Urdaibaira “legez kanpoko museoak ez ekartzeko” eskatu diote New Yorkeko Guggenheim Fundazioari
Zain Dezagun Urdaibai elkarte ekologistak, Busturialdeko hainbat bizilagunekin batera, Guggenheim Fundazioari eskutitza idatzi dio. Museoaren etorrerak Urdaibaiko biosferaren zaintza agintarien interes turistikoen aurrean makurraraziko lukeela adierazi diote.
Zain Dezagun Urdaibai elkarte ekologistak eta Busturialdeko hainbat auzokidek gutuna bidali diote New Yorkeko Solomon R. Guggenheim Foundation-i. Idazkian eskatu diete Muruetan eraiki nahi duten museoaren proiektuari uko egin diezaiola, baita Gernika-Lumoko Dalia fabrika zaharrarekin lotuko lukeen Bide Berdea deiturikoa eraikitzeari ere bai. Bigarren kokaleku horretan, argudiatu dutenez, 1937ko Gernikako bonbardaketan hil zirenen gorpuak egon litezke. Gernika gerren aurkako eta bakearen eta memoriaren aldeko nazioarteko erreferentzia gisa bilakatzeko asmoarekin ez letorke bat proiektu horren eraikuntza, gaineratu dutenez.
Elkarteak New Yorkeko fundazioari jakinarazi nahi izan diote, zenbait hedabidetan proiektua “horrela definitzen dutela, publizitate hobea eman nahian: Bilboko Guggenheim Museoaren hedapena Urdaibain”.
Astelehenean bidalitako gutunean Urdaibaiko Biosfera Erreserban bizi diren edo lan egiten duten hainbat esparrutako 22 pertsonaren sinadura ere badago. Bizilagun horiek gogorarazi nahi diete Bilboko Guggenheimeko 22 patronatukideei “ez dutela utziko beren eguneroko bizitzatik kanpoko inork beren bizi-eremuari, orainari eta etorkizunari buruzko “erabakia lapurtzen”.
Eskutitzaren edukia otsailaren 12an eman zuten ezagutzera, Urdaibaietz plataformak antolatutako martxaren amaieran. Protestan bildutako auzokide ugarik Gernikan eta Muruetan museo bana jartzeak eragiten dituen desegokitasunen eta legezkontrakotasunen berri jaso zuten. Besteak beste, Urdaibaiko Biosfera Erreserbak egungo agintarien interes turistikoen mesedetan sakrifikatzea ekarriko lukeela azpimarratu zuten, bi kokaguneetan urtero 140.000 bisitari inguru bilduko liratekeela kalkulatzen baitute. Martxaren amaieran, halaber, proiektu horien aurka egin eta egingo diren ekintzen berri eman zuten, antolatzaileek azpimarratu zutenez, “proiektu horien benetako edukiak ez dira ezagutzen ofizialki, eta itzal gehiago dituzte argiak baino”.
Ongorengoa da New Yorkeko Guggenheim fundazioari igorritako eskutitza:
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka... [+]
Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat izan liteke bide hori eta biosferaren erreserba barruan legoke.
“Bi urteko gogoetaldia” iragarri zuten urte hasieran Eusko Jaurlaritzak eta Bizkaiko Foru Aldundiak, baina ez da geldialdia izaten ari, etorkizunean izan ditzaketen oztopoak aurreikusten eta atontzen ari baitira erakunde publikoak. Horrez gain, uda betean,... [+]
Seo/BirdLife GKEak eta Guggenheim Urdaibai Stop plataformak bultzatzen dute ekimena, eta sinadura kopuruak Bilboko museoak urtero dituen bisitarien zenbatekoari erreferentzia egiten dio. Zehaztu dute “inpaktu kritiko eta itzulezinak” eragingo lituzkeela Urdaibiako... [+]
Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.
Muruetan 32.000 metro karratu erosteko asmo dauka Bizkaiko Diputazioak, besteak beste Urdaibain Guggenheim museoa eraikitzeko.
Urdaibaiko Guggenheimen proiektua bi urtez etengo dutela iragarri zuten urtarrilean Lakuak eta Bizkaiko Aldundiak, baina museoa eraiki ez dadin borrokan jarraitzen dute ekintzaileek. Futuro Vegetal aktibista klimatikoen azken ekintza eta Guernica Gernikara taldeak antolatu duen... [+]
Busturialdea eskualdeko hainbat alkate eta zinegotzi bildu ditu EH Bilduk Gernikan emandako prentsaurrekoan. Idurre Bideguren senatariak adierazi du neurria EAJren “kudeaketa eredu zaharkituaren beste adibide bat” dela.
Iñigo Urkullu lehendakariak jakinarazi du proiektua geldituko dutela 2024 eta 2025ean. Bilboko Guggenheim museoko patronatuak proiektuaren “bideragarritasuna” aztertu nahi du. Guggenheim Urdaibai Stop plataformaren esanetan, etena ez da "onargarria"... [+]