Alonsotegiko udaleko ustelkeria agerian utzi dute ikertuen deklarazioek
José Luis Erezuma alkate ohiari (EAJ) eta ikertuak izaten ari diren beste hiru pertsonari deklarazioa hartu zien asteazkenean epaileak Barakaldoko epaitegian. Alkate ohiak onartu du 2012an ustez euriteek sortutako kalteen ondorioz agindutako lanak egiazki ez zirela egin. Udalak 600.000 euro ordaindu zizkion Laneder enpresari lan horiengatik.
Asteazkenean ikertu bezala deklaratu zuten lau pertsonak: 2011-2015 legegintzaldian Alonsotegiko alkate izan zen Jose Luis Erezuma, Juan Torrontegi aparejadorea, Marta Novo udal arkitektoa, eta Alberto Zulueta arkitektoa. 2012an Bizkaiko Aldundiak diru-laguntzak eman zizkion udalari eurite batzuen kalteei aurre egiteko, eta obra horiek egin ziren edo ez ikertzen ari da Barakaldoko laugarren Instrukzio Epaitegia. Naiz-ek jaso duenez, deklarazioek argi utzi zuten obrak ordaindu bai, baina ez zirela egin.
Alkatearen kontakizuna
Erezumak udalak Laneder eraikuntza enpresarekin zuen zorrarekin eta enpresaren arazo ekonomikoekin lotu zuen gertatutakoa. Laneder enpresa enbargatua izateko zorian zegoela adierazi zuen, tartean udalak zor zizkion 1,6 milioi euroen ondorioz. Zor horien zati bat kitatzeko Aldundiak “ezustekoetarako” duen partida berezia erabiltzea erabaki zuten. Udalak eurite batzuek ustez sortutako kalteei aurre egiteko hiru laguntza eskatu zituen: udaletxeko sotoetako uholdearen konponketa lanetarako 228.969,15 euro; osasun etxean eta Elkartegi elkartean euspen hormak eraikitzeko 272.973,01 eta 116.172,86 euro. Orotara, 618.115,02 euro. Aldundiak eskaera onartu zuen.
Alkate ohiaren arabera, udalak 600.000 euro aurreratu zizkion Laneder enpresari, eta espero zuen Lanederrek obra horiek gerora egingo. Edonola ere, lan horiek egin zirela ziurtatzen zuten hainbat txosten eta egiaztagiri erredaktatu ziren.
Dokumentu faltsuak
Alkate ohiaz gain beste hiru pertsona zeuden deituta Barakaldoko epaitegian deklaratzera ikertu bezala. Juan Torrontegi aparejadoreak onartu zuen berak ez zuela obrarik zuzendu, baina lan horrengatik faktura egin eta 12.985,61 euro kobratu zituen. Marta Novo udal arkitektoak adierazi zuen euspen hormen egoera ona ziurtatzen zuen txostena osatzeko agindu ziotela. Txostena egin zuen, baina ez zituen lanak ikusi ere egin. Novoren txostena Alberto Zulueta arkitektoak osatutako txosten teknikoan oinarritzen zen. Zulueta da deklaratzera deitua zegoen laugarren pertsona, eta bera izan da deklaraziorik ez egiteko eskubidea erabili duen bakarra. Bere enpresak 51.942,44 euro kobratu zituen egin ez ziren obra horien ordainez.
Alonsotegiko hiru alkate ohi epaitegietan
Gertaera horiengatik Bizkaiko Fiskaltzak iruzurra, diru publikoaren erabilera bidegabea, prebarikazioa eta dokumentu ofizialen faltsutzea leporatzen dizkie Alonsotegiko alkate ohiari eta beste bost pertsonari. Ez da kasu bakarra. 2018ko uztailean Barakaldoko epaitegiak Alonsotegiko beste bi alkate ohi –Gabino Martinez de Arenaza eta Aitor Santiesteban, biak EAJkoak– eta beste sei pertsona auzipetu zituen, EH Bilduk 2014an egindako salaketa baten ondorioz. Diru publikoaren erabilera bidegabea, iruzur egitea eta kargua beren intereserako erabiltzea egozten die epaitegiak.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
“Interes aurkakotasuna” leporatua zaiola astelehenean ireki da Frantziako Justizia ministroaren aurkako auzia Parisen. Bi astez iraun beharko luke epaiketak.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Laguntza publikoak eta afiliatuen kuotak gordetzen zituen kontu korronte batetik lapurtu zuten dirua goi-kargudunek. 2019 eta 2021 artean, 114.175 euro banatu zituztela uste da.
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera... [+]
Bernardo Arevaloren alderdiak hauteskundeak irabazi ondoren Hauteskunde Auzitegi Gorenak behin-behinean legez kanpo utzi du, 2017an ustez sinadura faltsuak biltzeagatik.
Bernardo Arévalo de Leónen alderdiak botoen %58 lortu du, eta Sandra Torres eskuindarra gainditu du. Jazarpen politikoaren gainetik lortu dute irabaztea progresistek.
Larramendiko Arnasa plataforma ekologistak salatu zuen Amaia Barredo jeltzalea, hondakinak errausteko proiektu bat Bergarako Udalaren irizpidearen aurka baimentzeagatik.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Solway Investment Group batez ere nikela esplotatzen duen eta Suitzan egoitza duen meatzaritza multinazional pribatua da, munduko garrantzitsuenetakoa sektorean. Webgunean adierazten duenez, Guatemalan, Ukrainan, Mazedonian eta Indonesian ditu proiektuak, eta 2021ean 1.450... [+]