“EH Bildu ekuazio guztietatik kanpo utz dezakegu”
Alderdi erregionalistak “arduraz” jokatzeko konpromisoa adierazi du, eta eskua luzatu die sozialistei “zentzuz” jokatu eta EH Bildu baztertzeko. PSNk egungo formula errepikatu nahi badu, nahitaez, EH Bildurekin adostu beharko du.
“PSN da EH Bilduren igoeraren errudun; zuritu egin du urteotan, harekin akordioak erdietsita”, nabarmendu du Javier Esparza UPNko buruak. Orain, ordea, sozialistek “zentzuz jokatzeko” aukera badutela esan du; alegia, UPNren aldera jota. Eskua luzatu dio PSNri, “politika erradikal eta muturrekoetatik aldentzeko”. Izan ere, Esparzaren hitzetan, "UPN garaiezina da eta garaiezina izango da".
Chivite (PSN): “UPNren polarizazioaren eraginez igo dira bai Vox eta bai EH Bildu”
Navarra Sumak 20 eserleku atera zituen azken hauteskundeetan, eta orain, bereizita aurkeztuta, 15 eskuratu ditu UPNk, 3 PPk eta 2 Vox-ek. Eskuineko koalizio handi hartan ez zegoen Vox, eta Chivitek Esparzari leporatu dio ultraeskuinari “faborea” egitea.
Garaipena ospatu du, dena den, PSNk. “Gobernua osatzen dugun ezkerreko blokeak eskuineko oposizioa gainditu du, beste behin”, nabarmendu du Chivitek. Hala ere “lasai egoteko” eskatu zuen, eta ez zuen esplizituki presidentetzat jo bere burua, ez baitago bere esku. "Hitz egin beharko da", seinalatu zuen, alderdien izenik eman gabe.
Aznal (EH Bildu): “EH Bildurekin hitz egin beharko da, nahitaez”
EH Bilduk izango du Nafarroako Gobernuko giltza, beste behin. Oraingoan, ordea, babes handiagorekin.
Chivitek elkarrizketak hasi beharko ditu bereziki EH Bildurekin, egungo formula errepikatzeko haien oniritzia beharko dutelako, abstentzio forman bada ere. Hirugarren indarra bihurtu da EH Bildu Nafarroan, UPNren eta PSNren atzetik.
Barkos (Geroa Bai): “Ez dira emaitzarik onenak, baina erabakiorrak gara”
Geroa Bai-k bi eserleku galdu ditu, EH Bilduk irabazi dituenak.
Kritiko hitz egin zuen egindako lanarekiko, baina ez zuen porrot gisa jo: “Serio lanean jarraituko dugu, anbizioz, gure taldea erabakiorra delako Nafarroako herritarrentzat”. Chiviteren bidetik, ezkerreko blokeak eskuina gainditu zuela nabarmentzean jarri zuen fokua.
Alfaro (Contigo Zurekin Nafarroa): "Gobernu aurrerakoia nahi dugu, baina ez edozein preziotan"
Koalizio moreak argi esan zuen Chiviteren aldera joko duela gobernua osatzeko, "baina ez edozein preziotan". Hiru parlamentari eskuratuta, "positiboki" baloratu zituen hauteskundeen emaitzak. Izan ere, azkenengoetan, egoera konplikatuan aurkeztu ziren alderdiek botoen %1,6 soilik jaso zuten; oraingoan, elkartuta, programa zehatzagoarekin, %6 jaso ditu.
"Indarra irabazi dugu gobernu aurrerakoi baterako bidean", nabarmendu zuen Alfaro hautagaiak. "Prest gaude hitz egiteko".
Ekialdeko Barrutiko batzarraren eraketan antzeman du irregulartasuna, lau hautesmahai kontaketatik kanpo utzi baitira.
EH Bildu lehen indarra izan den herrietan, eta PPk edo PSNk alkatetza kentzeko aukerarik zuten kasuetan, alderdi espainolistek haien bitartekoak jarri dituzte hori egiteko. PSNk erraztu egin du UPNren alkatetza, esaterako Iruñean, boto zuria emanda. PPk, berriz, EAJ... [+]
Sopela, Bermeo, Mundaka, Lekeitio, Pasaia edo Hondarribia bezalako kostako herrietan EAJ alkatetzatik kanpo geratu da, turismo masifikatuaren aurkako programekin aurkeztu diren ezkerreko alderdi eta herri plataformen emaitzei esker.
Ostiral honetan eratu da Nafarroako Legebiltzarra eta Geroa Baiko Unai Hualde izendatu dute Legebiltzarreko Mahaiko presidente PSN, EH Bildu eta Zurekin-eko botoekin. Aurreko legealdian ere bera izan da legebiltzarreko lehendakaria.
Eduardo Barinagak uko egin dio zinegotzi akta jasotzeari, ABBk emandako aginduarekin bat ez datorrelako. EAJk hautagaitza aurkeztu ezean, PPk lortuko du alkatetza Arabar Errioxako herrian. Hori da PPk jarritako baldintzetako bat Gasteizen EH Bildu alboratu eta PSE-EAJ gobernu... [+]
Larunbat honetan Hego Euskal Herriko udalak osatuko dira, maiatzaren 28ko hauteskundeen ondoren. Udalerri batzuetan ez dago zalantzarik zeinek hartuko duen aginte makila, baina beste batzuetan indar orekak ez daude garbi eta alderdiek mugimenduak hasi dituzte hautagaiak... [+]
EH Bilduk irabazi ditu Kuartangoko Udalerako hauteskundeak, baina EAJrentzat izango da alkatetza, PPrekin hitzartua baitu. PPtik hautatu zuten zinegotziak, baina, postuari uko egin dio arrazoi pertsonalengatik, eta bere ordezkoa –PPko zerrendan bigarrena– Juan Pablo... [+]
Udal hauteskundeak pasa eta astebetera, badirudi prest gaudela aztertzeko hauteskunde berri hauek utzi dituzten emaitzak, datozen lau urteetan udalerrien politika instituzionala markatuko dutenak. Azterketa posible guztietatik kezkagarriena, zalantzarik gabe, Herrialde... [+]
Hauteskundeetara deituak izan dira azken egunotan espainiar hiritarrak, juntetxe, parlamentu edota udaletxeetako partaideak hautatzera, erakunde horiek berriztatzera, eta hor ari dira orain guztiak, analisietan, kalkuluetan, noren esku eroriko boterea, norekin lortuko aliantzak,... [+]
EAJ eta PSE-EE alderdiek gobernagarritasun ituna berretsi dute. Horrela, akordioari esker EH Bildu lehen indar geratu den leku ugaritan elkarrekin gobernatzeko aukera izango dute. Gasteizko Udalean, Gipuzkoako Batzar Nagusietan eta beste hainbat udaletan, beraz, egoera argitzen... [+]
Gobernagarritasunerako hainbat aukera utzi dute iragan igandeko hauteskundeek Nafarroan, baina haien osaketarako bidea korapilatsua da, eta Espainiako hauteskunde orokorrak uztailaren 23ra aurreratzeak are eta gehiago korapilatu du prozesua.
Hautesleen % 27 ordezkatzen dute eta “hiriko lehen indar aurrerakoia” izanik ordezkaritza printzipio demokratikoari helduko diotela adierazi du Iruñeko EH Bilduko alkategai Joseba Asironek.
Sua eta mina piztu dizkigu PSNren hauteskunde kartel eleaniztunak. "Barrenak behar dira Nafarroan 2023. urtean botoa zortzi hizkuntzatan eskatzeko, euskara baztertuta. Putakumeak. Urdeak. Ezta itxura egiteko ere".
Halako purrustadak irakurri dira egun hauetan Euskal... [+]