Urdaibaiko Biosfera Erreserba kontserbatzeko 1.300.000 sinadura lortzeko kanpaina abiatu dute
Seo/BirdLife GKEak eta Guggenheim Urdaibai Stop plataformak bultzatzen dute ekimena, eta sinadura kopuruak Bilboko museoak urtero dituen bisitarien zenbatekoari erreferentzia egiten dio. Zehaztu dute “inpaktu kritiko eta itzulezinak” eragingo lituzkeela Urdaibiako Guggeheimek, eta erreserba “berez museo bizia” dela.
Seo/BirdLife gobernuz kanpoko erakundeak eta Guggheinheim Urdaibai Stop herri plataformak sinadura bilketa abiarazi dute Urdaibaiko Biosfera Erreserbaren defentsan, Solomon R. Guggenheim Foundation-i ekosistema horren “suntsiketari uko egiteko eskatzeko”. Protestak izan dira proiektu horren aurka azken urteetan, eta Seo/BirdLifek zabaldutako komunikatuaren bitartez adierazi dute erreserbako balioentzat “inpaktu kritiko eta itzulezinak sortuko dituen mehatxua” dela. Horrez gain, argudiatu dute ingurune hori “berez museo bizia” dela, “dibertsitate biologikoaz, kulturaz eta historiaz gainezka dagoen paisaia ikusgarria” baita. Urdaibaiko eskualdeak proiektu hori gabe ere turismo handia izaten duela aipatu dute.
Eragileen helburua 1.300.000 sinadura lortzea da. Kopuru hori zehaztu dute, Bilboko museoak urtero izaten dituen bisitari kopurua delako. Proiektuaren zuzendariei helarazi nahi diete herritarrek arbuiatu egiten dutela erreserban proposatutako bi egoitzen eraikitzea, horietako bat “estuarioaren bihotzean”. Proiektuak ingurumen, kultura eta gizarte-ikuspegitik kaltea eragingo duela aipatu dute.
Kritikoak instituzioekin
Seo/BirdLife eta Guggheinheim Urdaibai Stopen iritziz, Bizkaiko Foru Aldundiak, Eusko Jaurlaritzak eta Espainiako Gobernuak “ahaztu” egiten dute erreserbaren helburua zein den: “Espezieen eta habitaten kontserbazio-egoera onari eustea, eta eskualdeko garapen iraunkor eta ordenatuarekin bateratzea”. Proiektuaren beharra justifikatzen duen argudiorik ez dutela ere salatu dute. Azpimarratu dute erreserba Kontserbazio Bereziko Eremua eta Hegaztientzako Kontserbazio Bereziko Eremua dela, eta Unescoren Biosfera Erreserban eta nazioarteko garrantzia duten hezeguneen RAMSAR konbentzioan jasota dagoela.
Proiektua bi urtez etengo zutela iragarri zuten urte hasieran Lakuak eta Bizkaiko Aldundiak, Bilboko Guggenheim museoko patronatuak proiektuaren inguruan “hausnartzeko” denbora hartu nahi duelako. Hala ere, Guggenheim Urdaibai Stopek adierazi zuen etenaldia ez dela “onargarria”, eta lanean jarraituko dutela proiektua “behin betiko bertan behera gelditu arte”.
Gardentasunik eza, tokikoen gaitzespena eta kostu handia
Aurtengo ekainean, urtero legez, Bandera Beltzak txostena argitaratu zuen Ekologistak Martxan eragile ekologistak. Bizkaiko kutsaduragatiko bandera beltza proiektu horri eman zion, zehazki Gernika eta Muruetan eragiten ari den kutsaduragatik. Hiru arrazoi nabarmendu zituzten: proiektuaren informazioaren inguruan gardentasunik eza, tokiko biztanleen gaitzespena eta ordaindu beharreko kostu handia. Bigarren urtez jarraian jaso du bandera beltza.
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka... [+]
Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat izan liteke bide hori eta biosferaren erreserba barruan legoke.
“Bi urteko gogoetaldia” iragarri zuten urte hasieran Eusko Jaurlaritzak eta Bizkaiko Foru Aldundiak, baina ez da geldialdia izaten ari, etorkizunean izan ditzaketen oztopoak aurreikusten eta atontzen ari baitira erakunde publikoak. Horrez gain, uda betean,... [+]
Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.
Muruetan 32.000 metro karratu erosteko asmo dauka Bizkaiko Diputazioak, besteak beste Urdaibain Guggenheim museoa eraikitzeko.
Urdaibaiko Guggenheimen proiektua bi urtez etengo dutela iragarri zuten urtarrilean Lakuak eta Bizkaiko Aldundiak, baina museoa eraiki ez dadin borrokan jarraitzen dute ekintzaileek. Futuro Vegetal aktibista klimatikoen azken ekintza eta Guernica Gernikara taldeak antolatu duen... [+]
Busturialdea eskualdeko hainbat alkate eta zinegotzi bildu ditu EH Bilduk Gernikan emandako prentsaurrekoan. Idurre Bideguren senatariak adierazi du neurria EAJren “kudeaketa eredu zaharkituaren beste adibide bat” dela.
Iñigo Urkullu lehendakariak jakinarazi du proiektua geldituko dutela 2024 eta 2025ean. Bilboko Guggenheim museoko patronatuak proiektuaren “bideragarritasuna” aztertu nahi du. Guggenheim Urdaibai Stop plataformaren esanetan, etena ez da "onargarria"... [+]
Joan den urriaren 28an manifestaldi jendetsua egin zen Gernikan. Aspaldiko partez, 1987an bonbardaketaren 50. urtemugaren harira egindakotik, agian, handiena. Berton, instituzio politiko zentral, autonomiko eta probintzialetik babestutako Guggenheim museo proiektu... [+]