Euskal preso guztien auzia "behin betiko konpontzeko" aldarria entzunaraziko dute Baionatik, Errobi bazterrean egindako giza katearen bidez. Justizia trantsizionalaren beharra azpimarratu du Bake Bidea-k goiz honetan egin prentsaurrekoan.
"Tunelaren bukaeran argi bat badela sinetsi nahi dugu. 'Argi dugu' argi bat bada tunelaren bukaeran!" horra Bake Bidea-k luzaturiko mezua, prentsaurreko bidez. Euskal presoen askatasuna exijitzeko, urtarrilaren 9an Baionako Errobi bazterrean osatuko duten jende-kate argitsuaren berri eman dute abenduaren 9 honetan. Argitsua eta "argi dugu, orain presoak" lemapean, Frantziako Justiziak Frederic Xistor Harambouren etxeratzea onartu izanak sortu "itxaropen-izpiaren" isla gisa.
"Frederic Xistor Harambouren erabakiaren jarraipenean –kartzelatik atera zen azaroaren 24ean, 30 urtez preso egonik–, Jakes Esnal eta Ion Parot, biziki eri diren presoak, preso zaharrak eta, gainerateko guztiak hor dira. Zenbat eta denbora gehiago eman, orduan eta bateraezinagoa da presondegiaren nozioa bera bakerako bidearekin. Baldintzapeko askatasunekin eta asmatu beharreko beste mekanismo batzuekin, lehenbailehen, presoen auzia behin betiko konpontzera jo beharko da". Beste behin aldarrikapen hau entzunaraziko dute mobilizazio horren bidez.
Justizia trantsizionalaren beharra azpimarratu dute prentsaurrekoan, bake prozesua aurrera eramateko baitezpadako baldintza gisa kokatuz: "Euskal Herrian etorkizuna eraikitzeko, gure historia kontutan hartu behar da. Ez dugu gure iragana ahazten, baina ez dugu hura berriro bizitzera kondenatu nahi. Hurbildu eta elkar hurbilduko gaituen ikuspegi bat izan behar dugu: justizia trantsizionalarena".
Zentzu horretara, Frederic Xistor Harambouren etxeratzeak Frantziako Justiziaren begiradaren aldaketaren berme izatea espero dute. Hain zuzen, "itxaropen-izpitzat" dauka Bake Bidea-k Haramboururen baldintzapeko etxeratzea: "Argi hauskorra, baina etorkizun handikoa egin nahi duguna".
Gutienez 2.000 laguneko jende-katea dute helburu urtarrilaren 9rako eta antolaketarako aitzinetik izena ematea galdetzen dute.
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.