Ur gaineko bidea
Azaroaren erdialdera eman zuten Zazpi T'erdik ekoitzitako La vía flotante filma Bartzelonako L'alternativa zinemaldian. Proiektuak Iruñeko Punto de Vista jaialdian X Filmak saria lortu zuen 2018an, eta garapen prozesuan dauden filmak bultzatzeko ekimen horren laguntzarekin, urtebete eman dute aurrera eramaten. Epe horren baldintza hartuta, Nafarroako lurraldeak miatzen dituen lana gauzatu dute Pello Gutiérrez, David Aguilar Iñigo eta Iñaki Sagastumek.
Gizakirik gabeko paisaiak ditu filmak eszenatokitzat, lurreko biztanleok desagertu ostean, gure esistentziaren arrastoa soilik gelditu izan balitz bezala bertan. Tarteka, irudiekin harremantzen diren irrati uhinak jolasten dira, eta horren gainean, etorkizunari mintzo zaizkion irrati-amateurrak. Hipotesi post-apokaliptiko bati erantzuten dio filmak, non gizakiak sorturiko sistema guztiak desegingo balira banaka-banaka, desagertzen azkenak irrati-uhinak liratekeen. Zer gertatuko litzateke, bat-batean, dena galduko balitz?
Zuzendarien gidaritza tonu malenkoniatsuan gauzatzen da. Esperientzia plastiko-sensorialaren bitartez, irudien testuren bidez, entzunezkoez giroa eraikita... Soinua eta espazioa, barrua eta kanpoarekin lotzen dira, batak besteari erreferentzia eginez. Ikuspuntua esploratzailea da, bilaketazkoa; bilatzen dena, gizakiak paisaian utzitako arrastoa. Apokalipsi osteko egoera horretan, naturak berreskuratu du lurra.
Egileak zientzia ez-fikzioz zuzentzen dira proiektura: egungo Nafarroan dokumentala filmatuz gizakia desagertu denaren fantasia eraikitzen dute. Uste dut Truffaut zela fikzio eta dokumentalaren artekoaz esaten zuena fikziozko filma batean euli bat sartu izanak zera erakusten zuela, beti dagoela errealaren zerbait zeharka sartzen dena, ustekabean. Orainaldiak etorkizunari hitz egiten dio, iraganaz. Irrati-amateurren ekintzak antzeko esanahia du. Orainean kokaturik, gerora entzungo dituenarentzako mezuak erregistratzen dituzte, etorkizunaren kontzientziaz. Hori egite hutsak laburtzen du, hein handi batean, gizakiaren bizitzarekiko lotura: iraganeko nostalgiaz aritzea, geroaren nostalgiaz bezainbeste. "Jakingo al dute gutaz?" eta esistentziaren krisia. Historiari agur gutuna da, orainaren erregistroa eginez geroarentzat. Eta ez al da, finean, hori zinema? Momentuz, hatz bat ilargiari begira.
Donostiako herri mugimenduak artikulatuta hainbat auzotan antolatzen den Zinemaldi Alternatiboaren 16. edizioa aurkeztu dute (11 + 5, beraiek dioten bezala, eraitsitako Kortxoenea gaztetxeko bost urteei erreferentzia eginez). Aurten sei proiekzio egingo dituzte ondorengo... [+]
Irailaren 20tik 28ra egingo da Zinemaldia. Igande honetan irekiko da lehen hiru egunetako emanaldietarako sarreren leihatila.
Hogei urte pasatu dira bazterrak nahasi zituen iruzurra argitara eman zenetik: Enric Marco, Holokaustoaren ustezko biktima bat, ez zen sekula kontzentrazio-esparru batean egon. Ez zen nolanahiko iruzurra izan, Marco bazelako nor: Holokaustoaren Biktimen Espainiako Elkartearen... [+]
Ez da pelikula erraza izan Moriartikoentzat. Proiektua duela hemezortzi urte sortu zen, eta gutxienez bi aldiz eten; bietan, Enric Marcok "ezusteko" bana eman ondoren. Azkenean, dokumental eran beharrean, fikzio bidez islatu dute istorioa. Aitor Arregi, Jose Mari... [+]
Pantailak Euskaraz ekimena eta Filmin streaming plataforma espainiarra lankidetzan aritu dira azken hilabetetan, eta horri esker euskarazko 100 azpititulutik gora gehitu ditu plataformak katalogoan bere katalogoan. Zenbait iturritako azpidatziak dira, tartean boluntarioek [+]
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Denbora laburrean plano aldaketa asko dituzten marrazki bizidunek, alegia erritmo azkarreko hiperestimulazio audiobisualak eragin negatiboa du umeen arretan, hainbat ariketa mental egiteko gaitasunean eta autoerregulatzeko ahalmenean, ikerketa batek ondorioztatu duenez.
Zinegoak, Bilboko LGTBIQ+ 21. nazioarteko zinema eta arte eszenikoen jaialdia, ekainaren 24tik uztailaren 1era egingo da. Jaialdiaren barruan, bigarren urtez, Bizi Bisexualitatea proiektuak bere tokia izango du. Egitasmo horrek bisexualitatea eta euskal kultura uztartzen ditu... [+]
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]