Urratsek egiten gaituzte
7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek beste behin Parisetik datorren jazartzeari.
Aldi honetan irakasle postuak dira jokoan. 230 ikasle gehiago izanen dira ikastoletan datorren ikasturtean, 25 irakasle postu sortzeen beharra eraginez. Baina martxoan, Akademia ikuskariak Seaskari jakinarazi zion irakasle gehiagorik ez zela izanen.
Irakasle postu eskasak hezkuntzaren kalitatean izanen du eragin zuzena eta ikastolen 2/3a hunkitua izango da. Konkretuki, irakasle gutxiagorekin ikasle gehiago metatuko dira ikasgelaka. 45 ikasleko gelekin, arreta gehien behar dutenak izango dira lehen kaltetuak: ahalmen urriko haurrak hasteko, ikastolatik kanpo euskararik entzuten ez duten ikasleak ondotik, eskola-zailtasunetan direnak bukatzeko.
Irakasle postu eskasak hezkuntzaren kalitatean izanen du eragin zuzena eta ikastolen 2/3a hunkitua izango da. Konkretuki, irakasle gutxiagorekin ikasle gehiago metatuko dira ikasgelaka
Funtsean, Estatuaren piko hori iraganeko serie luze baten segida besterik ez da. Atzo, Falloux legearen mamua astinduz, ikastolak baliabide publikoekin laguntzea oztopatzen zuten. Gaur azterketak euskaraz aurkeztea beti debekatzen diete. Bihar, sortu beharreko irakasle postuak izoztu nahi dituzte. Gibeleratze pixka batekin, maleruski estrategia erabat koherentea dirudi. Oroit: Macronek korsikeraren ofizialtasunari atea bortizki itxi zion, prefetak hizkuntza politika publikoari aiherkunde handia erakusten dio, justiziak “~” duten euskal edo bretoierazko izenak ez ditu ezagutzen... gure hizkuntzak jomugan dira Pariseko goi funtzionario eta erabakitzaileentzat. Eta euskarak duen transmisio kanalik eraginkorrena, gaur egun Ipar Euskal Herrian, ikastolak dira.
13.500 ikaslek ikasten dute euskara(z) eskoletan. %25ak ikastoletan eskolatuak dira, eta beste %75ak ikastetxe publiko edo giristinoetan ordu parekotasunean edo 3-6 urte artean irakaskuntza denbora osoa euskaraz segituz. Azken 20 urteetan, euskararen familia transmisioa 10 puntuz apaldu da gure lurraldean. Testuinguru horretan, eredu guziak (ikastola, publikoa, giristinoa) beharrezkoak dira... baina hizkuntzaren transmititzeko bakarra da eraginkorra. Haurrak erabat euskalduntzen dituen eredu bakarra ikastola da. Egiazko murgiltzea proposatzen duen eredu bakarra ikastola da. Eta azken 13 urteetan %80eko hazkundea duen eredu bakarra ikastola da. Hori guzia Parisen badakite.
Aldiz, Parisen hain argi ez dutena herri honek ikastolekiko duen atxikimendua da. Lehen erakustaldia danborrada izan da. Bigarrena Herri Urrats izango da. Eta beste batzuk izanen dira, irabazi arte. Irabaziko baitugu bataila hau ere. Baina laster, autodefentsan xahutzen dugun energia ez baitugu alternatibak sortzen igarotzen. Alta, autodefentsak egiten gaitu azkar, baina alternatiba sortzeak libre!
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Eric Etxartek Seaskako lehendakarikide ardura hartu berri du urte hatsarrean, Antton Etxeberri eta Sophie Layusekin batera. Peio Jorajuriaren lekukoa hartu dute hirurek, eta Lehendakarikidetza taldea osatu dute.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]
Batxilergoan tutore izan nuenetik ia 10 urte pasa direla elkartu naiz Uxue Juarezekin Ur Mara museoko Toureau etxolan (Alkiza), pagoez eta Koldobika Jauregiren eskulturez inguraturik. Autoritate segitzen du izaten niretzat Uxuek, baina beste zentzu batean orain. Aurpegian... [+]
Astelehen gauean su hartu du Donamartiriko (Nafarroa Beherea) ikastolako eraikin batek. Ez da zauriturik izan, baina kalte material handia eragin du suteak.
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.