Urkullu, Chivite eta greba orokorra
Euskal Herriko Eskubide Sozialen Kartak deituta, hilaren 30ean greba orokorra egingo dute Hego Euskal Herrian. Helburuak: gutxieneko pentsioak igotzea, lan prekarietatearen aurkako neurriak hartzea, soldata arrakala ezabatzea eta eskubide sozialak aitortzea.
Sindikatu abertzaleek gutuna bidali zieten hurrenez hurren EAEko eta Nafarroako lehendakariei, Iñigo Urkulluri eta Maria Chiviteri, euren arrazoiak azaltzeko. Chivitek sindikatuekin hitzordua onartu duen bitartean, Iñigo Urkulluk errefusatu egin du, greba “neurriz kanpokoa” dela iritzita.
Urkulluk atzera botatzeko arrazoiak izango ditu. Sindikatuei harrerarik ez egitea, ordea, ez da kasualitatea. Ohiko jarrera da jada. Bere antisindikalismo abertzalea DNAren parte du, ia astero patronalaren eta bere enpresen besotik ikusten dugun bitartean. Oraingoan, ordea, greba deialdia baliatu zezakeen sindikatuekin haien arrazoiak eztabaidatzeko. Zeren, gainera, ez da Urkullu bakarrik greba hau arbuiatzen duena. Badira beste sindikatu eta mugimendu sozial batzuk hala pentsatzenc dutenak, eta pentsiodunen mugimenduaren zati batek ere ez du egoki ikusten. Egia da deialdia egin den testuinguru soziopolitikoan greba hori oso eztabaidagarria izan litekeela eta eztabaidatua izaten ari dela.
Urkulluk ez du usaimenik izan, eta sindikalismo abertzalearekin zuen harremana aldatzeko aukera handia galdu du. Beste behin, patronalaren lehendakaria dela erakusten du. Ez dirudi hain ziur dagoenik grebaren aurkako arrazoiez, agian sindikatuen birplanteamendua lor baitzezakeen haiekin bilduta. Edo igual sindikatuek bera konbentzitu eta grebara eramango ote zuten? Urkullu, Chiviterengandik ikasi. Zuk bezala pentsa dezake, baina bera sindikatuekin biltzen da.
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Inbertitzailerik agertu ezean, Iruñeko Merkataritza arloko lehen epaitegiari egin dio proposamena Molins eta Andres abokatu bulegoak, Altsasuko enpresaren hartzekodunen konkurtsoko administratzaileak. Dumarey Belgikako taldeak fabrika erosteko saiakerak egin... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.