Laffageren omenezko antzezlana egiteko asmoa dute, UPNk debekatu duen arren
Jose Diego Yllanesek Nagore Laffage hil zuela bost urte beteko dira aurtengo Sanferminetan. Hori gogoratuz, uztailaren 3 eta 4an antzezlana egiteko asmoa zuten haren familiak eta Astelehen Lilak elkarteak, baina baimena ukatu die UPN alderdiak (gainerako alderdiak egitearen alde daude). UPNk gaia ezkutuan mantendu nahi duela eta antzezlana egin egingo dutela erantzun dute antolatzaileek.
Data horietan Sanferminekin zerikusia duten ekintzak baino ez dira onartzen eta antzezlanak zirkulazioa oztopatu dezake. Argudio horiekin debekatu du Ignacio Polo Iruñeko Hiri Segurtasunerako zinegotziak Laffageren omenezko antzezlana. Harrituta eta haserre, bilera eskatu zuten atzo antolatzaileek alderdi politikoekin. Denak agertu ziren, UPN eta PP izan ezik. Bileraren aurretik, hala ere, ezezkoa mantendu zuen Polok.
"Polok dio hilketa ez dela Sanferminetako gaia. Argi eta garbi bada, Nagore Laffage 2008ko uztailaren 7an hil baitzuten. Antzezlan honek Sanferminen egitarauan egon beharko luke, beste emakume bati berdina gertatzea saihesteko, eta baita oroigarri garrantzitsu gisa, Lafaggerentzat eta emakume guztientzat. Gaia kalera atera behar da eta ez da ezkutatzen saiatu behar, bost urteotan sistematikoki egin den moduan", salatu zuen atzo Tere Saez Astelehen Lilak elkarteko koordinatzaileak. Gainera, zirkulazioa oztopatzeari buruz gogoratu zuen uztailaren 6aren aurretik ekintza asko onartzen dituela Udalak kalean, horietako batzuk pribatuak.
Kale bat Nagorerentzat
Bestalde, ekainaren 7an eskaera bat egin zen Udalean, Iruñeko kale bati Nagore Laffage izena ipintzeko. Indarkeria matxistaren biktima diren emakume guztien aitortza izan nahi du kaleak, baina eskaerak ez du oraindik erantzunik jaso.
Hilketa eta epaiketa polemikoa
2008ko Sanferminetan, goizaldean, neska irundarra Jose Diego Yllanesen etxera igo zen, Iruñean. Laffagek handik joatea erabaki zuenean, mutilak ez zion alde egiten utzi eta hil egin zuen. Herri-epaimahaiak ebatzi zuen Yllanesek ez zuela Nagore asasinatu, baizik eta aurrez pentsatu gabeko hilketa izan zela, eta ondorioz kartzela-zigorra arinagoa izan zen.
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Atzo eguerdian labanaz eraso zion bere amari Irunen eta Donostiako Ospitalean hil da. Erasotzailea epailearen aurrean deklaratzeko esperoan dago.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).