UPNko lehendakari berria hautatzeko batzar nagusia irailaren 27an
UPNko zuzendaritzak afiliatuen batzar orokorra irailaren 27an egitea erabaki du asteazken arratsaldean eta bertan erabakiko dute alderdiko lehendakari berriaren izena.
Honek orain arteko zuzendaritzarekin egin beharko du lan eta bere erabaki garrantzitsuenen artean urte amaierako Espainiako hauteskunde orokorretara PPrekin batera joan edo ez erabaki beharko du. 1982tik UPN PPrekin –edo bere garaian APrekin– aurkeztu da Espainiako hauteskunde orokorretara eta urte luzez itun politikoa izan dute.
2008an, aldiz, ituna apurtu zuen PPk, UPN abstenitu egin zelako Jose Luis Rodriguez Zapateroren (PSOE) gobernuaren aurrekontu orokorretan. Hala ere, 2011ko hauteskundeetan elkarrekin aurkeztu ziren berriz ere eta Nafarroari dagozkion bost diputatuetatik bi eskuratu zituzten. Beste hirurak PSN, Amaiur eta Geroa Bairen artean banatu zituzten.
Gaur egun, eta adibide gisa azken udal hauteskundeetako emaitzak hartuz gero, bakarrik joan edo PPrekin joan, 2011ko bi diputatuak lortuko lituzke. Beste hiru eserlekuak, aldiz, Geroa Bai, EH Bildu eta Ahal Dugurentzat lirateke. UPN eta PP banatuta joanda –espero ez dena–, PP geldituko litzateke eserlekurik gabe.
Hori da, beraz, UPNk esku artean duen erabaki garrantzitsuena oraingoz. Eta 2016an ezohiko kongresua egingo dute. UPNren baitan horren beharrezkoa jotzen den ideien eztabaida gauzatu eta barne egitura berritzea litzateke kongresuaren zeregin nagusia.
Bi hautagai nagusi daude UPNren lehendakaritzarako: Miguel Sanzen babesa duen Amelia Salanueva senataria eta Javier Esparza, azken foru hauteskundeetako UPNren zerrenda burua.
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Jaietako lehenengo egunean txosnen debekuaren aurkako manifestaldia egin zuten milaka lagunek Lizarran, eta bertako askok ‘Bajadica del Puy’ kalejiran jarraitu zuten protesta. Udaltzaingoak egotzi die "desordena publikoak" eragitea.
2021ean sortu zen Lizarran Raimundo el Canastero taldea, eta iaz ikusi zuen argia haien lehenengo diskoak –N.T.E.R.–. Kaxoia, gitarra, ordenagailua eta hiru lagun langabezian: Julen Arbizu (Lizarra, 1995), Imanol Viñarás (Lizarra, 1995) eta Mikel Beltza... [+]
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.
Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.
UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.
UPNko presidente Javier Esparzak adierazpen gordinak egin ditu Joseba Asiron (EH Bildu) Iruñeko alkate bihurtzeko zentsura mozioaren albistea jakin bezain pronto.
Iruñeko Gurutze plazako lur azpiko aparkalekua egiteko proiektuan herritarrei kontsulta egingo diela iragarri du Cristina Ibarrola alkateak. Obraren aurka ari den herri plataformaren iritziz, Ibarrolaren noraezaren beste adierazle bat da.
UPNko presidente Javier Esparzak, hiru aldiz saiatu ostean, iragarri du ez dela aurkeztuko lehendakarigai izateko Nafarroako hurrengo foru hauteskundeetan.
Babes politikorik ez duelako, eta bizilagunen desadostasuna onartu ondoren, Iruñeko alkateak aparkalekuaren proiektua bertan behera utzi du "behin behinean". Ibarrolak proiektuaren aurkako protesten atzean EH Bildu dagoela adierazi du.