[Urola Kosta] Aurreko lanuzteen tankeran, ia dena geldirik
Aitzol Aristorena LABeko Urolako Kostako arduradunak iragarri zigun gaur gertatuko zena. Enpresa handiek greba egitearen alde bozkatua zuten, eta beraz, lanuztea erabatekoa izango zela aurreikusi zuten.
Bi enpresa handik erabaki dute gaur lana egitea; Azkoitiko Sidenor-ek eta Zumaiako GKNk. Lehenengoan CCOO da nagusi eta bigarrengoan UGT. Bi sindikatu horiek ez dute bat egin greba deialdiarekin. Sindikatuak enpresa txikienetara ez dira heltzen, eta haien berri izaten gaurko goiz bueltan saiatu gara. Azken greba orokorrean Urola Kostan ibili ez banintzen ere, aurrekoetan bai, eta diferentzia handirik ez dut aurkitu. Azkoitia, Azpeitia, Zestoa eta Zarauzko industrialdeak ia hutsik. Kaleetan, lehenengo orduetan animarik ez, dena itxita, eta geroago etxean aspertutako herritarrak paseatzera atera dira guardasolapean. Irakaskuntzak erabateko greba egin du. Haurrak jolasera atera dira euripean.
Azpeitian gaur greba. Eta bihar zer?
Urola Kostako herri hau oso ezaguna egin da azken aldian, Corrugados Azpeitia enpresa handiko gatazka dela tarteko.Aristorenari galdetu diogu ea eskualdean bereziki zigortutako herria den Azpeitia. Ez da hala. Urola Kostan langabezia tasa %14 inguru da, eta Azpeitikoa zerbait altuagoa, %16 inguru. Egur lanetan eta altzarigintzan aritzen delako nabarmentzen da Azpeitia. 1.065 langabetu daude orain. 483 zerbitzuetan, 365 industrian, 75 eraikuntzan eta 35 nekazaritzan. 1.065era iristeko gainerako langabetuak lehendik datozenak dira. 20-40 urte artekoak daude lanik gabe, batik bat.
Enpresa handiak itxi dira Azpeitian, Azcue y Cía (400 langile inguru izan zituen) eta Muebles Landu, esate baterako. Itxi gabe dauden beste batzuk larri dabiltza, langileak kaleratuta: Grumel-ek 300dik gora langile izan zituen eta orain 100 inguruan dabil. Danona eta LanMobel-ek ere kaleratu dituzte langileak. Horiek altzarigintzan. Eraikuntzan kinkan dabiltza Ederra eta Xaxarki, adibidez.
Itxura guztien arabera, Corrugados Azpeitia itxi egingo dute. Aristorenak esan digu Azpeitia ez dela nabarmentzen Urola Kostan besteak baino egurtuago dagoelako. Alabaina, Corrugados itxita zein izango da panorama? Duela gutxi Argia aldizkariko erreportaje batean Edurne Zubiaren hitzak jaso genituen. Azpeitiko Udaleko Gizarte Zerbitzuetako arduradun teknikoa da bera. Hark emandako datuen arabera, 2008an gizarte bazterkeria egoeran zeuden 111 familiak laguntza ekonomikoa jaso zuten. 2012an 396 familiak behar izan zituzten era bateko edo besteko laguntzak. Gorakada handia, eta Edurne Zubiaren ustez, “pobrezia orain hasiko da ugaltzen”.
Datorren astelehenean egingo dute espedientearen kontsulta epeko bigarren bilera.
Langabeen artean, 2.302 pertsona gehiago erregistratu dituzte urtarrilean Hego Euskal Herrian, eta horietatik 2.173 emakumeak dira, Espainiako Lan Ministerioak emandako datuen arabera.
Abenduaren 16an iragarri zuen multinazionalak Nafarroako lantegiaren itxiera. Ekoizpenari “normaltasunez” ekitea eskatu die langileei Ezkirotzeko zuzendaritzak, baina sindikatuek “ezinezkotzat” jo dute. Lan Ministerioak bilera deitu du ostiralerako... [+]
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
3.364 langabe gehiago erregistratu dira abuztuan Hego Euskal Herrian. Gehienak, emakumeak: 2.355. ELA eta LAB sindikatuek seinalatu dute "aldi baterako kontratu prekarioak" daudela horren atzean.
Langabezia nehoiz baino apalago da Iparraldean, baina inflazioa beti traba izaten segitzen du ekonomian. 2023ko lehen sei hilabetetako tendentzien berri eman du Baionako Merkataritza eta Industria Ganberak. 210 enpresabururen sentipena bildu dute inkesta batean. Heren batek... [+]
LABek salatu du Espainiako Estatuko lan erreforma onartu zenetik aldizkako lan kontratua dela emakumeen artean nagusi.
Enpresak ABEE bat aplikatzen du, soldata murrizketak, plantillaren langabeziaren kontsumoa eta gastu publikoen igoera dakarrena, nahiz eta irabazi errekorrak izan. Gainera, malgutasuna handitzeko, plantillari "xantaia" egiten diola adierazi du sindikatuak prentsa... [+]
Haurrak eta adinekoak zaintzeagatik lana utzi behar izan duten pertsonen kopurua %42 hazi da Espainiako Estatuan, eta horrek biztanleria ez-aktiboaren igoeraren erdia eragin du. Lanik egiten ez zuten pertsonak ia landunak bezainbeste ziren 2022ko azken hiruhilekoan.
144.903 langabe gehiago daude Hego Euskal Herrian, horien artan %60 emakumeak.
Atzean utzi dugun urtean, Euskal Herri penintsularrean 150.000 pertsona langabetu zeuden; horietatik ia 80.000k ez zuten prestazio ekonomikorik jasotzen. Aldi berean, EAEko enpresen %76k aipatu dute zailtasun handia dutela behar dituzten langileak aurkitzeko. Kapitalismoaren lan... [+]
Salerosketa eta mugimendu handiko garaia izanagatik ere, azaroan baino 88 langabe gehiago zeuden erregistratuta Araba, Bizkai eta Gipuzkoan joan berri den abenduan. Nafarroan, berriz, 117 langabe gehiago.
Europako Banku Zentralak %2ra igo du ditu interes-tasak. Azken hilabeteetan hirugarren aldiz jarraian igoera handi bat egin du, inflazioari aurre egin nahian. Horrek, baina, hipoteketan eta herritarren poltsikoetan eragiteaz gain, atzeraldi ekonomikoa sor dezake aditu askoren... [+]
