eusko daude zirkulazioan. 4.000 erabiltzaile partikular daude. 1.100 profesionalek osatzen dute Eusko sarea eta 27 herriko etxe dira Eusko Monetaren kide.
Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]
Biarritzen egin dute larunbatean Eusko Elkarteen Eguna. Guztira 69.672 euro banatu dituzte tokiko moneta babesten duten elkarteen artean. AEK izan da iaztik gehien hazi den elkartea, 2.531 eusko jasota.
Apirilaren 15ean, larunbatean, Ezpeletan, tokiko monetaren besta herrikoi handia iragan zen: Eusko Eguna. Hiru urtez falta izan ondoan, azkenean, Eusko Eguna berriz antolatu ahal izan genuen. Gainera, aurten, Euskoaren hamargarren urtebetetzea ospatzen ari gara! Horregatik, egun... [+]
Europako tokiko monetarik handiena bilakatu da Euskoa 10 urtetako ibilbidean. "Elkartasuna sustatu eta lurraldea pentsatzeko boterea berreskuratzeko" tresna izatea da Euskal Monetaren asmoa.
Eusko monetaren "% 3ko emaitza" baliabideari esker, orotara 61.281 eusko emanak izan dira 58 elkarte hartzaileri. Tokiko monetaren izaera solidarioa berresten da errekor berri honekin; izan ere, iazko 50.540 euroak aise gainditu dira aurten.
Larunbat honetan iraganen da Miarritzeko Surfrider fundazioan Eusko ekimenak antolatzen duen Elkarteen eguna. Lekuko moneta bat plantan ezartzearen parte bat elkarteei bideratzen die sistemak eta aurten ere, diruaren birbanaketa solidario horri esker, elkarte batzuk sarituak... [+]
Lekuko moneta erabiltzen hastearen alde aho batez bozkatu dute apirilaren 1ean kontseilariek. Lapurdiko hiri horretako 67 elkartek dute Euskoa onartzen eta herriko etxea sarean sartu izana esanguratsua da.
Euskoren “%3ko emaitza” baliabideari esker, 2021ean 50.540 euro eman zaizkie hainbat arlotan –ekologia, kirola, elkartasuna, euskara eta abar– lanean ari diren 61 elkarte hartzaileri. Urriaren 2an Biarritzen bildu ziren elkarteak txekea eskuratzeko eta... [+]
Urriaren 10ean ospatu dute Eusko Elkarteen Eguna Donapaleun. Karia horretara, 38.500 eusko baino gehiago banatu dizkiete 55 elkarte ezberdinei.
Euskal Elkargoko Turismo Bulegoak eta Euskal Moneta elkarteak “Bakantzak euskoz” egitasmoa jarri dute martxan, helburu batekin: oporrak eusko moneta erabiliz igaro ahal izatea.
Euskal Moneta elkarteak Euskopay aurkeztu zuen larunbatean, mugikorrarekin euskoz ordaintzeko aplikazioa. Astelehenean Ipar Euskal Herrian turismo jasangarria sustatzeko kanpaina eman du ezagutzera.
Euskoa Europako lehen tokiko moneta da, milioi bat baino gehiago eusko zirkulazioan direlarik, 2013an abiatu zenetik izandako dinamikari esker. Orain hozka batez gora egitea da xedea, Euskoz ordaintzearen ekintza norma bilakaraziz, zeren, euskoz hobe!
Eusko Eguna ospatu zen iragan igandean Lapurdiko hiriburuan. Antolatzaileen erranetan, eguna euritsua izan arren, mila lagun baino gehiago hurbildu ziren Baionako Elkarteen etxera.
Kripto-txanponak asko ugaritu dira azken urteetan, baina fama txarra hartu dute espekulazioarengatik, burbuila ekonomikoak sortzeagatik eta prezioen gorabehera handiengatik, besteak beste. Baina kripto-moneta guztiak al daude kondenatuta betiko diruarekin jada ezagunak ziren... [+]