Urtebetea egin du Juan Guaidoren fikziozko gobernuak
2019ko urtarrilaren 22an inork gutxi zekien Juan Guaidó Venezuelako opositore eskuindarra nor zen. Urtarrilaren 23an ordea, mundu osoko hedabideetan agertu zen. Bere burua presidente izendatu zuen AEBek babestuta. Urtebeteren ostean, ez du estatu-botererik lortu.
Caracaseko auzo aberats batean egin zuen presidente izateko zina 2019ko urtarrilaren 23an. Horren ostean, geopolitikaren esparruan gutxitan ikusi gabeko abiadan, mundu osoko botere faktikoak kokatzen hasi ziren arrapaladan: gobernuak, multinazionalak eta hedabideak. AEBetako Gobernuak Guaidóri segituan adierazitako babesak ireki zion atea fikzioa errealitate bihurtzeko aukerari. Asmoa argia zen: nazioarteko presioaren bitartez, Venezuelako herritarren artean zalantzak sortu eta Venezuelako armada zatiarazi.
Urtebeteko perspektibatik ikusita, autoizendatutako gobernu paraleloaren amarruak huts egin du. Ordutik hona, armen bitartez egindako saiakera bortitz bat tarteko, Guaidok ez du lortu Venezuelako Estatuaren aparatu bakar baten gaineko kontrolik, ezta lurralde zatiren batean ere. Nazioartean bai, ordea, multinazionalen menpeko hedabideen gehiengoaren azaletan polito agertu izan da sarri giza eskubideen defendatzaile, demokraziaren aldeko ekintzaile ala laguntza humanitarioa lortzeko kontzertu antolatzaile gisara.
Washingtonetik sortutako artefaktu politiko honek 2019ko erdialdean hartu zuen beheranzko joera. Helburua boterea azkar lortzea zen, denborak haien kontra jokatzen zuen, eta hilabeteekin batera, sutu nahi zuten giroa epeltzen joan da. Presentzia mediatikoa txikitu, herritarrak mobilizatzeko gaitasuna kaltetu eta indar opositoreen arteko batasun ahula pitzatzen hasi da.
Halere, fikziozko filma ez da amaitu. Igandean nazioarteko tour bati ekin zion gobernu eskuindarren eskutik. Aurrena Kolonbiako Ivan Duquerekin izan zen, ondoren Erresuma Batuko Boris Johnsonekin eta azkenik Bruselan, nazioarteko kanpo aferetarako ordezkari Josep Borrellek eman zion ostatu. Tartean agertu da Angela Merkel, Ivanka Trump, Tony Blair edo gurean haren defendatzaile sutsuena izan duen EAJko europarlamentari Izazkun Bilbao bezalako politikariekin ere.
Showak kosta ahala kosta jarraitu behar du. Filmaren amaiera oraindik ez dugu ikusi.
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Espainiako Gobernuak gezurtatu egin du Espainiako Inteligentzia Zerbitzuekin zerikusirik zutenik. Venezuelaren eta Kolonbiaren arteko mugan atxiki zituzten, baita atzerritar gehiago ere. Haien familiek esan dute turismoa egiten ari zirela.
PP, Vox, EAJ, UPN eta Coalición Canariako ordezkarien 177 aldeko botorekin onartu du ebazpena Espainiako Kongresuak, gobernuari eskatzen diona oposizioko buru Edmundo González presidente gisa onartu dezala. EAJk gobernua sustengatzen duen gehiengoarekin apurtu du... [+]
Igandean heldu da Edmundo González Urrutia Madrilera, Espainiako Armadako hegazkin batean. Venezuelako Gobernuak adierazi du gertatua “bi gobernuen arteko akordioaren” ondorioa dela. Espainiako Gobernuak azpimarratu du Gonzálezek egin duela asilo... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Maduroren hautagaitzak botoen %51,2 eskuratu du, eta %44,2 oposizioko hautagai nagusi Edmundo Gonzálezek, Venezuelako Hauteskunde Kontseilu Nazionalak emandako datuen arabera. Oposizioak iruzurra salatu du, eta chavismoak emaitzak errespetatzera deitu du. Madurok jarraian... [+]
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]