Usopop Festibala maiatzaren 26an eta 27an eginen dute Saran
Lagunarteko ekimen bat izateko asmoz sortu zen jaialdia, dagoeneko maiatzeko azken asteburuko hitzordu finkoa bilakatu da. Hala, aurten bederatzigarren aldiz, maiatzaren 26an eta 27an Usopop Festibala eginen da.
Bi zifrako adinera pasatzeko bezperan, aurtengo festibalak aldaketa ttipi batzuk izanen ditu, eta bederatzi urteotan garrantzi berezia ukan duten bi lekutan iraganen da Usopop: Lizarietako lepoan eta Santa Katalina kaperan.
Larunbatean Lizarietan
Festibaleko lehendabiziko eguna Lizarietako lepoan izanen da, larunbatean, maiatzak 26. 16:30ean irekiko dituzte ateak eta hainbat talde ariko dira taula gainean: Frustration talde kultoa, Willis Drummond rock taldea rock indartsua, DBFC ren erritmo dantzagarriak, Lumi bikotearen doinu onirikoak, FranÁois eta 4 laminen magia, Bilaka konpaniaren Soka azken dantza ikusgarria eta Coconut diska jartzaileak.
Igandean Santa Katalinan
Igandeko emanaldiak 14:30ean hasiko dira eta Santa Katalina kaperan iraganen dira. Coconut DJaz gain, Gratuit taldea ere ariko da, baita Orbel laukote gaztea ere. Kataluniatik Maria Arnal i Marcel Bages artistak ere etorriko dira.
Antolatzaileen arabera, bi egunetarako balio duten sartzeak agortu dira, baina egunka balio dutenak oraindik eskuragarri dira. www.usopop.com webgunean eros daitezke.
Albiste hau Erranek argitaratu du eta Creative Commons lizentziari esker ekarri dugu.
Larhun gailurrean, etxean, hartu dituzte Itziar, Dani eta Xanek hamaika musikari. Helburu argi batekin elkartu ziren bakarlari eta talde diferenteetako kideak: urriaren 30ean emanaldi bateratu bat eskainiko zuten Sarako Lur Berri aretoan, Mapa Galduak festibalari itxiera emanen... [+]
Anari, Asile Club, Efrim Manuel Menuck, Joseba Irazoki eta Lagunak, Lisabö, Lysistrata, Lankum, Madeleine eta This is the Kit musikariek hartuko dute parten jaialdian.
Datorren urtean beteko ditu hamar urte Usopop jaialdiak. Lagun artean sortu zuten, kalitatezko musika eta tratu humanoa erdigunean jarriz. Urtero saiatu dira gauza berriak probatzen, tokiekin esperimentatzen, baina tamainari eutsiz. Txikia da Usopop eta txiki nahi dutela diote... [+]
Usopop Festibalaren kronika. Maiatzaren 27an, Saran. Taldeak: Totorro, Laish, Bigott, Petit Fantôme, Paxkal Irigoyen & Kontsumo Orkestra, Howdy SS.
Hemen da Usopop festibalaren zazpigarren edizioa. Larunbat honetan (maiatzak 28) eginen da Saran, Lizarrieta mendian.
Usopop festibala. Non: Sara (Lizarrieta). Noiz: maiatzak 30. Sarrera: 10 euro. Informazio gehiago: usopop.com
Maiatzaren 30ean da hitzordua, Sarako Lizarrietan. Usopop festibalaren 6. edizioan zein musikari ariko diren aurreratu dute aste honetan.
Barbarossa talde britainairrak eta Mursegok fededun eta fedegabe andana bildu zuten igandean Sarako Santa Katalina kaperan, musika berrien eta ama lurraren izenean, amen.
Gauza polita antolatzen ari dira Saran duela zenbait urtetik: laugarren edizioa zuen Usopop jaialdiak joan den larunbatean. Jarraian han entzundako kontzertuen kronika.
Usopop, Sarako (Lapurdi) Lizarreta mendatean musika berriak eta amalurra uztartzen dituen jaialdia ospatuko da datorren larunbatean. Hirugarren edizio honetan, Ruper Ordorika oñatiarra zuzenean ikusteko aukera izango da, ingurune berezian. Berarekin batera, Rover... [+]
