Uztailean hasi nahi du Erresuma Batuak migratzaileak Ruandara deportatzen
Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik pasatzeko.
"Gertatzen dena gertatzen dela, plana abian jarriko dugu", esan du asteon Rishi Sunak Erresuma Batuko lehen ministroak. 10-12 asteko epea jarri du Sunakek; uztailean hasiko litzateke, beraz.
Erresuma Batuak 240 milioi libra ordaindu zizkion joan den abenduan Ruandako Gobernuari, eta guztira 370 milioi libra izatea aurreikusten da 2028rako, "legez kanpoko migratzaileak" hara deportatu ahal izateko. Erresuma Batuko Auzitegi Gorenak, baina, atzera bota zuen deportazioaren egitasmoa, besteak beste, seinalatuta migratzaileek ere giza eskubideak dituztela eta posible litzatekeela Ruandan eskubideak urratzea.
Orain, Sunakek besapetik atera du Ruanda "herrialde seguru" izendatzeko araudi berria –Rwanda Safety Bill deiturikoa–, eta uste du, behin hori onartuta, Auzitegi Gorenak ezin dezakeela kontrakorik esan. The Guardian egunkari britainiarrak, dena den, aipatzen du Nazio Batuen Erakundeak eta Europako Kontseiluak ahalmena izan dezaketela deportazio bortitzok geldiarazteko. Orain arte ez dira inora joan, hitzetatik harago.
Kostata, baina astelehen gauean onartu du parlamentu britainiarrak Sunaken lege berria. Ez atzera eta ez aurrera egon da zenbait astez.
"Britainiarrok nazkatuta gaude; segurtasun nazionala lehenetsi behar da"
Prest agertu da lehen ministroa Europako Giza Eskubideen Auzitegiari entzungor egiteko, baita debekua ezarriko balio ere. "Atzerriko auzitegia" delako, kasurik ez zaiola egin behar adierazi du: "Britainiarrok nazkatuta gaude; segurtasun nazionala lehenetsi behar da".
Deportazio plana abian jartzeko prest dagoela jakinarazi du Sunak lehen ministroak. Dagoeneko 500 funtzionario prestatu dituzte hegazkin horietara igoko diren migratzaileei "laguntzeko", aireportu bat ere prestatu omen dute propio horretarako, eta hegaldi komertzialen artean ordu-tarte libreak bilatu ere bai. "Lehen hegaldia 10-12 aste barru abiatuko da, gertatzen dena gertatzen dela".
Rishi Sunak, migratzaileen biloba aberatsa
43 urte ditu Sunakek eta gizon zuria ez den lehen pertsona da kargu horretan. Indiako Punjab eskualdeko migratzaileen biloba da, Afrikako ekialdetik 1960ko hamarkadan Ingalaterrara joandakoak. Winchesterreko ikastetxe pribatu elitistan ikasi zuen eta Filosofia, Politika eta Ekonomian lizentziatu zen Oxfordeko Unibertsitatean.
Lehen ministro izatera iritsi zen 2022ko udazkenean, eta orduko hartan, Sunak eta bere emazte Akshata Murtyren artean 825 milioi euro inguruko dirutza zeukaten, The Guardian-en arabera. Sunday Times hedabideak osatutako zerrendaren arabera, Erresuma Batuko 222. familiarik aberatsena zen orduan.
Berari buruzko informazio gehiago hemen, Axier Lopezen albistean.
Terminoaren jatorria XIX. mendearen hasieran kokatzen da. Garai hartan, liberal ingelesen asmo inperialistek errusiarrekin talka egin zuten, Errusia Asian zabaltzen ari baitzen eta Ingalaterraren kolonizazio nahiak oztopatzen. Beren interesak babesteko, Ingalaterrak errusiarren... [+]
Commonwealth-eko herrialdeen gailurra hasi da ostiral honetan Samoako Estatuan (Ozeania) eta bertan, Karibeko herrialdeak eskatu diote Erresuma Batuari onar dezala bere iragan esklabista, barkamena eska dezala eta kalte-ordainak egin ditzala.
Gurutzegramen zaletuek –eta beste inork gutxik– ezagutu ohi dute Txagos uhartediaren izena. Irla haietan handiena, Diego Garcia, aipatzen bada, gehixeago izango ginateke aditzera dugunak: ospea –ez batere gozoa– lortu du bertan dagoen base militar... [+]
Nottinghameko Unibertsitateak Anglosaxoiei eta Vikingoei buruzko Ikasketak masterrari izena aldatu dio: Ingalaterrako Goi Erdi Aroko Ikasketak. Cambridgeko Unibertsitateko Anglo-Saxon England Journal aldizkariari ere izen aldatu zioten lehenago: Early Medieval England Journal... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Protestak uztailaren 29an Southport-en izandako erailketen ondorioz piztu ziren, hilketa leporatu dioten gazteaz informazio faltsua zabaldu ondoren. Erresuma Batuko lehen ministro Keir Starmer-ek “krimen antolatua” izan dela salatu du, eta atxilotutakoek... [+]
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Alderdi Laboristak bete ditu aurreikuspenak eta sekulako garaipena lortu du Erresuma Batuko hauteskundeetan. Keir Starmer alderdiko buruzagia izango da lehen ministro berria. Eskozian SNPk porrot handia jaso du, Sinn Feinek boto emaitzak hobetu ditu eta Galesko independentismoak... [+]
Hauteskunde orokorrak dira Erresuma Batuan. Laboristen hautagai Keir Starmerrek ditu lehen ministro bilakatzeko aukera gehien. 14 urteren ostean gobernura itzul daiteke laborismoa. Herrialdeak bizi dituen askotariko ondoezen erantzulea hondoratuta ageri da inkestetan, Rishi... [+]
1415eko udazkenean Agrincourteko gudua lehertu zen Ingalaterra eta Frantziaren artean, Ehun Urteko Gerraren gudu erabakiorrenetakoa. Horretarako, Henrike V.a Ingalaterrako errege eta Irlandako jaunak uda horretan bere ejertzitoa Frantziara bidaltzea erabaki zuenean, soldaduak... [+]
Espioitzarako 200 hegaldi egin dituzte EBko hegazkin militarrek urritik, eta inteligentzia datuak eman dizkiete sionistei. Britainiarren inteligentzia jaso eta analizatzeko taldeak Israelen izan dira “gerra” hasi zenetik. Urriaren 7tik sionistei armak esportatzeko... [+]
York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]
Hastings (Ingalaterra), 1066. Gilen I.a Normandiako dukearen gudarosteak Harold II.a erregearen tropak mendean hartu zituen, eta tronua eskuratu zuen. Gilen I.a Konkistatzailea 1087 urtera bitartean izan zen errege.
Normandiarren konkistaren ondorengo erregealdi horretan,... [+]
Ghana, 1823. Ashanti Inperioaren eta britainiarren arteko lehen gerra hasi zen. Guztira lau gerra izan ziren bien artean, eta gatazka 1901 arte luzatu zen. Lehenago, europarrek herrialdeko Urrezko Kosta kontrolatzen zuten. Baina 1807ko esklabotzaren abolizioaren ondorioz,... [+]