Urriaren 7ko gertakariak ikertzeari uko egin dio Israelgo parlamentuak
Oposizioko taldeek proposatutako ikerketa batzorde ofiziala ez da aurrera atera, boz gutxiren aldearekin. Arrazoi ugari daude gobernuko kideek gertaerak ikertu nahi ez izateko.
Knessetak, Israelgo parlamentuak, urriaren 7ko gertakariak ikertzeko batzorde ofiziala eratzearen aurka bozkatu du asteazken honetan. Benny Gantz Gerra kabineteko kide ohiaren alderdiak oposiziotik egin du proposamena eta Netanyahu eta bere aliatuek bota dute atzera egitasmoa, bi bozeko aldearekin soilik, Middle East Monitor hedabideak jaso duenez. Agintari sionista ugariren artean zalaparta sortu da, eta lehen ministroari “akatsak ezkutatu” nahi izatea leporatu diote.
Ez da lehen aldia Netanyahuk urriaren 7ari buruzko ikerketak oztopatzen dituena, lehenago ere uko egin baitio batzorde independente zein ofizialak eratzeari. Gantz eta Yair Lapid oposizioko kideek lehen ministroaren aurka egin dute, esanez “Israelen historiako ezbehar handienaren erantzule” dela. Palestinaren okupazioaren alde daude aipatutako agintari guztiak, sionistek jasandako ezbeharrez ari dira, noski. Netanyahuk, ikerketa debekatzeko, argudiatu du “lehenik Hamas suntsitu" behar dela.
Ikertu nahi ez izateko arrazoiak
Hainbat arrazoi daude Netanyahu eta enparauei komeni ez izateko urriaren 7koak ikertzea. Israelgo eragile ugarik lehen ministroa jotzen dute erresistentzia palestinarraren ekintzan egondako “segurtasun akatsen” erantzule. Bestalde, publiko egin da Israelgo armadak “Anibal direktiba” martxan jarri zuela, sionistei soldadu eta zibil israeldarren aurka tiro egitea baimentzen dien araua. Israeldarrak bahitu ditzaten saihestea du helburu direktiba militar honek, eta ofizialki indargabetua egon da azken ia hamar urteetan. Baina hainbat hedabidek jakin ahal izan dute urriaren 7an aplikatu zela, eta egiaztatu da zibil eta militarren heriotzak eragin zituztela, kopuru osoa jakitea zaila bada ere.
Gainera, Israelgo inteligentzia zerbitzuek bazuten erresistentzia palestinarraren asmoen berri, eta gertatu baino hiru aste lehenago txosten bat banatu zitzaien inteligentziako agintariei, “zehaztasun handiz” azalduz Hamas eta beste talde palestinar batzuek asmoa zutela “Israelen sartu” eta 250 pertsona inguru bahitzeko. Ondorenera gertatutakoa Israelgo segurtasun indarren akatsa izan, edo ezkutuko interesen araberako kalkulua, gobernuak ez du nahi urriaren 7koa ikertu dadin.
Israelgo armadaren barne ikerketa xumea
Armada sionistak barne mailako ikerketa partzial bat argitaratu du, ondorioztatu duena armadak ez zuela lortu Israelgo herritarrak babestea, kibbutz batean bereziki. Bertako segurtasun taldeko kide batek Netanyahurekin hitz egitea lortu zuen, goizean bertan, erasopean zeudela jakinarazteko. Lehen ministroak “kudeatuko zutela” erantzun omen zion, eta ordu batzuk beranduagora arte ez zen armada bertara heldu. Borrokalari palestinarrek 32 pertsona bahitu zituzten kibbutz hartan, eta ehundik gora hil ziren, izan milizien eraginez, edo Israelen Anibal direktibaren ondorioz.
Zibilentzat antolatutako txangoak igande honetatik aurrera egin ahal izango dira, printzipioz astebetez, eta egunero bi ateraldi antolatu dira. Sarrerak berehala agortu dira.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
Okzitaniako Tolosako elkartea da aipatu kolektiboa eta Frantziako Gobernuak dekretuz desegin zuen 2022an. Orain Estatu Kontseilua gobernuaren erabakia egokia dela berretsi du.
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]