Urriaren 11n grebara deitu dituzte EHUko ikertzaile eta irakasleak, “lan baldintzen prekarizazioa” salatzeko
ELA, LAB, Steilas eta CCOO sindikatuek egin dute greba deialdia. Salatu dute unibertsitate lege berriaren irakurketa "interesatua" egin duela errektoretza taldeak, eta ordezko irakasleen kontratu gehienak partzialak izango direla horren ondorioz. Azpimarratu dute EHUko lan baldintzen okertzea ez dela "oraingo auzia".
EHUko irakasle eta ikertzaileak grebara deitu dituzte urriaren 11rako. ELA, LAB, Steilas eta CCOO sindikatuek egin dute deialdia astazkenean prentsaurrekoan, eta EHUko Prekarioen Koordinadorak ere bat egin du. Lan baldintza prekarioak salatu eta euren eskubideak defendatu nahi dituzte.
Azken asteetan sindikatuek eta koordinadorak salatu dute EHUk Unibertsitate Sistemako Lege Organiko berriaren (USLO) irakurketa "interesatua" egin duela. Horren ondorioz, ordezko irakasleen kontratu gehienak partzialak izango dira, gehienez ere 800 euroko ordainsaria dutenak.
Prentsaurrekoan, errektoretza-taldearen asmo horrez gain, azpimarratu dute irakasle eta ikertzaileen lan baldintzak okertzea ez dela "oraingo auzia", eta ez diela ordezko irakasleei soilik eragiten.
Zenbait adibide eman dituzte egoera azaltzeko: erretiroen akordioa deuseztatzea eta ondorioz borondatezko erretiroak sustatzeko baldintzak gogortzea, zentroak ixtea edota irakasle-ikertzaile kolektiboen arteko bereizketak eta diskriminazioak egitea. Horrez gain, ohartarazi dute Jardun Akademikorako Planak (JAP) murrizketak ekarriko dituela eta horrek irakasleen lan zama handituko dituela.
Sindikatuen aldarrikapenak
Hori horrela, zenbait aldarrikapen egin dituzte sindikatuek. Hasteko, irakasle-ikertzaileen ordezkapenak lanaldi osokoak izatea, eta lanaldi partzialeko irakasleen kasuan, irakaskuntzaz gainerako jarduna aitortu eta ordaintzea. Irakaskuntza-zama ez handitzeko ere eskatu dute, horretarako, langile kopurua handituta eta burokratizazioari mugak jarrita, besteak beste.
Salatu dute azken urteetan soldatak ez direla bizitzaren garestitzearen neurri berean handitu, eta, hortaz, galdutako erosahalmena berreskuratzea aldarrikatu dute, eta irakasle eta ikertzaileen artean diskriminaziorik ez egitea. Azkenik, EHUko finantzazioa handitzeko eta hori langileengana ere bideratzeko beharra nabarmendu dute.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
Modu iraingarri eta mespretxagarrian, komunismoari loturiko ustezko atxikipen-politikoak egozten zizkion, besteak beste, Guillermo Quindós egungo errektoreordeak eta Eva Ferreiraren hautagaitza zerrendan dagoen kideak hauteskundeetara aurkeztuko den beste taldeari,... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Urri hasieran kaleratutako EHUko irakaslearen inguruko txosten bat egiteko eskatu dio Fiskaltzak Ertzaintzari. Kasuaren nondik norakoak sakonki ikertzeko eta gorroto deliturik egon den ala ez aztertzeko helburua du, salaketa jartzea erabaki aurretik.
Ikasturte hasieran hauteskundeak izan behar ziren EHUko agenda informatiboko gertaera nagusia. Gizarte eta Komunikazio Zientzien Fakultatean, gainera, hitzordu bikoitza dugu, gure zentroko batzarra ere urrian hautatuko baita. Aukera zabaldu da kudeaketa-eredu ezberdinak ezagutu... [+]
Ezin inoiz jakin zer topatuko duzun ikasturtea hasten denean, irailaren lehenak beti ohi dira tentsio altuko garaiak, hiru ala berrogei urte izan. Motibazio altuko garaia, hizkuntza eskolan eta gimnasioan izena emateko unea. Aurten zeramika ere egingo dut, beti izan da nire... [+]
Egoera juridikoki aztertu ondoren, Euskal Herriko Unibertsitateak erabaki du Zuzenbide Fakultatearen Bizkaiko Ataleko irakaslea lanpostutik kentzeko prozesua martxan jartzea. Irailaren 27an hasi ziren irakaslearen aurkako salaketak. Orduztik ehundaka izan dira auzi honen... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]