Usansoloren desanexioa onartu daiteke Bizkaiko Batzar Nagusien hurrengo bileran
Larunbatean, desanexioaren aldeko aldarria berriz atera dute kalera Usansolon, eta urriaren 15erako mobilizazioa deitu dute. Bizkaiko Batzar Nagusietan beren borondatea bete dadila, hori lortu nahi dute ekimenokin. Izan ere, Bizkaiko Batzar Nagusien hurrengo bileran bozkatuko dute Usansoloren desanexioaren gainean. Galdakaotik bereiztea adostuz gero, Usansolo Bizkaiko 113. udalerria bilakatuko litzateke.
Jaia eta aldarrikapena eskutik doaz Usansolon, udalerri bilakatzeko borrokak bere horretan dirauen arren, herriaren eskakizuna betetzetik gertu baitago. Azken 40 urteetako aldarria beste behin kalera ateraz, Usansolo udalerria zioen mosaikoa osatu zuten larunbatean Unkina plazan, aterkiak baliatuz; horrez gainera, desanexio prozesuaren inguruko erakusketa ere jarri zuten ikusgai. Abuztuaren 15ean jarri dute hurrengo hitzordua: mobilizazioa egingo dute Unkina plazatik abiatuta, 12:00etan, ostean indaba janari eta erromeriari tokia eginez.
Beren erabakia errespetatu dadila eta Bizkaiko Batzar Nagusiek Usansolo udalerri bilakatzearen alde bozkatu dezatela, horixe da ekimenokin bultzatu nahi dutena. Izan ere, lau hamarkadako ibilbidea eta gero, lortu dute Usansoloren desanexioaren gaineko bozketa Bizkaiko Batzar Nagusietara eramatea. Oraindik datarik ez duen arren, Bizkaiko Batzar Nagusiek egingo duten hurrengo bileran emango dute auziaren gaineko bozka alderdiek. UH Usansolo Herria plataformaren irudiko, ez dirudi desanexioaren aurka bozkatuko duen alderdirik dagoenik. Nolanahi ere, bilera orduko alderdi guztiekin biltzea da beren asmoa; EH Bildu eta Podemosekin batu dira dagoeneko, eta datozen egunetan bilduko dira EAJ, PSE-EE eta PPrekin.
Martxoaren 27an egindako herri galdeketan, hirugarrenez adierazi dute usansolotarrek Galdakaotik bereizi eta udalerri bilakatzeko nahia. Bai 1987an zein 2014an eginak zituzten beste bi herri galdeketa, baina erakundeek ez zieten zilegitasunik aitortu. Azken galdeketa Galdakaoko Udalak antolatu du ordea, eta hortaz, ofiziala da.
3.771 pertsona zeuden bozka ematera deituta azken galdeketan, eta %63,12ak parte-hartu zuen. Horietatik, %81,54a Usansolo Galdakaotik bereizi eta udalerri bilakatzearen alde agertu zen. Emaitza horiek eskutan, Galdakaoko Udalak memoria igorri zion Bizkaiko Foru Aldundiari, loteslea ez den txosten juridikoa osatzeko. Orain, Bizkaiko Batzar Nagusiek dute auziaren gaineko azken hitza. Desanexioaren aldeko bozka nagusituz gero, Usansolo Bizkaiko 113. udalerria izango litzateke.
Lurralde Politikako Ministerioak ukatu egin du eskaera, ez duela gutxieneko biztanle kopurua (5.000) argudiatuta. Kudeaketa batzordeak, Galdakaoko Udalak eta Bizkaiko Aldundiak erabakiaren kontrako errekurtsoa jarriko dute.
Usansolotarrek 30 urte daramatzate herri izateko lanean, eta orain bide horren azken txanpan daude. Espainiako Legedian, aldiz, oztopoak egon daitezke eta horiek gainditzeko, asteazken honetan EAJk, EH Bilduk eta Ahal Duguk proposamen bateratua aurkeztu dute Madrilen.
Igandean herri-galdeketa egin dute, eta Usansoloren desanexioaren aldeko postura nagusitu da. Bozka eman dutenen %81,54 Usansolo Galdakaotik bereizi eta udalerri bilakatzearen alde agertu da.
Usansolon erroldatuta dauden 16 urtetik gorako 3.647 lagun zeuden deituak Galdakaoko Udalak antolatutako galdeketara, eta haietatik 2.302k (%63,12) eman dute bere iritzia. Herri independente gisa eratzearen alde agertu dira %81,54.
Bizkaiko 113. herria izan nahi du Usansolok, hala erabaki zuten 2014. urtean egindako kontsultan eta 2017an egin zuten sinadura bilketan. Deskonexiorako bide orria adostu zuten alderdi eta instituzioekin, orain ordea EAJk prozesua blokeatu izana salatu du UHk.
Usansolo Herria (UH) taldeak prentsaurrekoa eman du, Usansolo Galdakaotik bereizteko 2016an martxan jarritako prozedura Galdakaoko EAJren eta batik bat Ibon Uribe alkatearen jarreragatik geldotzen ari dela salatzeko. Usansoloren mugak zeintzuk diren berresteko bertoko... [+]
Usansolo Herria (UH) elkarteak agerraldia egin du Galdakaoko Udaletxearen aurrean. Usansoloren desanexio prozesuan Galdakaoko alkateak izandako jarrera salatu du bertan, hala nola Batzorde Parekidearen eraketa.
Usansoloko desanexio prozesuaren barnean, Galdakaoko alkateak ohiz kanpoko Bozeramaile Batzordea antolatu duela salatu du Usansolo Herria (UH) elkarteak. Aukeraketa hori modu pribatuan egin izana leporatu dio.
Bizkaiko Foru Aldundiak men egin dio Batzar Nagusiek otsailaren 3an onartutakoari, eta 2012tik indarrean dagoen foru araua aldatzea onartu du. Arau horrek Bizkaian udal gehiago sortzea debekatzen du.
Udal berrien sorrera debekatzen duen araua aldatzeko proposamen bat egin dezan eskatuko diote Bizkaiko Batzar Nagusiek Aldundiari, EH Bilduren mozio bat onartu ondoren. Hala, apur bat hurbilago du Usansolok Galdakaotik bereizteko aukera.
Udalbatzak PSE-EEren mozioa onartu du. Sozialistek ez eze, Usansolo Herria, Bildu eta Galdakao Bizirik taldeek alde bozkatu dute. PPk ezezkoa eman du eta EAJ abstenitu egin da.
3.000 herritarrek zuten boto eskubidea Usansolo udalerri bihurtzeari buruzko galdeketan eta %73k bozkatu dute, horietatik %90ek desanexioaren alde. Galdeketa Usansolo Herria plataformak antolatu du eta ez du balio juridikorik.
Azaroaren 23an erreferendumera deituta daude Usansoloko herritarrak. Oraingoz Galdakaoko auzoa dena udal bihurtzea gura duten esan beharko dute. Emaitza ez da juridikoki loteslea izango, baina bai politikoki esanguratsua. 2012tik udal berrien sorrera galarazten duen araua... [+]
