“Urkullu jauna, eskoletan sukaldeak jarri ala Durangaldea oilo gorotzez beteko dugu”
Durangaldeko gurasoek osatutako taldea da Berton Bertokoa. Bi urte daramatzate lanean eskoletako jantokietan Eusko Jaurlaritzak ezarritako catering sistematik atera eta bestelako eredu bat aldarrikatzen: eskolan bertan prestatutako janaria, eskualdeko produktu ekologikoekin egindakoa. Umorea erabiliz, egun baten buruan euren eskaerei erantzunik eman ezean, Durangaldea oilo gorotzez beteko dutela mehatxu egin dute.
Pirataz mozorroturik, Eusko Jaurlaritzako arduradun gorenei zuzendu dizkiete haien eskakizuna: "Urte bi daramatzagu beste jantokieredu baten eskean eta erabateko borondate falta dagoela ikusten dugu, gauza bat esan eta beste bat egiten da, edo hobe esan, ezer ez dela egiten, Inposatua zaigun oraingo catering sistemak ez gaitu asebetetzen, aldaketa proposamen konkretuak egin ditugu, eragileekin bildu gara, ekoizleekin, baita catering enpresekin eurekin ere, baina edozein aldaketa Eusko
Jaurlaritzaren esku dago eta ez dugu ikusi haren aldetik gure eskaerei erantzuna emateko inongo borondaterik".
Bi urteko ibilbidean egindako ekimenei esker, Durangaldeko eragile, kulturgile, sindikatu eta alderdi askoren babesa jaso du Berton Bertokoaren eskakizunak. Baina bideoan salatzen dutenez, "babesa zabala izanik ere, gure eskoletan sukalde eta sasoiko produktu barik jarraitzen dugu".
Umeek ondo hazi eta garatzeko elikadura osasuntsu bat ezinbestekoa dutenez, elikadura osasuntsu bat bermatzeko jangaiak nola erein diren eta zer nolako ongarri eta babesa izan duten ziurtatu beharra dagoela azpimarratzen dute. Ondokoak dira taldeak eskoletan bertoko produktuak erabiltzeko emandako arrazoiak:
- Inguruan lanpostuak sortuko ditu, bertoko produktoreei lana emanez. Behar dena produzituz eta ez gehiago.
- Bertoko ekonomia indartuko du. Bertoko produktoak erosi ezkero, dirua hemen geratzen bait da berriro bertan inbertitzeko.
- Bertoko baserrien bizi iraupena bermatzen lagunduko du, eta gure ohiturak eta jakituria mantentzen lagunduko ere.
- Urrunetik ekarritako produktuekin alderatuz, bertoko produktu ekoizteak kutsadura arrasto minimoa uzten du.
- Jakirik osantsuenak gure ingurukoak dira, gure klima eta ingurura moldatu direnak: horiek dira gure garapenarako egokienak.
- Bizitzaren ziklo naturala errespetatzen du: bertan produzitzen dena bertan konsumituz.
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]
Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta “aurrekoetan bezala” Hezkuntza Ordezkaritzari... [+]
Hernaniko Langile Ikastolako gurasoek jakinarazi dute iragan ostiralean haurretako batek har bat aurkitu duela zerbitzatutako janarian; eta Duranako Ikasbidea Ikastola zentro publikoan ere joan den asteazkenean bigarren platera erretiratu behar izan dute, ohi baino garratzagoa... [+]
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eskolako jangelan menu osasungarriak, kalitatezkoak eta jasangarriak eskaintzeko lehen urrats gisa, menu horiek ikastetxean bertan prestatu ahal izateko eskolan sukaldea eraikitzea eskatu diote EAEko hamazazpi eskola eta institutu publikok Eusko Jaurlaritzako Hezkuntza Sailari.
Eskola jantokietan haur eta gazteei eskaintzen zaien janariaren inguruan “ezin konta ahala dei, kontsulta eta kexa” jaso ostean, inkesta egin du Bizkaiko Ikasleen Guraso Elkarteak. 96 ikastetxetako guraso elkarteek erantzun dute eta jakien kalitate, kopuru eta... [+]
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.