Urriaren 6an grebari ekingo diote Gipuzkoako zahar-egoitzetako langileek
Pandemiak erantzukizunez jokatzea eskatzen ziela ondorioztaturik, martxoaren 13an bertan behera utzi zuten greba Gipuzkoako zahar-egoitzetako langileek. Ordutik beren egoerak okerrera egin duenez, berriz ere grebari ekitea erabaki dute, urriaren 6an.
ELAk jakitera eman duenez, urriaren 6tik aurrera Gipuzkoako egoitzetako langileak berriz ekingo diote grebari. Orain bi urte hasitako borrokari berriz ekin beharra ikusi dute sektoreko beharginek, egun pandemia aurretik zituztenak baino lan baldintza okerragoak baitituzte. “Orduan [pandemia aurreko garaian] erdi esklabotzako lan-baldintzez hitz egiten bagenuen, gaur egun sektoreko langileok pairatzen duguna ankerra da”, jakinarazi dute. Hala bada, grebari ekitea erabaki dute, langileen lan baldintzak eta erabiltzaileei eskaintzen zaien zerbitzua hobetuko lituzkeen hitzarmen kolektiboa lortzea helburu.
Gogorarazi dute pandemiak gogor kolpatu dituela zahar-egoitzak, egoiliar kopuru altua hil baita eta hainbat langile kutsatu baitira. Bizipen horrek “fisikoki, psikologikoki eta emozionalki lehertuta” utzi dituela adierazi dute, eta gehitu egoera horretan “albo batera utzi” dituztela Gipuzkoako Foru Aldundiak eta egoitzen atzean dauden enpresek. Ildo horretan, seinalatu dute “enpresen eta Foru Aldundiaren mespretxua eta kudeaketa negargarria”.
Egoera hori izanik, borroka berrartzearen aldeko hautua egin dute. Pandemiak erantzukizunez jokatzea eskatzen ziela ondorioztaturik, egoitzetako langileek martxoaren 13an utzi zuten bertan behera greba. Azken hilabeteetako bizipenaren ondoren espero zuten lan-baldintzak eta zerbitzuaren kalitatea gehiago ez okertzea, baina errealitatean beren egoerak okerrera egin duenez, 243 egunen ostean gelditu zuten greba berriz martxan jartzea erabaki dute.
Azpimarratu dute zaintza publikoko sistema baten alde egin beharra dagoela, eta ez “Aldundiaren enpresa lagunak aberasten dituen baten alde”.
Zahar etxeeetako langileak Zinemaldiaren alfonbra gorrian sartzen saiatu dira (irailak 25), baina Poliziak geldiarazi egin ditu.
Gipuzkoako egoitzetako langileek hiru urte daramatzate greba egunak egiten. Ekainaren 14koa 250garrena izango da. Langileen lan baldintzak eta erabiltzaileei eskaintzen zaien zerbitzua hobetuko lituzkeen hitzarmen kolektiboa lortzea dute helburu.
Otsailaren 6an greba deitua dute LAB eta ELA sindikatuek, bakoitzak bere aldetik, Gipuzkoako zahar etxeetan. Bi sindikatu hauek salatu dute Jaurlaritzak gutxieneko zerbitzuak %100ekoak ezarri dituela eta beraz, greba eskubidea ukatu diela 5.000tik gora langileri. Greba egunean... [+]
Urriaren 6an, ELAk pandemiaren ondorioz gelditutako greba luzea berriz hasiko du Gipuzkoan. Egun berean LABek grebara deitu du. Araban, ELA, LAB, UGT eta CCOO sindikatuek hiru eguneko greba deialdia egin dute adinekoen egoitza pribatuetan.
Irailaren 19an atera dira Bilboko kaleetara Bizkaiko Pentsiodunen Mugimendua eta Bizkaia Babestu egoitzen erabiltzaileen senideen elkartea. Unai Rementeria ahaldun nagusiari sei hilabete eta gero egoitzetan kutsatzeak eta heriotzak zergatik ari diren gertatzen publikoki azaltzea... [+]
COVID-19ak 243 eguneko greba atzeratzera behartu zituen erresidentzietako langileak, “lehen eta orain lehentasuna erabiltzaileen osasuna bermatzea" izan behar dela argudiatuz. Hala ere, Gipuzkoako Foru Aldundiak “laguntza faltsua” eman diela salatu du... [+]
Koronabirusak Altzako Berra zaharren egoitzako langileen egoera txarra agerian utzi duela salatu du ELA sindikatuak, pertsonal eta material falta handia dagoelako. Bestalde, egoiliarren senideek adierazi dute egoitzako langileak "lanez gainezka" daudela.
Helburu bat dute Arabako, Gipuzkoako eta Bizkaiko hiru elkarteek: egoitzetan dituzten senideen eta lagunen zaintzan eta arretan kalitatea hobetzea. Horretarako gero eta interes gutxiago dagoela uste dute eta elkarrekin lanean hastea erabaki dute.
Goiza Aitziber Aranberri eta Ana Mertxanekin pasa dugu Donostian. Biak Gipuzkoako zaharren egoitzetako langileak dira. Bada egun berezia gaurkoa, milaka herritar atera direlako kalera pentsio, lan eta bizitza duina eskatzera. Egoitzetako langileek, ordea, gaur 199 egun egin... [+]
ELA sindikatuak bilera izan zuen urtarrilaren 10ean patronalaren zati batekin, Lan Harreman Kontseiluan. Sindikatuak greban segitzea erabaki du, eskatutako bi baldintzei buruzko erantzunik ez zuelako eraman patronalak. Langileek 180 egunetik gora egin dituzte greban.
Urtea hasterako, Gipuzkoako epaitegi eta ertzain etxeetako garbitzaileen grebek hartua zuten kalea, urte erdira luzatzeko; urte amaiera, berriz, Gipuzkoako zahar etxeetako langileen grebarekin doa. Tartean, papergintzako eta grafikagintzakoak ere izan dira protagonista. 2019ak... [+]
Greba deialdi berria iragarri dute sektoreko hitzarmen kolektiboaren negoziazioa desblokeatzeko bidean. Izan ere, beste behin salatu dutenez, Gipuzkoako Foru Aldundiak negoziazioa blokeatuta dauka.