Ustez 1936ko gerrako gudari eta milizianoak ziren 51 pertsonaren gorpuzkiak aurkitu dituzte Amorebieta-Etxanoko Hilerrian
Hilerrian egiten ari ziren lan batzuen ondorioz azaldu dira gorpuzkiak. Gogora Institutuak dei egin die ingurune horretan 1936ko gerran desagertutako senideak dituzten herritarrei harremanetan jartzera, identifikazio prozesuak abian jartzeko.
51 pertsonaren gorpuzkiak aurkitu dituzte Amorebieta-Etxanoko Hilerrian astelehenean. Zantzuen arabera, 1936ko gerran Amorebieta-Etxano inguruko gerra-fronteetatik edo herriko Odol Ospitaletik zuzenean eraman zituzten gudari eta milizianoenak izan daitezke gorpuzkiak. Hilerrian egiten ari diren lanen ondorioz aurkitu dituzte, eremu jakin batean. Gerran hildako pertsonak lurperatu zituzten bertan, erregistro historikoen arabera.
Gogora Memoriaren, Bizikidetzaren eta Giza Eskubideen Institutuak dei egiten die 1936ko gerran inguru horretan desagertutakoen familiei harremanetan jar daitezen gogora@euskadi.eus posta elektronikoaren bidez edo 944032845 telefono-zenbakira deituta. Kontaktu hori funtsezkoa da gorpuzkien identifikazio-prozesua hasteko.
Gerra Zibileko Desagertuen Bilaketa programan elkarlanean ari dira Gogora, Aranzadi Zientzia Elkartea eta Amorebieta-Etxanoko Udala. Gorpuzkien identifikazio lanak EHUko Biomics laborategian egingo dituzte. Teknika forentseak eta zientifikoak aplikatuko dituzte garai historiko hartan hildakoak zehatz-mehatz identifikatzeko.
Elkarte memorialistek kritikatu egin dute Iruñeko Udalak Erorien Monumentua eraisteari uko egiteko hartutako erabakia. Memoria Demokratikoaren Legea “oker interpretatzea” egotzi diote Joseba Asiron alkateari, eta mobilizazio batera deitu dute urtarrilaren... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.