UPV/EHUren erantzukizunaz: denak ez du balio
Orain dela egun gutxi harriduraz irakurri genuen hedabide honetan “Jukutria juridikoak EHUko irakasleen arteko diskriminazioren zerbitzura" izenburupean argitaratutako iritzi artikulua.
Artikuluan salaketa oso larria egiten da, zalantzan jartzen baita UPV/EHUko zerbitzu juridikoetako langileen profesionaltasuna. Horrez gain, irakasle ez-iraunkorrek ordainsari osagarri jakin batzuk ez kobratzearen erantzukizuna errektoretza taldeari leporatzen zaio.
Errektoretza taldea bat dator artikuluaren sinatzaileekin, irakasle eta ikertzaileen karrera akademikoa aitzineratzeko zailtasunei dagokienez. Horregatik, orain dela urtebete erakunde honen lidergoa hartu zuenetik, hainbat ekimen jarri ditu martxan karrera akademikoan laguntzeko eta irakasle ez-iraunkorren egoera hobetzeko bai irakaskuntza eta ikerketaren arloan, bai lan arloan. Gaur egun, izan ere, irakasle ez-iraunkorren irakaslana ebaluatua izan daiteke eta, legearen babesean, dagoeneko lehen urratsak egin dira langile ez-iraunkorren hainbat figuraren ikerketa ebaluatu ahal izateko. Edonola ere, zintzotasunez jokatuz esan behar dugu badirela, nahiko genukeenaz harago, era askotako mugak eta gure jarduna muga horietara egokitu behar dugula.
Artikuluan salaketa oso larria egiten da, zalantzan jartzen baita UPV/EHUko zerbitzu juridikoetako langileen profesionaltasuna
Nahitaezkoa da argitzea, hain zuzen, ebaluatzen diren merituak ordaindu ahal izateko, euskarri juridiko bat eduki behar dugula, meritu horiei kopuru bat esleitzea ahalbidetuko duena. Errektoretza taldeak ebaluazio positiboak ordaintzeko erabateko borondatea du; gaur-gaurkoz, ordea, eta euskarri hori izan arte ezin du egin, ordaintzeko erantzukizuna duten UPV/EHUko langileak arriskuan jarri gabe.
Adierazi nahi dugu, konbentzimendu osoz, irakasle ez-iraunkorren kolektiboaren interesak defendatzen ditugula, gure esku dauden bitarteko guztien bidez, eta, jakina, unibertsitateko kudeaketa kritikatu ahal eta behar dela, baina asmoak ezin direla epaitu. Errektoretza taldearen helburua ahalik eta unibertsitate onena eraikitzea da, baita bertan lanean diharduten kolektibo guztien helburu profesionalei erantzutea ere. Hori ezin da ezbaian jarri.
Errektoretza taldeak UPV/EHU osatzen duten kolektibo guztien eskaerei erantzuteko konpromiso argia berresten du. Konpromiso horrekin batera, ordea, behar-beharrezkoa da beste langile batzuen lanarekiko eta erakundearen erantzukizunarekiko errespetua. Erantzukizunak eta pertsonekiko errespetuak gidatutako jardun bat ezin da nahasi asmo txarrak besteei egotziz. Kritika egitean, denak ez du balio.
Nekane Balluerka Lasa
UPV/EHUko errektorea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
AEBetako agintaldi berriak ekonomiaren esparruan ekarriko duena zehaztea ez da lan erraza. Estrategia ekonomiko berriaren ardatza liberalismoaren eta kanpo sektorerako protekzionismoaren arteko uztarketa bitxia izango da. AEBetan aldian-aldian halakorik gertatu den arren,... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
2006. urtean, Baltasar Garzonek, orduko epaile izarrak, errebelazio moduko bat izan zuen, eta jardunbide bat idatzi zuen, terrorismoagatik inkomunikatutako atxilotuen eskubideak bermatzeko. Epaile berak ehunka atxilotu inkomunikatu pasatzen ikusi zituen bere aretotik, horietako... [+]
Bihotzean ditudan oroitzapenik politenetakoak dira. Euskal Filologia egiten ari nintzen garai hartan, eta Arbizuko elkarte batera joan ginen Ruper Ordorikaren kontzertu batera. Han zeuden Rikardo Arregi Diaz de Heredia eta Juanjo Olasagarre. Ez nintzen Arregiri esatera ausartu... [+]
Duela gutxi, larrialdi klimatikoa zertan zetzan galderaren aurrean, zientzialari batek erantzun bikain hau eman zuen: “Begira, larrialdi klimatikoa hauxe da, zure mugikorrean muturreko fenomeno meteorologikoei loturiko gero eta bideo gehiago ikusten dituzu, eta konturatzen... [+]
Esaten da Simone de Beauvoir-ek idatzi zuela zapaltzailea ez litzatekeela hain indartsua izango zapalduaren lerroetan konplizerik ez balu. Niri oso normala iruditzen zait... zer nahi duzue, ba? Zapalduta zaudenean, ulergarria ere bada zure kondizio hori hobetu nahi izatea, eta... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]