Eusko Jaurlaritzak ez du urriaren 25ean “Euskadiko Eguna” ospatuko
Josu Erkoreka Eusko Jaurlaritzako bozeramaileak azaldu du ez dagoela “adostutako arrazoi objetiborik” egun hori ospatzeko. Eusko Legebiltzarrean “Euskadiko Eguna” bertan behera uzteko legea onartuko dute aurki.
2010etik jai egun da urriaren 25a Araban, Bizkaian eta Gipuzkoan, 1979ko EAEko Estatutua onartu zuten egunarekin bat eginez.
PSE-EE, PP eta UPyDren eskutik izendatu zuten Eusko Legebiltzarrean “Euskadiko Eguna”, eta kontra izan zituzten EAJ, Aralar, EA eta Ezker Batua-Berdeak. Erkorekaren esanetan festa hori ezarri zenean ez zen egin “beharrezko kontsentsuarekin” eta gogorarazi du egungo legebiltzarrak Gobernuari “agindu” diola jai eguna alda dezala.
Eusko Legebiltzarrak EAJren lege proposamena onartu zuen, EH Bilduren babesarekin, urriaren 25eko jai eguna bertan behera uzteko, eta orain legea tramitean dago. Hala ere, eztabaida mahai gainean dago bi alderdi abertzaleen artean, aurrekoa ordezkatzeko zein jai egun hartu behar ote den.
Jeltzaleek ez dute proposamen ofizialik egin, baina Urkullu lehendakariak urriaren 7a iradoki zuen, 1936an Jose Antonio Agirre lehendakaria eta Euskadiko Gobernua izendatu zituzten eguna, hain zuzen ere. Urkulluren iritziz gobernu hura “erreferentzia historiko” bat da eta “aniztasunean” oinarritu zen.
EH Bilduk berriz, legebiltzarrean mozioa aurkeztu zuen abenduaren 3an jai egiteko, Euskararen Nazioarteko Egunean –Nafarroako Foru Erkidegoaren Eguna eta San Frantzisko Xabierren Eguna ere bada–. Baina ekimena atzera bota zuten gainerako alderdiek, EAJk barne.
Kutsu politikoa duen jai eguna izaki, nork bere ideiak aldarrikatzeko darabil. PPk adibidez, urriaren 25a ospatu egingo duela jakinarazi du; Gernikan hainbat kargu publiko bilduko dira “Estatutuaren garrantzia nabarmentzeko”.
Hego Euskal Herrian erabakitzen diren beste jai egun batzuen egokitasunarekin, aldiz, zalaparta gutxiago sortu izan da, hala nola, santuak eta patroiak omentzeko egiten diren kutsu erlijiosoko jai egunekin.
Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat izan liteke bide hori eta biosferaren erreserba barruan legoke.
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
Pertsona batzuek kapitalismoa "besarkatzen" dute, konturatu gabe arazoa sistema berean dagoela; planeta mugatu batean hazkundea etengabe bilatzean. Energia intentsiboak ekoizteko modu guztiak mundua irensten ari dira.
Europar Batasunak abuztuan onartutako araudi baten arabera, 2030erako degradaturiko eremuen %20 lehengo egoerara itzularazi behar da. Hori dela-eta, hainbat eragilek Jaurlaritza, natura leheneratu orain dokumentua sortu dute, eta asteazken honetan aurkeztu dute publikoki... [+]
Urriaren 10 eta 11n Gasteizko Europa Jauregian egingo dira Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak lankidetzan urtero antolatzen dituzten jardunaldiak.
Osakidetzako lan eskaintza publikoen eredua "berrikustea" eta kontsolidazio prozesuak "bukatzea" galdatzen duen ekimen parlamentarioa adostu dute hiru alderdiek.
Amurrioko Udalak alde bakarrez dirulaguntza kendu zion eskualdeko euskarazko komunikabide bakarrari, eta ehunka herritarrek eta entitatek eskatu zioten dirulaguntza berrezartzeko. Aiaraldea Komunikabidea saiatu da udalarekin biltzen, baina udalak elkartzeari uko egin dionez,... [+]
Ikastetxeak mugikorrik gabeko arnasgune izan daitezen araudia sortzeko eskatu diote Eusko Jaurlaritzari hainbat guraso taldek, gutun bidez eta sinadura bilketa abiatuta. Gaur gaurkoz, eskola bakoitzaren bizkar dago erabakia: mugikorra onartu ala ez eta zein baldintzatan... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Gobernu berriak sorkuntza indartzeko asmoa adierazi du, "batez ere emakumeena eta euskaraz eginikoa". Sailburu berriak esan du aurreko gobernuak onartutako Plan Estrategikoa izango dutela ardatz, baina dokumentu horrek "euskarazko eskaintza handitzea"... [+]
Udako albistea da, zenbait tokitan agertu zena, Datuak Babesteko Euskal Agintaritzak (DBEA, Euskal Autonomia Erkidegoko administrazio-organo bat) Eusko Jaurlaritzako Hezkuntza sailari espedientea ireki ziola Googleren produktu batzuk erabiltzera behartzeagatik ikasleen... [+]
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.