Usurbili ere debekatu egin diote atez ate bildutako organikoaren parte bat baserritarrekin konpostatzea
Usurbilgo udalak atez ate biltzen duen hondakin organikoaren parte bat –100 tona urtean– herriko bi baserritarrekin elkarlanean konpostatzen hasteko proiektua zeukan abian, Espainiako goberenuaren diru-laguntza ere lortuta. GHK kontsortzioak debekatu dio horrelakorik egitea, bildutako hondakin guztiak bere eskumenekoak direla eta.
Hernani ez da bere hondakin organikoak konpostatzeko planta txiki bat herrian eraikitzea debekatu dioten bakarra. Erraustegia muturren aurrean eraiki dioten Usurbilgo herriari ere iritsi zaio debekua. Hernanikoaren aldean –2.000 tona urtean– txikia da Usurbilgo proiektua, urtean 100 tona organiko (denetara atez ate biltzen dituen 850 tonetatik, 150 tona gehiago auto- eta auzo-konpostean birziklatzen dituzte usurbildarrek). Usurbil 0.0 programaren osagai inportante bat da bio-hondakinak udalerrian bertan konpostatu ahal izatea, herriak Ekonomia Zirkularrean aurrera egiteko planean ezarri duen ildo estrategikoan.
ARGIAk jakin duenez, Madrilgo gobernuak diru-laguntzaz hornitutako proiektu hau Usurbilgo udalak Donostialdeko nekazaritza sustatzen duen Behemendi elkartearekin elkarlanean osatu du. Herriko bi baserritar jarri nahi dira etxeetako hondakin organikoak nekazaritzako beste hondakinekin nahastuta konpostatzeko lanean eta hori ahalbideratzeko erosketa eta lanak aurreratuta daude, tartean konpost pila iraultzeko makina berezia eta operazio osoa egingo den lurzoruaren prestaketa. Orain GHKk emandako ezezkoarekin asmo guztia geratu da airean.
Administrazioek etxeetako hondakin organikoak nekazariekin elkarlanean kudeatzeko hautua ezaguna da munduko hainbat lekutan, Austrian esaterako. Kudeaketa eredu horrekin helburu bat baino gehiago lortzen da: alde batetik, udalerriek lekuan bertan lortzen dute beren hondakinen atal handi bat (zabor deituen %40-50 txerri-janek osatzen dute) hurbileko egitura txiki eta merkeetan birziklatzea lortzen dute; bestetik, aspaldian kinka larrian diren baserritarrei beren soldata segurtatzeko bigarren diru-iturri segurua eskaintzen zaie.
Usurbil eta Hernaniren kasuan, gainera, bada beste motibo praktiko bat gehiago. Udalok atez ateko sisteman purutasun handiz biltzen duten bio-hondakina primerakoa da maila goreneko konposta egiteko, baina GHKri entregaturik horiek nahasten dira beste sistema batzuekin askoz zikinago bildutako beste organikoekin. Horrela, alde batetik zikinagoak bezala garbienak denak tarifa berean pagatuz Atez Ateko bilketan ari direnak kaltetuta ateratzen dira diruz; eta bestetik, kuidado handiz bildutako organikoa konpost txukun eta salgarria ekoizteko katea eteten da.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]