Zapatu goizean eman genion amaiera "Zu zara giltza!" HIRUKAren aldeko kanpainari, ekitaldi xume baten bidez. 50 bat lagun elkartu ziren Algortako Portu Zaharrean, komunikazio-proiektu honi babesa adierazteko asmoz, guretzat "hil ala bizikoa" izango den urte honetan.
Galder Bilbao Txapi ALBEko kideak pare bat bertso kantatu ostean, Paul Bilbao Kontseiluko idazkari nagusiak eta Ninbe Landa HIRUKAko kide ohiak agiri bat irakurri zuten. "Uribe Kostako euskaldunok izan gara eta izango gara HIRUKAk irauteko giltza, eta hori aldarrikatzeko batu gara gaur hemen", esan zuten. Haien aurretik, Irantzu Sagarminaga HIRUKA kooperatibako lehendakariordeak gogorarazi egin zuen azaro erdialdean abiatutako "Zu zara giltza!" kanpainak ez duela hasierako helburua (333 Hirukalagun lortzea) guztiz bete. Horregatik, "euskaraz bizi eta pentsatu" gura duten uribekostarrak HIRUKA babestera gonbidatu zituzten.
Era berean, proiektuarentzat aro berria hasi dela azpimarratu zuten. Egoera ekonomikoak hainbat neurri hartzera behartu du HIRUKA ("batzuk oso mingarriak"); besteak beste, astean behinekoa izateari utziko dio papereko edizioak. Hala, aste honen amaieran kalean egongo den aldizkaria 48 orrialdeko hilabetekaria izango da. Dena dela, webgunearen bitartez eskualdeko informazioa minutuz minutu emateko konpromisoari eutsiko diogu, eta eskualdeko kultur ekitaldien agenda eskaintzen segituko dugu gailu mugikorretarako HIRUKA aplikazioan.
Paul Bilbaok eta Ninbe Landak irakurritako agiriaren testu osoa:
GU GARA GILTZA!
Badira hilabete batzuk HIRUKA komunikazio-taldeak goiburu bat erantsi ziola bere izenari. “Prentsa euskaraz, pentsa euskaraz”, dio goiburu horrek. Hizkuntza-ohiturak aldatzeko erronka bota zigun Euskaraldiak udagoienaren hondarrean. Ariketa horri esker, Uribe Kostako euskaldun asko jabetu ahal izan ginen euskararekiko asmo onak gauzatzea zer zaila izaten den, are gehiago erdara aspalditik hain harro dabilen eskualde honetan.
Euskaraz pentsatu gura duen herriak euskarazko prentsa behar du eta. Ezinbestean. Baina erdaratik euskararako saltoa egitean, hedabideen kontsumoari dagokiona da euskaldunok ganditzeko daukagun oztoporik handienetakoa. Hala ere, hamarkada bi baino gehiago da Uribe Kostan euskarazko tokiko hedabideak daudela, baita duintasunez lan egin ere.
Tradizio horren oinordekoa da gaur hemen batzera dei egin digun HIRUKA komunikazio-taldea. Kinka larrian dago proiektua, baina ez gogo edo ideia faltagatik. Uribe Kostan posible da kalitatezko euskal tokiko hedabide bat izatea, behar duen laguntza emanez gero. Orain arteko bidea egin bada, hamaika euskaltzalek emandako babesari esker izan da. Eta hala izango da aurrerantzean ere. Horixe gogorazi digu HIRUKAk azken hilabete bietan, “Zu zara giltza!” kanpainaren bitartez.
Uribe Kostako euskaldunok izan gara eta izango gara HIRUKAk irauteko giltza, eta hori aldarrikatzeko batu gara gaur hemen. Proiektuarentzat hil ala bizikoa izango den urte honetan, geure babesa berretsi, eta euskaraz pentsatu eta bizi gura duten uribekostar denak bide beretik abiatzera gonbidatzen ditugu.
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Euskal Herriko tokiko hedabideen sareak jasoko du aurtengo EITB Saria. Tokikometik adierazi dute mundu mailan tokikoak hartzen ari diren lekua aitortzen dutela EITBtik ere eta sektorekoek aitortzea "oso pozgarria" dela.
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
45 urte zituela hil da, gaitz larri baten ondorioz. Azkeneko bi urteetan Pantailak Euskaraz mugimenduaren bozeramaile eta lehendakari izan da, euskarazko ikus-entzunezkoen beharra aldarrikatzen.